Cau Bơto 5:4 - Sră Goh 2018

⁴ Tòm tŭ mê lơh bơta ho pơgon mơ Yàng Tom Trồ, bañ lơh òbat tơm wơl; bơh Kơnràñ ò niam nùs di cau bơrngơl gơla: behơ̆, lơh tĕ wil tơl ală bơta mê neh ho pơgon.

Cau Bơto 5:4 Mawu Ofanana

Sơnròp Gơlik Gơs 28:20

Mơ Jakôp ho lah: “Dilah Yàng Tom Trồ ơm bal mơ añ, sền gàr añ tòm tŭ añ lòt gùng, ai añ in piang sào ào soh,

Sơnròp Gơlik Gơs 35:1

Yàng Tom Trồ đơs mơ Jakôp lah: “Ñă tĕ, guh ơm hơ Betel, mơ lơh tềng hơ̆ dô nơm cơnòng duh khoai Yàng Tom Trồ in, la Bơtau neh tơlik mat mơ mê tòm tŭ mê dô klàs bơh Esau bi mê.”

Sơnròp Gơlik Gơs 35:3

Gen bol hi ñă, lòt tus hơ Betel, tềng hơ̆ añ rơp lơh dô nơm cơnòng duh khoai Yàng Tom Trồ in, la Bơtau neh ho jơnau añ dan, tòm tŭ añ tìp bơta bòl glar, mơ neh ơm bal mơ añ tòm tŭ lòt gùng.”

Đơs Crih 116:14

Di đap jơh làng bol Kơnràñ dê, Añ rơp tơm Yàng Jehôwa in ală bơta añ neh ho pơgon.

Đơs Crih 119:106

Añ neh srat să mơ lơh nền prap gàr Jơnau gơnoar sồr song ring Yàng dê.

Đơs Crih 22:25

Bơh Yàng gơlik bơta jòng ro añ jê digùl mpồl jơnum dờng; Añ rơp tơm sir ală jơnau ho pơgon añ jê di đap ală cau duh rngòt di Yàng.

Đơs Crih 50:14

Ai tĕ bơta ưnngài lơh gơs phan ơn duh khoai Yàng Tom Trồ in, Mơ tơm bơta ho pơgon mê dê Bơtau Hơđang Rlau Jơh in.

Đơs Crih 76:11

Ho pơgon tĕ mơ Jehôwa Yàng Tom Trồ bol mê dê, mơ lơh jat be bơta neh ho; Jơh tơl nă cau lơi ơm gùt dar Kơnràñ, cèng tĕ phan ơn Kơnràñ in la Bơtau pal duh rngòt.

Jơnau Pơnđik 20:25

Đơs dô bă sơrbac sơrbang lah: “Phan do la phan goh!” Mơ tơnơ̆ mơ tŭ neh ho pơgon rau, gen kơlôi sơnơng wơl, hơ̆ ngan la dô nơm dă cau in.

Esai 19:21

Behơ̆ Yàng Jehôwa rơp yal tơnggit să tòm Kơnràñ cau Ejiptơ in, mơ tòm ngai hơ̆ bol khai rơp đal git Yàng Jehôwa, bol khai rơp duh khoai Kơnràñ mơ ơn phan poan jơng mơ kòi mbo lơh gơs phan ơn duh khoai; bol khai rơp ho pơgon mơ Yàng Jehôwa, mơ prap gàr ală jơnau hơ̆.

Jôna 2:9

Ală cau duh khoai ală yàng rùp ràk ò kwơ, sang lòi bơta dòn song song ngan bol khai dê.

Malaci 1:10

“Ơ hơh, gơs cau lơi tòm bol mê pal til ală mpồng hìu duh khoai dê, tồ bol mê ò chu ồs di cơnòng duh khoai Añ jê tòm bơta ò kwơ.” Yàng Jehôwa Gơnap Gơnoar Dờng Làm Jơh đơs lah: “Añ ò niam nùs di bol mê, mơ Añ ò dòp phan ơn lơi bơh di tê bol mê.

Khà Làng Bol 30:2

Tòm tŭ dô nă cau klau gơs dô jơnau ho pơgon mơ Yàng Jehôwa, hala srat să tòmkơt să khai tòm dô jơnau ho nền, gen khai ò rgơi sang lòi jơnau đơs khai dê, mơya khai pal lơh jat jơh ală jơnau khai neh đơs.

Mathiơ 5:33

“Mơ tai, bol mê neh kơno đơs ală cau yau in lah: ‘Bañ sang jơnau srat să, mơya lơh sir tĕ jơnau srat să mê dê gơwèt mơ Yàng.’

Hebrơ 10:6

Yàng kung ò niam nùs di phan ơn chu pơrguc mơ phan ơn tơwài glài.

Ală Kwang Cahrña 11:35

Tòm tŭ Jepthe gŏ kòn ùr khai dê gen khai crè ào tòm khai mơ đơs dờng lah: “Ơ hơh! Ơ kòn ùr añ jê, nđàc sơngit añ, ai neh lơh bòl glar moat jrùng ngan añ in, tài bơh añ neh srat să ho pơgon mơ Yàng Jehôwa mơ añ ò rgơi tòmgơl jơnau ho pơgon hơ̆.”