Cau Bơto 7:12 - Sră Goh 2018

¹² Bơh bơta sền gàr bơta jak chài dê kung be bơta sền gàr jền priă dê; mơ bơta gơs kwơ bơta git jak dê hơ̆ la bơta jak chài ai bơta kis cau lơi in geh gơlơh gơs phan tòm.

Cau Bơto 7:12 Mawu Ofanana

Sră Jop 1:10

Yàng ò di neh lơh dô nơm pơnggàr gùt dar khai, hìu nhă khai mơ jơh ală phan gơrê bal mơ khai, tòm kòp đah ò ơ? Yàng neh ai lơngai ală broă tê khai neh lơh, mơ lơh ală phan mơna khai dê gơbơtơl oă tòm lơgar.

Đơs Crih 57:1

Dan kòñ nđàc di añ; ơ Yàng Tom Trồ, dan kòñ nđàc di añ, Bơh hwềng soàn añ kìng crŭ tòm Yàng. Ngan, añ rơp kìng crŭ să añ tòm tiah mƀur đar Kơnràñ dê, Jơl tus di tŭ ală càl rbut dờng bơta tơnroh neh rlau rau.

Jơnau Pơnđik 11:4

Tòm ngai gơjrañ dờng, phan mơna ò kwơ dô êt lơi, Mìng bơta song ring dong klàs bơh bơta chơt.

Jơnau Pơnđik 14:20

Cau rƀah bulah cau gơp ƀòn kung sang lòi; mơya cau pas gen oă ngan bơyô.

Jơnau Pơnđik 2:11

Bơta git kơrhia rơp sền gàr kòn, Bơta git jak rơp ê gàr kòn.

Jơnau Pơnđik 2:7

Kơnràñ prap lòi bơta jak chài ngan cau song ngan in, Kơnràñ la khèl đo cau ò gơs tiah geh lah pơrhơng in,

Jơnau Pơnđik 3:18

Gơ kung be la chi bơta kis cau lơi in sơmbat geh gơ, Cau lơi at kơ̆ di gơ, hơ̆ la cau geh lơngai.

Jơnau Pơnđik 8:35

Bơh dilah cau lơi jòi bàn añ gen bàn bơta kis, Mơ dòp geh bơta nđàc bơh Yàng Jehôwa;

Jơnau Pơnđik 9:11

Bơh kơnòm di añ, ală ngai kòn rơp geh bơtơl oă, Mơ ală sơnam rơp geh bơtơl oă bơta kis kòn in.

Cau Bơto 10:19

Cau yò sào dờng nàng ñŏ; alak tơrnòm lơh rài kis in chò hòp; gơs jền priă gen geh ală bơta pal càng.

Cau Bơto 2:13

Gen añ gŏ bơta jak chài lin rlau mơ bơta bơrngơl gơla, kung be bơta àng lin rlau mơ bơta klam jơngo.

Cau Bơto 7:19

Bơta jak chài lơh cau jak chài in gơs pràn kơldang rlau mơ jơt nă cau at bồ ơm tòm ƀòn dờng.

Cau Bơto 9:16

Behơ̆ añ đơs lah: Bơta jak chài niam rlau mơ pràn kơldang; mơya bơta jak chài cau rƀah dê kong sền òsơp, mơ jơnau đơs khai dê cau ò ai tồr iat.

Cau Bơto 9:18

Bơta jak chài niam rlau mơ ală phan tòmlơh; mơya dô nơm bơta tìs nrah tơnroh oă bơta niam.

Esai 30:2

Bol khai mù hơ Ejiptơ mơ ò lùp Añ, jòi tiah kìng crŭ tòm bơta sền gàr Pharaôn dê, mơ jòi tiah pồn să tòm mƀur Ejiptơ dê.

Esai 32:2

Kòp nă bol khai rơp kung be dô bă tiah kìng crŭ bơh di càl mơ la jơm gòm bơh di càl rbut, kung be croh dà tòm dô bă tiah rañ rsơh, mơ kung be mƀur pơnai lŭ dờng tòm ù tiah ro rañ.

Esai 33:6

Kơnràñ rơp la bơta kơ̆ nền tŭ tơngai mê dê, la bơta dong klàs tơngkah tơngkañ, bơta jak chài mơ bơta git wă; Bơh bơta duh rngòt di Yàng Jehôwa la đam jàr Siôn dê.

Jang 12:50

Añ git lah gơnoar sồr Kơnràñ dê la bơta kis gam sùm sùm. Behơ̆, ală jơnau Añ đơs, gen Añ đơs tòm toh be Bèp neh nting sồr.”

Jang 17:3

Bơta kis gam sùm sùm la dòp git Bèp, la Yàng Tom Trồ song ngan mơ gơs mìng dô nă lơm, bal mơ Jesu Krist mơ Bèp neh sồr lòt tus.

Yal Wơl 32:47

Gơ ò di mìng la ală jơnau đơs gòi bol mê in, gơ la bơta kis bol mê dê. Kơnòm di gơ bol mê rơp kis jŏ jòng tòm lơgar mơ bol mê rơp tiă Jordan nàng dòp geh.”

Philip 3:8

Ngan behơ̆, añ sền jơh ală bơta kung be bơta roh lơm, bơh bơta dòp git Yàng Jesu Krist, Yàng añ jê, la dờng màng rlau jơh; bơh Kơnràñ mơ añ neh sang lòi jơh ală cồng nha hơ̆. Añ sền ală bơta hơ̆ kung be thul ơmul tồ añ in dòp geh Bơtau Krist,

Ală Kwang Cahrña 9:15

Tòm lò đơs mơ ală chi lah: ‘Dilah bơh nùs dòn song bol mê kòñ bong mơñà añ nàng lơh bơtau hơđang bol mê, gen tus tĕ kìng crŭ tòm mƀur añ, mơya dilah ò gen dan ồs lik bơh tòm lò chu jơh ală nho rề Liban dê!’