Cau Bơto 5:8 - Sră Goh 2018

⁸ Dilah mê gŏ tòm lơgar gơs cau rƀah kong rồn bơklơn, hala gŏ bơta lơh tìs di bơta song ring mơ bơta di ngan, gen bañ ai lơh krơi; bơh gơs cau kwang jơnhoa ơm kơp sền bơh tiah jơnhoa rlau, mơ hơđang bol khai gam gơs dô nă kwang jơnhoa rlau hơđang bol khai.

Cau Bơto 5:8 Mawu Ofanana

II Yal Yau 26:10

Khai kung bơt bơtào ală theng jòng jơnhoa tòm ƀlàng ngềt ngơt mơ tò oă tơrlung dà, tài bơh khai gơs oă mpồl phan poan jơng di jơng ală mơnơm mơ tòm ală ƀlàng ring. Khai gơs làng bol lơh broă tòm ală ƀlàng sre mơ tòm ală suơn ño khai dê tòm ală mơnơm dềt mơ ală tiah gơs ù bơkah, tài bơh khai kòñ gơboh di ù tiah.

Sră Jop 24:23

Kơnràñ lòi bol khai ơm lơngai mơ kơlôi lah kơ̆ nền rau, Mơya gar mat Kơnràñ dê sền sơwì ală gùng dà bol khai dê.

Đơs Crih 12:5

Yàng Jehôwa đơs lah: “Tŭ do Añ rơp guh, Tài bơh cau rƀah gơkòl rồn bơklơn, mơ cau siơ̆u siar pơt wòl; Añ rơp ơn khai tòm tiah ring lơngai, la tiah khai kơp kòñ.”

Đơs Crih 55:9

Ơ Yàng, dan tơnroh bơta bơyai bol khai dê, mơ lơh sơlồng sơlàng jơnau đơs bol khai dê, Bơh añ gŏ bơta iơh rhung rhang mơ bơta tòmpìt tòmhà tòm ƀòn dờng.

Đơs Crih 82:1

Yàng Tom Trồ ntào tòm mpồl jơnum Kơnràñ dê; Kơnràñ cahrña digùl ală yàng mơ đơs lah;

Đơs Crih 83:18

Dan lòi bol khai in git lah mìng dô nă Yàng, La Bơtau Hơđang Rlau Jơh tòm plai ù, Sơnđan Kơnràñ la Yàng Jehôwa.

Đơs Crih 95:3

Bơh Jehôwa la Yàng Tom Trồ dờng ngan, Mơ la Bơtau dờng hơđang rlau jơh ală yàng.

Jơnau Pơnđik 22:16

Cau lơi rồn bơklơn cau rƀah nàng lơh khai in pas gơs; mơ cau lơi ai cau pas gơs in mìng lơh khai in gơmut tòm bơta siơ̆u siar.

Jơnau Pơnđik 24:12

Dilah kòn đơs: “Sền do, bol hi ò git bơta do;” gen Bơtau kơr sơnoa nùs cau, ngan ò di sền sơwì bơta hơ̆ ơ? Mơ Bơtau ê sền gàr hwềng soàn kòn rơp ò git sơl ơ? Behơ̆ Kơnràñ rơp ò tơm wơl kòp nă jat broă lơh bol khai ò ơ?

Jơnau Pơnđik 8:17

Añ kòñ gơboh ală cau kòñ gơboh añ, Ngan cau lơi jơh nùs jòi añ rơp bàn añ.

Cau Bơto 3:16

Añ gam gŏ hơđơm mattơngai, hơ̆ la tòm tiah cahrña gơs bơta iơh bơsak, mơ tòm tiah at bơta song ring gơs bơta ò song ring.

Cau Bơto 4:1

Dô dơ̆ tai, añ sền ală bơta rồn bơklơn gơlik gơs hơđơm mattơngai; Sền ne, dà mat ală cau kong rồn bơklơn, mơ ò gơs cau lơi pơndòm pơniang bol khai! Cau rồn bơklơn gơs gơnap gơnoar, mơya ò gơs cau lơi pơndòm pơniang cau kong rồn bơklơn!

Cau Bơto 5:9

Mơya tòm jơh ală bơta geh sền sơwì, do la dô bơta gơs kwơ ƀòn lơgar in, hơ̆ la dô nă cau bơtau lơòr sre.

Cau Bơto 7:7

Ngan, bơta rồn bơklơn lơh cau jak chài gơlik bơrngơl, mơ phan sa loă lơh roh rui nùs in.

Cau Bơto 8:9

Añ neh sền sơwì gŏ ală bơta hơ̆; añ ơn nùs kơlôi sơnơng bơh ală broă lơh hơđơm mattơngai. Tòm tŭ dô nă cau gơs gơnoar hơđang cau ndai mơ lơh jê sồt cau hơ̆.

Esai 10:12

Tòm tŭ Yàng Jehôwa neh lơh sir jơh ală broă tòmdră mơ mơnơm Siôn mơ Jerusalem Kơnràñ rơp đơs: “Añ rơp lơh glài bơtau Asiri tài bơh nùs pơnhừ să mơ gar mat pò hơđang khai dê.

Esai 3:15

Bol mê ò di jă trơm làng bol Añ jê, mơ tơnlề muh mat cau rƀah rƀừp dê.” Añ, Yàng Jehôwa Gơnap Gơnoar Dờng Làm Jơh đơs behơ̆.

Esai 37:36

Gen cau gơnrơh Yàng Jehôwa dê mut tòm sàl ling cau Asiri dê mơ tơnchơt dô rhiang phàm jơt pram rbô nă cau. Tòm tŭ rìng àng drim gŏ bol khai neh chơt jơh.

Esai 5:7

Suơn ño Yàng Jehôwa Gơnap Gơnoar Dờng dê, hơ̆ la hìu Israel, mơ làng bol Juda la ală chi tam Kơnràñ kòñ gơboh. Kơnràñ kơp gơn bơta song ngan, mơya neh gŏ bơta lơh gơhòr mhàm; kơp gơn bơta song ring, mơya neh kơno jơnau nggà ñìm jê sồt bòl glar.

Esai 57:15

Bơh Bơtau hơđang jòng rlau jơh, la Bơtau ơm tòm tiah gam sùm sùm, Sơnđan Kơnràñ la Bơtau Sàng Goh, đơs be do: “Añ ơm tòm dô bă tiah jơnhoa mơ sàng goh, mơya kung ơm mơ cau gơs nùs jê sồt gơjrañ sang glài mơ pơndêt să, nàng lơh pa wơl hwềng nùs cau pơndêt să, mơ lơh pa wơl nùs cau gơjrañ sang glài.

Ejekiel 18:18

Gơwèt mơ bèp khai, tài bơh khai neh lơh ală broă iơh, ntung kơñau ală oh mi khai dê, mơ lơh ală broă ò niam digùl làng bol khai dê, khai chơt bơh tồi glài khai dê.

Amôs 5:12

Bơh Añ git ală bơta iơh bơsak bol mê dê la oă ir, mơ ală tồi glài bol mê dê la dờng ò git nđò. Bol mê rồn bơklơn cau song ring mơ dòp ală phan sa loă, mơ bol mê tơlo ală cau rƀah lik bơh dê mpồng ƀòn dờng.

Amôs 6:12

Ală ơseh ntoat hơđang lŭ ơ? Cau rgơi troă dàlềng mơ kơnrồ sơl ơ? Mơya bol mê neh tòmgơl bơta song ngan gơlik gơs bơta bih khih, mơ tòmgơl plai song ring gơlik gơs sràt bơtang.

Mice 2:9

Bol mê bơtrơh ală cau ùr làng bol Añ jê lik bơh di ală hìu ơm niam nùs bol khai dê. Bol mê tă bơta gơklŏ gam sùm sùm Añ jê bơh di kòn sau bol khai dê.

Sacari 8:6

Yàng Jehôwa Gơnap Gơnoar Dờng Làm Jơh đơs be do: “Tian gơs bơta hơ̆ sền gơlơh kung be broă ò rgơi lơh gơs di đap ală làng bol gam wơl tòm ală ngai do, mơ bơta hơ̆ kung gơlơh be ò rgơi gơlik gơs gơwèt mơ Añ sơl ơ?” Yàng Jehôwa Gơnap Gơnoar Dờng Làm Jơh đơs behơ̆.

Malaci 3:5

Gen, Añ rơp tus rềp mơ bol mê nàng cahrña. Añ rơp sơrbac sơrbang lơh cơng tòmdră mơ ală cau gru jơnang, ală cau rềs àr dri tơlàr mơ ală cau srat să ma blac, tòmdră mơ ală cau sa kơñau jền tơngai cau lơh broă ơpah dê, rồn bơklơn ală cau ùr bơnrau mơ cau kòn đòi, ò lơh song ring gơwèt mơ cau ơm tòp, mơ ò duh rngòt di Añ,” Yàng Jehôwa Gơnap Gơnoar Dờng Làm Jơh đơs behơ̆.

Luka 1:32

Kòn klau hơ̆ rơp la dờng ryŭ, geh sơnđan la Kòn Bơtau Hơđang Rlau Jơh dê, Yàng la Yàng Tom Trồ rơp ai Kơnràñ in sơbàn Dabit la ồng pàng Kơnràñ dê.

Luka 1:35

Cau gơnrơh ho lah: “Yàng Hwềng Goh rơp tus hơđang ai, gơnap gơnoar Bơtau Hơđang Rlau Jơh rơp jơm gòm ai, gen tàng Kòn sàng goh lik lìng pal sơnđan la Kòn Yàng Tom Trồ dê.

Luka 1:76

Behơ̆, ơ kòn, mê rơp geh sơnđan la cau gơnoar hwơr Bơtau Hơđang Rlau Jơh dê; Bơh mê rơp lòt di đap Yàng, wàs ală gùng dà Kơnràñ in,

Broă 12:23

Tŭ hơ̆ mo dô nă cau gơnrơh Yàng dê lơh Herôt, tài bơh khai ò lòi bơta gơklŏ Yàng Tom Trồ in, bơtau kòl tu sa cuh mơ chơt tơn.

Rôma 11:33

Ô! Jrô ndơp ngan ală bơta pas gơs, bơta jak chài mơ bơta git jak Yàng Tom Trồ dê! Ală bơta lơh nền Kơnràñ dê ñcau rgơi ràng tơlik! Gùng dà Kơnràñ dê ñcau rgơi git wă!

Jakơ 2:13

Bơh bơta cahrña ò kòñ nđàc di cau ò gơs bơta kòñ nđàc, mơya bơta kòñ nđàc pha rlau mơ bơta cahrña.

I Pier 4:12

Ơ ală cau kòñ gơboh, tòm tŭ bơta gơlòng bòl glar gơtơntus kung be ồs nàng lòng oh mi, gen oh mi bañ ai lơh mơp dơl be he tìp dô nơm broă krơi is.

I Jang 3:13

Ơ oh mi, dilah dunnia gơjrañ kơuềng di oh mi, gen bañ ai lơh krơi.