Cau Bơto 5:5 - Sră Goh 2018

⁵ Chan bañ ho pơgon, niam rlau mơ neh ho pơgon mơya ò lơh sir.

Cau Bơto 5:5 Mawu Ofanana

Jơnau Pơnđik 20:25

Đơs dô bă sơrbac sơrbang lah: “Phan do la phan goh!” Mơ tơnơ̆ mơ tŭ neh ho pơgon rau, gen kơlôi sơnơng wơl, hơ̆ ngan la dô nơm dă cau in.

Lebi 5:4

Dilah dô nă cau ò git kơrhia tòm bơta srat să ho nền nàng lơh dô bơta lơi, bulah la bơta niam hala iơh, tòm tŭ git bơta lơi mơ khai srat să ho nền dô bă ò git kơrhia, bulah khai ò git đal bơh bơta hơ̆, tòm tŭ khai git bơh bơta hơ̆ rau gen khai gơkòl kòp la neh tìs glài.

Jôna 2:9

Ală cau duh khoai ală yàng rùp ràk ò kwơ, sang lòi bơta dòn song song ngan bol khai dê.

Malaci 2:7

Bơh bơr sơndồi cau gơnoar ơn phan duh khoai dê pal prap gàr bơta git jak, mơ làng bol jòi bơta bơto sồr bơh di bơr khai dê, bơh khai la cau kong sồr Yàng Jehôwa Gơnap Gơnoar Dờng Làm Jơh dê.

Broă 5:4

Tòm tŭ òhềt tac sre hơ̆ gen ò di la sre mê dê ò ơ? Tŭ neh tac rau, gen jền tac hơ̆ ò di ơm tòm gơnoar mê dê ò ơ? Ñchi bơh tài mê neh lơh nền jơnau hơ̆ tòm nùs mê dê taih? Jơnau hơ̆ ò di mê đơs blac mơ kòn mơnus, mơya mê đơs blac mơ Yàng Tom Trồ.”

Yal Wơl 23:21

Dilah bol mê srat să ho nền dô jơnau lơi mơ Jehôwa Yàng Tom Trồ bol mê dê, gen bañ lơh òbat tơm wơl, bơh ngan la Jehôwa Yàng Tom Trồ bol mê dê rơp lùp bơta hơ̆ bơh di bol mê mơ bol mê gơkòl tòm bơta tìs glài.

Yal Wơl 23:22

Mơya dilah bol mê ò srat să ho nền gen bol mê ò gơkòl tìs glài.

Ală Kwang Cahrña 11:35

Tòm tŭ Jepthe gŏ kòn ùr khai dê gen khai crè ào tòm khai mơ đơs dờng lah: “Ơ hơh! Ơ kòn ùr añ jê, nđàc sơngit añ, ai neh lơh bòl glar moat jrùng ngan añ in, tài bơh añ neh srat să ho pơgon mơ Yàng Jehôwa mơ añ ò rgơi tòmgơl jơnau ho pơgon hơ̆.”