Cau Bơto 5:11 - Sră Goh 2018

¹¹ Tòm tŭ phan mơna bơtơl oă kàr lơi, cau ngui sa kung bơtơl oă kàr hơ̆. Ñchi kwơ cau gơs phan mơna in, rlau mơ bơta sền gơ mơ mat taih?

Cau Bơto 5:11 Mawu Ofanana

Sơnròp Gơlik Gơs 12:16

Tài bơh khai gen Pharaôn wă rò niam Abram mơ Abram dòp geh belàt, kơnrồ, alàng dam, alàng me, làkđa, dĭ klau mơ dĭ ùr.

Sơnròp Gơlik Gơs 13:2

Abram pas gơs ngan phan poan jơng, priă mơ màh.

Jơnau Pơnđik 23:5

Kòn ngan neh ơn mat sền bơta pas gơs ơ? Gơ neh ò gam tai; bơh gơ ngan neh hòn pơnđar, mơ par guh be klàng bung sơl.

Cau Bơto 11:9

Ơ cau kơnòm să, hòn chò tĕ tòm tŭ mê gam kơnòm să, lòi tĕ nùs mê hừh hơh tòm tŭ gam kơnòm să, lòt jat tĕ gùng dà nùs mê kòñ, mơ đal sền bơta mat mê hàm kòñ, mơya git lah bơh ală bơta hơ̆, Yàng Tom Trồ rơp hòi mê tus nàng cahrña.

Cau Bơto 2:9

Behơ̆ añ gơlik gơs dờng màng rlau mơ jơh ală cau lài mơ añ tòm Jerusalem; bulah behơ̆, bơta jak chài añ jê kung gam ơm bal mơ añ.

Cau Bơto 5:12

Bơta bic lơhă cau lơh broă bòl glar dê, bulah khai sa dô êt hala oă; mơya bơta sa hùc oă cau pas sơm dê, rơp ò lòi bol khai in bic lơhă.

Cau Bơto 6:9

Bơta lơi gŏ mơ mat la niam rlau mơ bơta hàm kòñ gơlềng gơlàng; bơta hơ̆ la dô bơta roh lơm, jat càl khồm.

Jeremi 17:11

Cau lơi geh pas gơs ò jat bơta song ring, Kung be sềm tap tra krơm tap mơ gơ ò tap; Tus di nggùl rài, khai kong roh jơh, mơ tòm ngai lồi dut khai gơlik gơs cau bơrngơl gơla.

Habakuk 2:13

Ò di la bơh Yàng Jehôwa Gơnap Gơnoar Dờng Làm Jơh neh lơh nền bơta bòl glar lơh broă làng bol dê mìng kung be lòng sing ồs, mơ ală lơgar kong bòl glar lơh broă ò kwơ ò ơ?

I Jang 2:16

Bơh jơh ală bơta tòm dunnia, be bơta hàm kòñ is poac să dê, bơta hàm kòñ is mat dê, mơ bơta pơnhừ să rài kis dê, ò di bơh Yàng Bèp mơ tus, mơya bơh dunnia mơ gơlik gơs.