Cau Bơto 7:16 - Sră Goh 2018

¹⁶ Bañ lơh be song ring ir, kung bañ lơh be jak chài ir; ñchi bơh tài tơnroh să tòm he taih?

Cau Bơto 7:16 Mawu Ofanana

Sơnròp Gơlik Gơs 3:6

Cau ùr rmê plai chi hơ̆ dê sa bơkah, mơ tai niam mat mơ màng nàng lơh khai in gơs jak chài, gen khai pic sa mơ tong bau klau khai in ơm rềp mơ khai; bau klau kung sa sơl.

Sră Jop 11:12

Mơya dô nă cau bơrngơl gơla rơp gơs bơta git wă, tòm tŭ dô nơm alàng brê geh deh be kòn mơnus.

Sră Jop 28:28

Gen Kơnràñ đơs mơ kòn mơnus lah: ‘Duh rngòt di Yàng Jehôwa, hơ̆ la bơta jak chài, mơ pleh ngài bơh bơta iơh, hơ̆ la bơta git wă.’”

Jơnau Pơnđik 23:4

Kòn bañ kong bòl glar oă nàng gơs pas sơm; ơm tĕ bañ kơnòm bơta àng loh jak chài is kòn dê.

Jơnau Pơnđik 25:16

Dilah kòn jòi bàn dà lơwe, sa tĕ dimơ, rngòt tŭ sa hòm dil, kòn gơbruh hă.

Cau Bơto 12:12

Mơ tai, ơ kòn kơrhia tĕ bơh bơta lơi sơrlèt rlau mơ bơta bơto do, cau cih oă sră ò lồi; mơ cau bơtê oă lơh bòl glar poac să.

Mathiơ 23:29

“Bòl glar bol mê in, cau bơto bơta boh lam mơ cau Pharisi, la cau ma blac! Bơh bol mê bơt bơtào bơtô ƀồc ală cau gơnoar hwơr dê, lơh hàng mơnĕ bơtô ƀồc ală cau song ring dê,

Mathiơ 23:38

Do, hìu bol mê rơp gơkòl lòi srau gòi.

Mathiơ 23:5

Jơh ală broă bol khai lơh la nàng cau in sền gŏ, bơh bol khai wan gơltau bơta boh lam ơnàng mơ pơnhwài jòng tiang ào,

Mathiơ 9:14

Tŭ hơ̆ ală cau bơtê Jang dê tus hơ Yàng Jesu mơ đơs lah: “Ñchi bơh tài bol hi mơ ală cau Pharisi òs ơt sa, ai cau bơtê Ồng dê ò ơt sa taih?”

Luka 18:12

Añ ơt sa bàr dơ̆ tòm dô poh, añ ơn dô pơnah jơt bơh jơh ală phan añ dòp geh.’

Rôma 10:2

Bơh añ lơh cơng bơh bol khai lah bol khai gơs nùs ngac ngar bơh Yàng Tom Trồ, mơya ò di jat mơnàng bơta git jak ngan.

Rôma 11:25

Ơ oh mi, añ kòñ oh mi git bơta ndơp ndơr do, nàng oh mi ò jòng să he la cau jak chài: hơ̆ la dô pơnah làng bol Israel kư̆ kơldang nùs sùm, jơl tus di tŭ lơi ntum khà làng bol bơdìh wil tơl lòt tus hơ Yàng Tom Trồ;

Rôma 12:3

Behơ̆, kơnòm di bơta nđàc neh ai añ in, añ đơs mơ kòp nă cau tòm oh mi, bañ sền să he jòng rlau ir, mơya pal sền tĕ să he tòm toh be rnoas bơta dòn mơ Yàng Tom Trồ neh pà kòp nă cau in.

I Kôrintô 3:18

Bañ gơs cau lơi pơrlồm să he. Dilah gơs cau lơi tòm oh mi kơlôi he la jak chài tòm rài do, gen lòi tĕ khai gơlik gơs tùl gơla nàng khai gơlik gơs jak chài ngan.

I Kôrintô 3:20

Mơ Sră Goh ndai cih: “Yàng git bơta kơlôi ală cau jak chài dê la ò kwơ lơm.”

Philip 3:6

bơh nùs ngac ngar gen la cau kup kơryan Hìu Jum Goh, ai bơh bơta song ring bơta boh lam dê gen ò gơs tiah geh lah pơrhơng.

Kôlôse 2:18

Bañ lòi cau lơi ngui bơta pơndêt să is mơ bơta duh khoai cau gơnrơh nàng kơñau phan ƀàn oh mi dê, bơh cau hơ̆ lơh jat ală bơta gơtơnggŏ khai dê, jat nùs kơlôi poac să dê mơ pơnhừ să ò bồ,

Kôlôse 2:23

Ală bơta hơ̆ gơlơh be jak chài tòm bơta duh khoai jat nùs is, bơta pơndêt să, bơta bơklơn să jan, mơya ngan ò gơs kwơ dô êt lơi nàng tòmdră mơ bơta hàm kòñ poac să dê.

I Timôthe 4:3

Bol khai bơkơŭ lap klau tòmbau ùr, mơ sồr wèr ală phan sa Yàng Tom Trồ neh crơng gơs, ai cau dòn mơ git jơnau song in ưnngài mơ dòp ngui.

Yal Tơlik 18:19

Bol khai rsìh thul hơđang bồ bol khai, ñìm rac moat jrùng mơ driau lah: “Nđàc sơngit ngan, pơlai soh ngan ƀòn dờng ne, ală cau gơs ơhò hơđang dàlềng kơnòm di bơta pas sơm khai dê mơ gơlik pas gơs, mơ do tòm dô jơ khai kong tơnroh lề lac jơh.