Cau Bơto 7:14 - Sră Goh 2018

¹⁴ Tòm ngai pas gơs lơngai lơngò hòn chò tĕ, mơ tòm ngai rung rài kơlôi sơwì tĕ; bơh Yàng Tom Trồ neh lơh ngai do mơ ngai ne, tồ kòn mơnus in ò rgơi jòi bàn ală bơta lơi rơp gơlik tus tơnơ̆ he.

Cau Bơto 7:14 Mawu Ofanana

I Ală Bơtau 8:47

dilah tòm lơgar mơ bol khai kong jàm, bol khai kơlôi sơnơng wơl, gơjrañ sang glài, mơ rac dan mơ Yàng lah: ‘Bol hi neh tìs glài, lơh bơta iơh bơsak, mơ lơh dô bă iơh rmơh;’

Sră Jop 2:10

Mơya khai ho wơl bau ùr khai lah: “Ai đơs kung be dô nă cau ùr bơrngơl gơla. Bol he dòp bơta niam bơh tê Yàng Tom Trồ, mơ ò bài dòp bơta iơh ơ?” Tòm jơh ală bơta hơ̆, Jop ò tìs glài bơh jơnau đơs khai dê.

Đơs Crih 119:71

Hơ̆ la niam añ in bơh añ neh pìn pơndêt să, tồ añ in rgơi bơtê jơnau sồr Yàng dê.

Đơs Crih 40:3

Kơnràñ ơn di bơr añ dô bơta đơs chò pa, Hơ̆ la bơta jòng ro Yàng Tom Trồ bol hi dê. Oă cau rơp gŏ bơta hơ̆ mơ rngòt, Gen dòn kơnòm di Yàng Jehôwa.

Cau Bơto 10:14

Cau tùl gơla jak đơs oă jơnau; ò gơs cau lơi git ñchi rơp gơlik tus; mơ ñcau rơp yal tơlik cau lơi in bơta rơp gơlik tus tơnơ̆ taih?

Cau Bơto 11:9

Ơ cau kơnòm să, hòn chò tĕ tòm tŭ mê gam kơnòm să, lòi tĕ nùs mê hừh hơh tòm tŭ gam kơnòm să, lòt jat tĕ gùng dà nùs mê kòñ, mơ đal sền bơta mat mê hàm kòñ, mơya git lah bơh ală bơta hơ̆, Yàng Tom Trồ rơp hòi mê tus nàng cahrña.

Cau Bơto 12:13

Jơnau crap wơl bơh ală bơta neh gơlik gơs neh geh kơno do: Duh rngòt tĕ Yàng Tom Trồ mơ prap gàr ală bơta sồr lam Kơnràñ dê; hơ̆ la broă tòm wil tơl jơh tơl nă dê.

Cau Bơto 12:8

Cau bơto đơs lah: Roh lơm bơta roh lơm dê; jơh ală la roh lơm.

Cau Bơto 3:22

Behơ̆ gen, añ gŏ ò gơs bơta lơi niam rlau jơi kòn mơnus in la chò hòp tòm broă lơh he dê; hơ̆ la pơnah broă tòm bol khai dê; bơh ñcau rơp cèng bol khai rê wơl nàng sền gŏ bơta rơp gơlik tus tơnơ̆ he taih?

Cau Bơto 3:4

Gơs tŭ ñìm, mơ gơs tŭ ñŏ; gơs tŭ rac ròc, mơ gơs tŭ tòmya;

Cau Bơto 5:17

Mơ tai, jơh rài bol khai pal kis tòm bơta klam jơngo, pal kong oă bơta moat jrùng, kòp jê mơ gơjrañ mañ.

Cau Bơto 8:7

Ngan behơ̆, bol khai ò git ñchi bơta rơp gơlik tus; ñcau rgơi yal lài bol khai in ală broă rơp gơlik tus taih?

Cau Bơto 9:7

Lòt tĕ sa ƀañ mê dê dô bă hòn chò, mơ ñô tơrnòm dô bă hừh nùs; bơh Yàng Tom Trồ dòp ală broă lơh mê dê neh jŏ jòng rau.

Esai 26:11

Ơ Yàng Jehôwa, tê Kơnràñ neh pò hơđang, mơ bol khai ò sền gŏ gơ. Lòi bol khai in gŏ nùs ngac ngar Kơnràñ dê bơh làng bol Kơnràñ dê mơ rơp ƀàssìl; Lòi ồs chu pơrguc cau sò tơm bol khai.

Esai 42:25

Behơ̆ tàng Kơnràñ neh tuh hơđang bol khai bơta gơjrañ duh hơng Kơnràñ dê, la bơta gơhào gơjrañ bơta kơlìn dê. Gơ gơrwàng bol khai tòm ồs, mơya khai kung ò git wă; gơ chu pơrguc khai, mơya khai kung ò ơn nùs bơh bơta hơ̆.

Jeremi 23:20

Bơta gơjrañ Yàng Jehôwa rơp ò ruc wơl Jơl tus di tŭ Kơnràñ lơh sir mơ wil tơl bơta Kơnràñ neh lơh nền tòm nùs, Tòm ngai lồi dut, bol mê rơp git wă loh làng bơta hơ̆.

Ñìm Rac 3:38

Hơ̆ ò di bơh bơr Bơtau Hơđang Rlau Jơh mơ gơlik bơta rung rài mơ bơta lơngai lơngò ơ?

Mice 6:9

Ơm iat tĕ! Jơnau Yàng Jehôwa hòi driau tòm ƀòn dờng, hơ̆ la cau jak chài pal duh rngòt dê sơnđan Kơnràñ. Ơ jơi bơtiàn mơ mpồl jơnum ơm tòm ƀòn dờng!

Mathiơ 9:13

Lòt tĕ bơtê git jơnau gơtha sèng do: ‘Añ kòñ bơta kòñ nđàc, ò kòñ phan ơn duh khoai ò.’ Bơh Añ tus ò di nàng hòi cau song ring ò, mơya nàng hòi cau glài.”

Broă 14:22

Lơh ală cau bơtê kơ̆ nùs, bơto pơndòm bol khai prap kơ̆ bơta dòn, mơ yal lah bol he pal kong oă bơta bòl glar gen sồng geh mut tòm lơgar Yàng Tom Trồ.

Yal Wơl 26:11

Gen bol mê bal mơ ală cau Lebi mơ ală cau làng bol bơdìh ơm digùl bol mê rơp hòn chò tòm jơh ală bơta niam mơ Jehôwa Yàng Tom Trồ bol mê dê neh ai bol mê mơ hìu nhă bol mê in.

Yal Wơl 28:47

Tài bơh bol mê ò duh broă Jehôwa Yàng Tom Trồ bol mê dê dô bă hòn chò mơ chò hòp tòm tơngai bơtoah bơtoài,

Yal Wơl 8:3

Kơnràñ tơnliah bol mê, lơh bol mê in kong jơgloh lồc behơ̆ siam bol mê mơ mana mơ bol mê hala ồng pàng bol mê dê kung òhềt tŭ lơi git, nàng bơto bol mê in git lah kòn mơnus ò di kis bơh piang lă lơm ò, mơya bơh kòp jơnau neh đơs bơh bơr Yàng Jehôwa dê.

Yal Wơl 8:5

Gen git tĕ tòm nùs bol mê dê lah, kung be dô nă cau lơh glài tơmàl kòn khai dê gen Jehôwa Yàng Tom Trồ bol mê dê kung lơh glài tơmàl bol mê behơ̆ sơl.

Jakơ 5:13

Gơs cau lơi tòm ală oh mi tìp bơta bòl glar jê sồt sơl? Cau hơ̆ hòi dan tĕ. Gơs cau lơi geh bơta chò hòp sơl? Cau hơ̆ đơs chò tĕ jòng ro Yàng.