Cau Bơto 7:9 - Sră Goh 2018

⁹ Bañ mhar gơjrañ, bơh bơta gơjrañ ơm tòm nùs cau tùl gơla.

Cau Bơto 7:9 Mawu Ofanana

Sơnròp Gơlik Gơs 4:8

Kain đơs mơ Abel oh khai dê. Mơ tòm tŭ bàr nă bol khai ơm tòm ƀlàng, Kain brồ lơh Abel oh khai mơ tơnchơt khai.

II Samuel 13:22

Apsalôm ò đơs dô jơnau lơi mơ Amnôn bulah la niam hala iơh; bơh khai gơjrañ di Amnôn tài bơh Amnôn neh bic bơklơn Tamar, oh ùr khai dê.

II Samuel 13:28

Gen Apsalôm ai jơnau sồr ală cau duh broă khai dê lah: “Iat tĕ do! Tòm tŭ nùs Amnôn dê hòn chò bơh ñô tơrnòm, mơ tŭ añ sồr bol mê: ‘Tơnchơt tĕ Amnôn,’ gen tơnchơt tĕ khai. Bañ rngòt! Ò di să tòm añ neh ai bol mê in jơnau sồr do ò ơ? Lơh tĕ pràn kơldang mơ khin cha.”

II Samuel 13:32

Mơya Jônadap kòn klau Simea, bi Dabit dê đơs lah: “Dan kơnràñ la cau tòm añ jê bañ kơlôi lah bol khai neh tơnchơt jơh ală kòn klau bơtau dê, mìng Amnôn kong chơt lơm. Hơ̆ la bơta Apsalôm neh lơh nền bơh di ngai Amnôn bic bơklơn Tamar, oh ùr khai dê.

II Samuel 19:43

Gen cau Israel ho wơl ală cau Juda lah: “Bol hi gơs jơt pơnah tòm bơtau, mơ tòm Dabit sơl bol hi gơs rlau mơ bol mê. Behơ̆, ñchi bơh tài bol mê sền òsơp di bol hi behơ̆ taih? Ò di bol hi la cau sơnròp ngan đơs bơh bơta cèng bơtau bol he dê rê wơl sơl ơ?” Mơya ală jơnau cau Juda dê jàñ bơsak rlau mơ ală jơnau ală cau Israel dê.

Jơnau Pơnđik 14:17

Cau duh nùs lơh lu lơh sơnrang; Mơ cau bơtào kai gơrmơ̆i kong gơjrañ.

Jơnau Pơnđik 14:29

Cau òbat gơhào gơjrañ gơs bơta àng jak dờng; Mơya cau lơi jak gơhào nùs yò tơlik bơta kroă sơnrang.

Jơnau Pơnđik 16:32

Cau òbat gơhào gơjrañ lin rlau mơ cau pràn kơldang; Mơ cau lơi at bồ nùs he lin rlau mơ cau tòmpìt theng.

Jơnau Pơnđik 25:8

Bañ sơrbac tơnggơs bơta tòm pơndang bal, rngòt tŭ lồi dut cau ơm rềp mơ kòn neh lơh kòn in ƀàssìl, kòn rơp ò git lơh mbe lơi.

Cau Bơto 7:10

Bañ đơs lah: Ñchi bơh tài ngai òr niam rlau mơ ngai do? Bơh lùp behơ̆ la ò jak chài.

Jôna 4:3

Khoai Yàng Jehôwa, tŭ do añ dan mơ Kơnràñ tă bơta kis añ jê; bơh đah mơ añ, chơt la niam rlau mơ kis.”

Jôna 4:8

Tòm tŭ mattơngai guh, Yàng Tom Trồ rcang gơs dô ròs càl duh tus bơh đah mattơngai lik, mơ mattơngai sòl hơđang bồ Jôna tian gơs khai chơt yơh. Khai kòñ chơt mơ đơs lah: “Đah mơ añ chơt la niam rlau mơ kis!”

Jôna 4:9

Mơya Yàng Tom Trồ đơs mơ Jôna lah: “Mê gơhào gơjrañ tài bơh che rpung brê do di sơl?” Khai ho lah: “Ngan, Añ gơjrañ jơl chơt kung di sơl.”

Jơnau Niam Jat Mak 6:19

Herôdias gơjrañ di Jang, kòñ tơnchơt khai, mơya ò rgơi,

Jơnau Niam Jat Mak 6:24

Khai lik bơh hơ̆, lùp mè lah: “Ñchi kòn kòñ dan taih?” Mè ho lah: “Bồ Jang Ƀaptis dê.”

Jakơ 1:19

Ơ oh mi kòñ gơboh añ jê, oh mi pal git bơta do: Kòp nă cau pal mhar iat, òbat đơs, mơ òbat gơjrañ;