Cau Bơto 6:9 - Sră Goh 2018

⁹ Bơta lơi gŏ mơ mat la niam rlau mơ bơta hàm kòñ gơlềng gơlàng; bơta hơ̆ la dô bơta roh lơm, jat càl khồm.

Cau Bơto 6:9 Mawu Ofanana

Sră Jop 31:7

Dilah cơnđòa añ jê pơrlac dô đah bơh di gùng, mơ nùs añ lòt jat gar mat añ jê, Hala dilah tê añ gơs tềl ƀơ̆ ƀơl,

Cau Bơto 1:14

Añ neh sền gŏ ală broă lơh hơđơm mattơngai; mơ ne, jơh ală la roh lơm, jat dô ròs càl khồm.

Cau Bơto 1:17

Mơ añ ngui dơngoh nàng git bơta jak chài, mơ git bơta tùl gơla, mơ sơnrang sơnrồng; añ đal git bơta hơ̆ kung la jat dô ròs càl khồm.

Cau Bơto 1:2

Cau bơto đơs: Roh lơm bơta roh lơm dê, roh lơm bơta roh lơm dê, jơh ală la roh lơm.

Cau Bơto 11:9

Ơ cau kơnòm să, hòn chò tĕ tòm tŭ mê gam kơnòm să, lòi tĕ nùs mê hừh hơh tòm tŭ gam kơnòm să, lòt jat tĕ gùng dà nùs mê kòñ, mơ đal sền bơta mat mê hàm kòñ, mơya git lah bơh ală bơta hơ̆, Yàng Tom Trồ rơp hòi mê tus nàng cahrña.

Cau Bơto 2:11

Gen añ sền sơwì ală broă tê añ neh lơh, mơ bơta bòl glar he neh kong nàng lơh; mơ dô dơ̆ tai jơh ală bơta hơ̆ la roh lơm mơ jat dô ròs càl khồm, mơ ò gơs kwơ dô êt lơi hơđơm mattơngai.

Cau Bơto 4:4

Gen añ kung neh gŏ ală broă bòl glar mơ ală cau chài rgơi lơh broă gơlik bơh bơta tòmpơrlòng dô nă cau dê mơ dô nă cau ndai. Bơta hơ̆ kung la bơta roh lơm, jat dô ròs càl khồm.

Cau Bơto 5:18

Do la ală bơta niam mơ añ neh sền gŏ: bơta di pal la sa, hùc mơ jòi geh bơta hòn chò tòm jơh ală bơta bòl glar mơ he neh lơh hơđơm mattơngai, tòm dô êt ngai tòm rài kis Yàng Tom Trồ neh ai bol he in, bơh hơ̆ la pơnah he dê.

Cau Bơto 6:2

Gơs ală cau mơ Yàng Tom Trồ ai bơta pas gơs, phan mơna mơ bơta ryŭ ryơm, tian gơs ò siơ̆u bơta lơi nùs bol khai kơp kòñ; bulah behơ̆ Yàng Tom Trồ ò ai bol khai in hòn chò dòp ngui gơ, mơya la dô nă cau crih mat geh hòn chò ngui gơ. Hơ̆ la bơta roh lơm, la dô bơta jê sồt bòl glar.

Jeremi 2:20

“Bơh lài òr Añ neh dơrpă yô mê dê, Gơltac che sreng mê dê, Mơ mê đơs lah: ‘Añ rơp ò duh broă!’ Hơđang kòp nơm dòr jơnhoa, mơ hơđơm kòp nơm chi tơlir, Mê neh kun să mơ lơh bơta dri tơlàr.