Cau Bơto 8:16 - Sră Goh 2018

¹⁶ Tòm tŭ añ ơn nùs nàng bơtê git bơta jak chài, nàng sền ală broă neh lơh hơđang plai ù, gen añ gŏ gơs cau mat ò geh bic jơh mang mơ ngai,

Cau Bơto 8:16 Mawu Ofanana

Sơnròp Gơlik Gơs 31:40

Tòm trồ ngai añ kong duh, tòm trồ mang añ kong noat mrềt, añ bic ò lơhă.

Đơs Crih 127:2

Ò kwơ ngan bol mê in guh gòñ bơh drim, òbat bic mang, Mơ sa piang lă lơh broă bòl glar, Bơh Yàng ai bic cau Kơnràñ kòñ gơboh in.

Cau Bơto 1:13

Ơn nùs nàng jòi mơ bàn bơta jak chài jơh ală broă lơh gơs hơđơm trồ do; hơ̆ la dô nơm broă bòl glar mơ Yàng Tom Trồ neh jào kòn mơnus in nàng giga mơ gơ.

Cau Bơto 1:14

Añ neh sền gŏ ală broă lơh hơđơm mattơngai; mơ ne, jơh ală la roh lơm, jat dô ròs càl khồm.

Cau Bơto 1:17

Mơ añ ngui dơngoh nàng git bơta jak chài, mơ git bơta tùl gơla, mơ sơnrang sơnrồng; añ đal git bơta hơ̆ kung la jat dô ròs càl khồm.

Cau Bơto 2:23

Bơh ală ngai khai mìng la jê sồt, tơngai broă khai gơlik gơs moat jrùng; tian gơs tòm trồ mang nùs khai kung ò geh ơm rlô. Bơta hơ̆ kung la dô bơta roh lơm.

Cau Bơto 4:8

Gơs dô nă cau ơm is, ò gơs kòn klau hala oh mi; bulah behơ̆, bơta bòl glar khai ò dơh, mat bol khai ò tŭ lơi dil sền phan mơna; Bol khai lùp lah: “Bơh ñcau tàng añ kong bòl glar, tă să tòm añ bơh di bơta chò nùs taih?” Bơta hơ̆ kung la roh lơm, mơ la dô nơm broă lơh bòl glar.

Cau Bơto 5:12

Bơta bic lơhă cau lơh broă bòl glar dê, bulah khai sa dô êt hala oă; mơya bơta sa hùc oă cau pas sơm dê, rơp ò lòi bol khai in bic lơhă.

Cau Bơto 7:25

Añ tơrwơl bơta kơlôi sơnơng añ jê, nàng git wă, sền sơwì, jòi jat bơta jak chài mơ sơntòm bồ dà ală jơi phan dê, mơ nàng git bơta iơh bơsak la bơrngơl gơla mơ bơta bơrngơl gơla la sơnrang sơnrồng.

Cau Bơto 8:7

Ngan behơ̆, bol khai ò git ñchi bơta rơp gơlik tus; ñcau rgơi yal lài bol khai in ală broă rơp gơlik tus taih?

Cau Bơto 8:9

Añ neh sền sơwì gŏ ală bơta hơ̆; añ ơn nùs kơlôi sơnơng bơh ală broă lơh hơđơm mattơngai. Tòm tŭ dô nă cau gơs gơnoar hơđang cau ndai mơ lơh jê sồt cau hơ̆.