Cau Bơto 7:15 - Sră Goh 2018

¹⁵ Tòm rài kis roh lơm añ jê, añ neh gŏ jơh ală bơta: Gơs ală cau song ring, roh rui tòm bơta song ring bol khai dê; mơ cau iơh bơsak geh kis jŏ jòng tòm bơta iơh bơsak bol khai dê.

Cau Bơto 7:15 Mawu Ofanana

Sơnròp Gơlik Gơs 47:9

Jakôp ho lah: “Ală nam añ kis ing tòm dunnia do la dô rhiang pe jơt nam. Ală nam rài kis añ jê la liah mơ bòl glar lơm, ò di be ală nam mò pàng añ jê tòm tŭ bol khai kis tòm dunnia do.”

I Ală Bơtau 21:13

Bàr nă cau gơlềng gơlàng tus nggui di đap Nabôt, mơ bol khai yă blac tòmdră mơ Nabôt di đap làng bol, lah: “Nabôt neh srat rma Yàng Tom Trồ mơ bơtau.” Gen bol khai lam Nabôt lik hơ bơdìh ƀòn dờng, mơ cơm lŭ tơnchơt khai.

Đơs Crih 10:3

Bơh cau iơh bơsak jòng să bơh nùs hàm kòñ khai dê; Cau hàm hà phan mơna sang lòi Yàng Jehôwa, mơ lah sơrpah Kơnràñ.

Đơs Crih 39:6

Ngan, kòp nă cơnđòa lòt ò gơkrơi be dô nơm mƀur, Bơta kơlôi rcang khai dê la ò kwơ; Cau tơrgòm pơjum phan mơna, mơya ò git ñcau rơp dòp prap.

Cau Bơto 2:23

Bơh ală ngai khai mìng la jê sồt, tơngai broă khai gơlik gơs moat jrùng; tian gơs tòm trồ mang nùs khai kung ò geh ơm rlô. Bơta hơ̆ kung la dô bơta roh lơm.

Cau Bơto 3:16

Añ gam gŏ hơđơm mattơngai, hơ̆ la tòm tiah cahrña gơs bơta iơh bơsak, mơ tòm tiah at bơta song ring gơs bơta ò song ring.

Cau Bơto 6:12

Bơh ñcau rgơi git bơta lơi niam kòn mơnus in tòm tŭ bol khai kis dô êt ngai roh lơm tòm rài kis, bơta hơ̆ lòt gan be mƀur taih? Bơh ñcau rgơi yal lài bol khai in ală bơta rơp tus tơnơ̆ hơđơm mattơngai taih?

Cau Bơto 9:9

Hòn chò tĕ rài kis mơ bau ùr mê kòñ gơboh, jơh ală ngai tòm rài roh lơm mê dê, mơ mê neh dòp geh hơđơm mattơngai, tài bơh hơ̆ la pơnah mê dê tòm rài kis do, mơ la bơta mê geh bơh broă lơh mê dê mơ mê neh kong bòl glar hơđơm mattơngai.

Esai 65:20

Tềng hơ̆ rơp ò tŭ lơi gơs dô nă kòn kis mìng dô êt ngai, hala dô nă cau kra ò kis tơl jơh ală nam khai dê; cau lơi chơt tòm tŭ neh gơs dô rhiang nam rơp kòp la chơt gam pơnu; mơ cau ò kis tus di dô rhiang nam rơp kòp la cau kong srat rma.

Jang 16:2

Bol khai rơp bơtrơh tơlik bol mê bơh di hìu jum; mơ rơp tus di tŭ, dơ̆ cau lơi tơnchơt bol mê, gen tồnlah duh broă Yàng Tom Trồ.

Broă 7:52

Gơs cau gơnoar hwơr lơi mơ ồng pàng ală ồng ò kup kơryan ơ? Bol khai kung neh tơnchơt ală cau yal lài bơh bơta lòt tus Bơtau Song ring dê, mơ ală ồng kung neh pơrlơ̆ dră mơ tơnchơt tơn;