Cau Bơto 5:10 - Sră Goh 2018

¹⁰ Cau hàm kòñ jền priă ò tŭ lơi hừh nùs bơh jền priă; hala cau hàm kòñ pas sơm ò tŭ lơi làp dil jòi cồng nha. Bơta hơ̆ kung la bơta roh lơm.

Cau Bơto 5:10 Mawu Ofanana

Đơs Crih 52:1

Ơ cau gơs gơnoar pràn, ñchi bơh tài mê jòng is să he tòm bơta lơh iơh gơwèt mơ cau duh rngòt di Yàng taih? Jơh ngai mho mê kơlôi rcang bơta tơnroh.

Đơs Crih 52:7

“Sền ne, la cau ò bài kơnòm di Yàng Tom Trồ lơh gơs tiah kìng crŭ khai dê, Mơya kơnòm di bơta pas gơs lìu làc khai dê, Kìng crŭ să he tòm bơta pas sơm khai dê!”

Đơs Crih 62:10

Bañ kơnòm di bơta rồn bơklơn, Kung bañ ơn nùs kơnòm di bơta ntung kơñau; Dilah geh bơtơl oă phan mơna, bañ ơn nùs kơnòm tềng gơ.

Cau Bơto 1:17

Mơ añ ngui dơngoh nàng git bơta jak chài, mơ git bơta tùl gơla, mơ sơnrang sơnrồng; añ đal git bơta hơ̆ kung la jat dô ròs càl khồm.

Cau Bơto 1:8

Jơh ală phan bòl glar, jơi kòn mơnus ò rgơi đơs jơh; mat sền sùm ò git làp, tồr iat sùm ò git dil.

Cau Bơto 2:10

Bơta lơi mat añ hàm kòñ añ ò pleh bơh gơ, kung ò prap gàr nùs añ jê bơh bơta lơi niam nùs añ; bơh nùs añ jòi bơta chò hòp bơh ală broă lơh añ jê; mơ hơ̆ la phan ƀàn añ jê bơh ală broă lơh añ jê.

Cau Bơto 2:11

Gen añ sền sơwì ală broă tê añ neh lơh, mơ bơta bòl glar he neh kong nàng lơh; mơ dô dơ̆ tai jơh ală bơta hơ̆ la roh lơm mơ jat dô ròs càl khồm, mơ ò gơs kwơ dô êt lơi hơđơm mattơngai.

Cau Bơto 2:26

Bơh Yàng Tom Trồ ai bơta jak chài, àng loh, mơ bơta chò hòp cau lơi in geh niam nùs Kơnràñ; mơya Kơnràñ ai cau glài in broă lơh mơ tơrgòm prap, mìng ai cau lơi in geh niam nùs Yàng Tom Trồ. Bơta hơ̆ kung la bơta roh lơm, jat dô ròs càl khồm.

Cau Bơto 3:19

Bơh rài kis jơi kòn mơnus dê mbe lơi, gen rài kis jơi phan poan jơng kung behơ̆ sơl; bơta chơt jơi do dê kung be bơta chơt jơi ne dê. Bol khai gơs nhơm tă ndròm bal, jơi kòn mơnus ò rlau mơ jơi phan poan jơng, bơh jơh ală la roh lơm.

Cau Bơto 4:16

Làng bol dòn duh hơđơm gơnoar khai oă ngan ò jai kòp; bulah behơ̆, ală cau tus bơh tơnơ̆ rơp ò hừh nùs bơh khai. Nền cê ngan bơta hơ̆ kung la bơta roh lơm, jat dô ròs càl khồm.

Cau Bơto 4:4

Gen añ kung neh gŏ ală broă bòl glar mơ ală cau chài rgơi lơh broă gơlik bơh bơta tòmpơrlòng dô nă cau dê mơ dô nă cau ndai. Bơta hơ̆ kung la bơta roh lơm, jat dô ròs càl khồm.

Cau Bơto 4:8

Gơs dô nă cau ơm is, ò gơs kòn klau hala oh mi; bulah behơ̆, bơta bòl glar khai ò dơh, mat bol khai ò tŭ lơi dil sền phan mơna; Bol khai lùp lah: “Bơh ñcau tàng añ kong bòl glar, tă să tòm añ bơh di bơta chò nùs taih?” Bơta hơ̆ kung la roh lơm, mơ la dô nơm broă lơh bòl glar.

Cau Bơto 5:9

Mơya tòm jơh ală bơta geh sền sơwì, do la dô bơta gơs kwơ ƀòn lơgar in, hơ̆ la dô nă cau bơtau lơòr sre.

Cau Bơto 6:7

Jơh ală kòn mơnus kong lơh broă bòl glar bơh bơr he, bơta hàm kòñ ò hừh nùs.

Mathiơ 6:19

“Bol mê bañ prap lòi phan màng tòm ù, la tiah gơs mŏ tu mơ è sa siar roh, mơ cau blơ̆ tò ƀlong mut kơñau.

Mathiơ 6:24

“Ò gơs cau lơi rgơi duh broă bàr nă cau tòm, bơh rơp gơjrañ kơuềng di cau do mơ kòñ gơboh di cau ne, hala sền dờng màng di cau do mơ sền òsơp di cau ne. Ală bol mê ò rgơi duh broă Yàng Tom Trồ ndang mơ duh broă jền priă ndang.

Luka 12:15

Gen Kơnràñ đơs mơ bol khai lah: “Kơrhia tĕ, mơ kơrmap gàr tĕ să he bơh jơh ală bơta hàm hà, bơh bơta kis cau dê ò di bơh gơs phan mơna tơngkah tơngkañ ò.”

I Timôthe 6:10

Bơh bơta hàm hà jền priă la tòm ryas jơh ală bơta iơh bơsak dê, gơs cau tài bơh ting jat gơ gen tàng kòl gơ pơrlồm sang lòi bơta dòn, hwềng nùs kong oă bơta moat jrùng jê sồt.