Cau Bơto 6:12 - Sră Goh 2018

¹² Bơh ñcau rgơi git bơta lơi niam kòn mơnus in tòm tŭ bol khai kis dô êt ngai roh lơm tòm rài kis, bơta hơ̆ lòt gan be mƀur taih? Bơh ñcau rgơi yal lài bol khai in ală bơta rơp tus tơnơ̆ hơđơm mattơngai taih?

Cau Bơto 6:12 Mawu Ofanana

I Yal Yau 29:15

Bol hi la cau làng bơdìh mơ cau ơm ing di đap mat Kơnràñ, kung be jơh ală ồng pàng bol hi dê. Ală ngai bol hi dê hơđang ù la kung be dô nơm mƀur, ò gơs bơta gơn kơnòm.

Sră Jop 14:2

Khai hòn dờng kung be bơkào gen ñòp ro, ntoat dô be dô nơm mƀur, khai ò ơm jŏ jòng.

Sră Jop 14:21

Ală kòn sau bol khai dê gơlik dờng màng, mơ bol khai ò git; Bol khai gơkòl tơmù tòm tiah liah, bol khai kung ò ơn nùs kơlôi.

Sră Jop 8:9

Mơya bơh bol he neh gơs bơh ngai òr, mơ bol he ò git bơta lơi; Mơ ală ngai bol he dê tòm ù la ò gơkrơi kung be dô nơm mƀur.

Đơs Crih 102:11

Ală ngai añ jê mòr jơh kung be mƀur trồ mho; Añ ro rañ be ñhơt.

Đơs Crih 109:23

Añ sang rài mhar kung be mƀur tòm trồ mho; Añ kong rtuh tơlik kung be srah kong cau pơs.

Đơs Crih 144:4

Kòn mơnus kung be nhơm tă; Rài kòn mơnus kung be mƀur lòt gan.

Đơs Crih 16:5

Yàng Jehôwa la pơnah añ sac rwah mơ la mơngàn añ jê; Kơnràñ prap gàr pơnah phan mơna añ jê.

Đơs Crih 17:15

Ai añ, añ rơp sền gŏ mat Kơnràñ dê tòm bơta song ring. Tòm tŭ añ kah rngal, añ rơp hừh nùs mơ sền gŏ rùp să Yàng dê.

Đơs Crih 4:6

Gơs oă cau đơs lah: “Ñcau rơp ai bol he in gŏ bơta lơngai taih? Ơ Yàng Jehôwa, dan bơta àng mat Kơnràñ dê sòl hơđang bol hi.”

Đơs Crih 47:4

Kơnràñ sac rwah phan jơtài bol hi in, Gơ la bơta jòng să Jakôp dê cau Kơnràñ kòñ gơboh. (Selah)

Đơs Crih 89:47

Ơ Yàng, dan kah wơl rài kis cau dê la liah kàr lơi, Mơ kah bơh tơnggume lơi mơ Yàng neh crơng gơs jơi kòn mơnus.

Cau Bơto 10:14

Cau tùl gơla jak đơs oă jơnau; ò gơs cau lơi git ñchi rơp gơlik tus; mơ ñcau rơp yal tơlik cau lơi in bơta rơp gơlik tus tơnơ̆ taih?

Cau Bơto 12:13

Jơnau crap wơl bơh ală bơta neh gơlik gơs neh geh kơno do: Duh rngòt tĕ Yàng Tom Trồ mơ prap gàr ală bơta sồr lam Kơnràñ dê; hơ̆ la broă tòm wil tơl jơh tơl nă dê.

Cau Bơto 2:24

Ò gơs bơta lơi niam rlau kòn mơnus in la sa mơ hùc, mơ jòi bơta hòn chò tòm broă lơh bòl glar bol khai dê. Añ sền gŏ bơta hơ̆ kung bơh tê Yàng Tom Trồ mơ tus.

Cau Bơto 2:3

Añ kơlôi tòm nùs lah pal lơh poac să añ jê geh hòn chò bơh alak tơrnòm, mơ dơngoh añ gam tề lam añ mơ bơta jak chài, nùs añ, mơ mbe lơh nàng at kơ̆ di bơta tùl gơla, jơl tus di tŭ añ sền gŏ bơta lơi la niam nàng jơi kòn mơnus in lơh hơđơm trồ do, tòm dô êt ngai tòm rài kis bol khai dê.

Cau Bơto 3:22

Behơ̆ gen, añ gŏ ò gơs bơta lơi niam rlau jơi kòn mơnus in la chò hòp tòm broă lơh he dê; hơ̆ la pơnah broă tòm bol khai dê; bơh ñcau rơp cèng bol khai rê wơl nàng sền gŏ bơta rơp gơlik tus tơnơ̆ he taih?

Cau Bơto 6:11

Gơs oă jơnau kàr lơi, gen bơta roh lơm oă kàr hơ̆; behơ̆, ñchi bơta niam rlau taih;

Cau Bơto 7:15

Tòm rài kis roh lơm añ jê, añ neh gŏ jơh ală bơta: Gơs ală cau song ring, roh rui tòm bơta song ring bol khai dê; mơ cau iơh bơsak geh kis jŏ jòng tòm bơta iơh bơsak bol khai dê.

Cau Bơto 8:13

Mơya cau iơh bơsak rơp ò geh lơngai; kung rơp ò geh kis jŏ, bơh rài kis kung be mƀur; tài bơh khai ò ntào tòm bơta duh rngòt di đap Yàng Tom Trồ.

Cau Bơto 8:7

Ngan behơ̆, bol khai ò git ñchi bơta rơp gơlik tus; ñcau rgơi yal lài bol khai in ală broă rơp gơlik tus taih?

Cau Bơto 9:6

Bơta kòñ gơboh bol khai dê, bơta gơjrañ bol khai dê, mơ bơta ƀoah pơrhiat bol khai dê neh roh rui rau; bol khai ò gơs tŭ lơi gam gơs pơnah lơi tòm ală bơta gơlik gơs hơđơm mattơngai.

Cau Bơto 9:9

Hòn chò tĕ rài kis mơ bau ùr mê kòñ gơboh, jơh ală ngai tòm rài roh lơm mê dê, mơ mê neh dòp geh hơđơm mattơngai, tài bơh hơ̆ la pơnah mê dê tòm rài kis do, mơ la bơta mê geh bơh broă lơh mê dê mơ mê neh kong bòl glar hơđơm mattơngai.

Mice 6:8

Ơ kòn mơnus, Kơnràñ neh yal mê in bơta lơi la niam; Bơta mơ Yàng Jehôwa jòi lùp mê. Hơ̆ ò di la lơh bơta song ring, gơboh bơta lơbơn niam, mơ cơnđoà lòt dô bă pơndêt să mơ Yàng Tom Trồ ò ơ?

Jakơ 4:14

Mơya oh mi ò git ngai hìng rơp gơlik be lơi! Bơta kis oh mi dê la ñchi taih? Bơh oh mi be dà tŭ, gơlik tòm dô êt jŏ gen roh thit.