Cau Bơto 9:10 - Sră Goh 2018

¹⁰ Jơh ală broă tê mê jòi nàng lơh, lơh tĕ dô bă jơh pràn mê dê; bơh tòm lơgar làng ƀồc, la tiah mê lòt tus, ò gơs broă lơh, ò gơs kơlôi sơnơng, ò gơs bơta git wă hala bơta jak chài.

Cau Bơto 9:10 Mawu Ofanana

Sơnròp Gơlik Gơs 37:35

Jơh tơl nă kòn klau kòn ùr khai dê pơjum nàng pơndòm pơniang khai, mơya khai ò bài mơ đơs lah: “Añ kơlôi moat sùm jơl tus di tŭ añ mù tòm lơgar làng ƀồc tus mơ kòn añ!” Behơ̆ bèp Jôsep ñìm rac bơh kòn khai dê.

I Yal Yau 22:19

Tŭ do, ơn tĕ nùs nhơm mơ hwềng soàn bol mê dê nàng jòi jat Jehôwa Yàng Tom Trồ bol mê dê. Lòt tĕ bơt hìu sàng goh Jehôwa Yàng Tom Trồ dê, tồ Đài Ho Bal Yàng Jehôwa dê mơ ală phan sàng goh Yàng Tom Trồ dê geh cèng tơmut tòm dô nơm hìu neh bơt sơnđan Yàng Jehôwa in.”

I Yal Yau 28:20

Dabit kung đơs mơ Salômôn kòn klau khai dê lah: “Lơh tĕ pràn kơldang mơ khin cha, mơ lơh broă. Bañ rngòt mơ gơplơ̆ nùs bơh Jehôwa Yàng Tom Trồ la Yàng Tom Trồ añ jê, ơm bal mơ kòn. Kơnràñ rơp ò sang, ò lòi kòn jơl tus di tŭ jơh ală broă bơt bơtào hìu duh khoai Yàng Jehôwa dê neh sir.

Nehemi 2:12

Gen añ guh tòm mang bal mơ bàr pe nă cau klau, añ ò yal cau lơi in ñchi bơta Yàng Tom Trồ añ jê neh ơn tòm nùs añ nàng lơh Jerusalem in. Añ mìng gơs phan poan jơng mơ añ neh hào lơm.

Nehemi 4:2

Mơ đơs di đap ală cau lơh gơs dô mpồl bal mơ khai mơ di đap mpồl ling Samari dê lah: “Ñchi ală cau Juda òsô ò soàn hơ̆ ơm lơh taih? Bol khai rơp bơt wơl ală bơta sơl ơ? Bol khai rơp ơn phan duh khoai ơ? Bol khai rơp lơh sir tòm dô ngai ơ? Bol khai rơp ai ală lŭ gam wơl tòm gơnru thul ơmul hơ̆ mơ ai dô nơm lŭ neh ồs sa hơ̆ nàng lơh ơ?”

Nehemi 4:6

Behơ̆ bol hi bơt wơl dơrñang mơ jơh ală dơrñang neh tơrbŏ bal jơnhoa tus di nggùl; bơh làng bol neh lơh broă dô nùs dô bă bal.

Sră Jop 10:21

Lài mơ tŭ añ lòt tus hơ tiah ò tŭ lơi rê wơl, Tòm lơgar klam jơngo mơ mƀur bơta chơt,

Sră Jop 10:22

Tòm lơgar klam cik, mƀur bơta chơt mơ sơlồng sơlàng, La tiah bulah bơta àng kung ò gơkrơi be bơta klam jơngo.’”

Sră Jop 21:13

Bol khai kis tòm ală ngai bol khai dê tòm bơta pas gơs, Mơ bol khai mù tòm lơgar làng ƀồc tòm bơta ring lơngai.

Đơs Crih 6:5

Bơh tòm bơta chơt ò gam kah Kơnràñ tai ò; Tòm lơgar Làng ƀồc ñcau rơp jòng ro Yàng taih?

Jơnau Pơnđik 3:28

Dilah kòn gơs tòm hìu kòn dê, phan mơ cau ơm rềp mơ kòn pal càng, Gen bañ đơs mơ khai lah: “Lòt tĕ mơ rê wơl ngai hìng añ rơp ai phan hơ̆ mê in.”

Cau Bơto 11:3

Tŭ mhwal bềng dà, gen mìu dùh hơđang ù, Tòm tŭ dô nơm chi gơpừ bơh đah đơm hala đah đang, dilah gơpừ tiah lơi gen gơ rơp ơm tềng hơ̆.

Cau Bơto 11:6

Tòm àng drim, sih tĕ gar sơntìl mê dê, tus di trồ mho bañ lòi tê mê dơh wơl; bơh mê ò git gar sơntìl lơi rơp hòn niam, sơntìl do, hala sơntìl ne, hala jơh bàr bơta geh hòn niam lơm.

Esai 38:10

Añ neh đơs: “Tòm tŭ nggùl rài kis, añ pal lik lòt; añ neh geh jào tus hơ mpồng lơgar làng ƀồc, tòm ală nam gam wơl añ jê.”

Jeremi 29:13

Tòm tŭ bol mê jòi Añ, bol mê rơp bàn Añ, dilah bol mê jòi Añ jơh nùs.”

Khà Làng Bol 13:30

Gen Kalep lơh làng bol ơm pal ơm mŏ mŏ di đap Môise mơ đơs lah: “Bol he pal guh mơ tòmpìt lơgar lơh gơs lơgar tòm bol he dê, bơh ngan la bol he rgơi lơh bơta hơ̆.”

Mathiơ 20:7

Bol khai ho lah: ‘Tài bơh ò gơs cau ơpah bol hi.’ Cau tòm đơs mơ bol khai lah: ‘Bol mê kung mut tĕ tòm suơn ño añ jê.’

Mathiơ 6:33

Mơya lài ngan, jòi jat tĕ lơgar Yàng Tom Trồ mơ bơta song ring Kơnràñ dê, gen Kơnràñ rơp ai bơtơl jơh ală bơta hơ̆ bol mê in.

Jang 4:34

Yàng Jesu đơs lah: “Phan sa Añ jê hơ̆ la lơh jat nùs kòñ Bơtau neh sồr Añ lòt tus, mơ lơh sir broă Kơnràñ dê.

Jang 9:4

Tòm tŭ gam trồ ngai, bol he pal lơh ală broă Bơtau neh sồr Añ lòt tus, mang tus gen ò gơs cau lơi rgơi lơh broă ò.

Rôma 12:11

Tơryang tơryồng tĕ, bañ lơh alah: Tòm nùs ngac ngar tĕ, duh tĕ broă Yàng.

I Kôrintô 15:10

Mơya añ do la cau be lơi, hơ̆ la kơnòm di bơta nđàc Yàng Tom Trồ dê, mơ bơta nđàc Kơnràñ neh ai añ in ò di la ò kwơ. Pơrlơ̆ wơl, añ kong bòl glar lơh broă rlau jơh mơ bol hơ̆; mơya ò di la bơh añ, hơ̆ la bơh bơta nđàc Yàng Tom Trồ dê neh ơm mơ añ.

I Kôrintô 16:10

Dilah Timôthe tus, dong kòl tĕ khai nàng ơm bal mơ oh mi dô bă niam, bơh khai duh broă Yàng kung be añ sơl.

I Kôrintô 9:24

Oh mi ò git lah ală cau ntoat pơrlòng tòm tiah pơrlòng, gen jơh tơl nă ntoat bal, mơya mìng gơs dô nă dòp geh phan ƀàn ơ? Behơ̆, oh mi pal ntoat mbe lơi sồng geh phan ƀàn.

I Kôrintô 9:26

Behơ̆ añ ntoat, ò di ntoat ò geh tơnggu; añ tòmlơh, ò di tòmlơh mơ càl:

Ephesô 5:16

Pơlai tĕ tŭ tơngai, tài bơh ală ngai la iơh.

Kôlôse 3:23

Dilah lơh broă lơi, lơh tĕ jơh nùs, be lơh Yàng in, ò di be lơh cau in ò,

I Samuel 10:7

Tòm tŭ ală tềl do gơlik gơs di ngan gen lơh jat tĕ bơta lơi mê pal lơh, bơh Yàng Tom Trồ ơm bal mơ mê.