Cau Bơto 4:1 - Sră Goh 2018

¹ Dô dơ̆ tai, añ sền ală bơta rồn bơklơn gơlik gơs hơđơm mattơngai; Sền ne, dà mat ală cau kong rồn bơklơn, mơ ò gơs cau lơi pơndòm pơniang bol khai! Cau rồn bơklơn gơs gơnap gơnoar, mơya ò gơs cau lơi pơndòm pơniang cau kong rồn bơklơn!

Cau Bơto 4:1 Mawu Ofanana

Sră Jop 16:4

Añ kung rgơi đơs be oh mi sơl, dilah oh mi neh ơm tòm bơta gơlik gơs kung be añ; Añ kung rgơi đơs ală jơnau tòmdră mơ oh mi, Mơ rtơs bồ añ bơh oh mi.

Sră Jop 35:9

Tài bơh gơbơtơl bơta rồn bơklơn gen cau ñìm nggà; bol khai hòi bơta dong kòl tài bơh tơwòr tê cau gơnoar pràn dê.

Sră Jop 6:29

Dan bañ gơs bơta ò song ring. Kơlôi sơwì wơl tĕ, bơh añ gam la cau song ring be òs.

Sră Jop 9:24

Plai ù gơmut tòm tê cau iơh bơsak; Kơnràñ jơm mat ală cau kwang cahrña gơ dê. Dilah ò di la Kơnràñ gen hơ̆ la ñcau taih?

Đơs Crih 12:5

Yàng Jehôwa đơs lah: “Tŭ do Añ rơp guh, Tài bơh cau rƀah gơkòl rồn bơklơn, mơ cau siơ̆u siar pơt wòl; Añ rơp ơn khai tòm tiah ring lơngai, la tiah khai kơp kòñ.”

Đơs Crih 142:4

Dan sền hơ đah ma añ mơ sền sơwì, Mơya ò gơs cau lơi kơlôi di añ; ò gơs tiah lơi nàng añ kìng crŭ, Ò gơs cau lơi kơlôi rcang añ in.

Đơs Crih 142:5

Ơ Yàng Jehôwa, añ rac dan mơ Kơnràñ, Mơ đơs lah: Kơnràñ la tiah kìng crŭ añ jê, La pơnah gơrê mơ añ tòm ù cau kis dê.

Đơs Crih 42:3

Tòm tŭ cau lùp sùm lah: “Ntềng đah Yàng Tom Trồ mê dê taih?” Gen dà mat lơh gơs phan sa añ jê ngai mơ mang.

Đơs Crih 42:9

Añ đơs mơ Yàng Tom Trồ pơnai lŭ klềr añ jê lah: “Ñchi bơh tài Kơnràñ neh lòi hŭi añ taih? Ñchi bơh tài añ ñìm rac tài bơh ală cau sò tơm rồn bơklơn añ taih?”

Đơs Crih 69:20

Bơta bơtat bơtròh lơh jê sồt nùs añ, tài bơh hơ̆ añ roh jơh bơta gơn kơnòm. Añ jòi bơta nđàc sơngit, mơya ò gơs; Añ jòi cau pơndòm pơniang, mơya ò bàn.

Đơs Crih 69:21

Bol khai ai añ in phan bih khih lơh gơs phan sa, Mơ tòm tŭ añ tơhìr, bol khai ai añ in hùc dà sràt.

Đơs Crih 80:5

Yàng neh ròng siam bol khai mơ dà mat be piang lă, Mơ ai bol khai in hùc dà mat dô bă bềng tơl.

Lik Ejiptơ 1:16

“Tòm tŭ bol ai lòt đơng deh cau ùr Hebrơ in, dilah gŏ deh kòn klau gen tơnchơt tĕ kòn hơ̆; mơya dilah la kòn ùr gen lòi kòn hơ̆ kis.”

Lik Ejiptơ 1:22

Lồc behơ̆, Pharaôn ai jơnau sồr jơh làng bol khai in lah: “Kòp nă kòn klau cau Hebrơ pa deh, bol mê pal sơrbì tĕ tòm hiòng Nil; mơya lòi kis jơh ală kòn ùr.”

Jơnau Pơnđik 19:7

Jơh ală oh mi tòm cau rƀah dê gơjrañ khai; tơ ài la cau bơyô gen rơp sang ngài khai! Khai ting jat rac dan, bol khai ò gam tềng hơ̆ tai!

Jơnau Pơnđik 28:3

Cau kwang at bồ rồn bơklơn cau dồn sa, be dô dơ̆ mìu dờng pơs jơh phan sa.

Jơnau Pơnđik 29:2

Tòm tŭ cau song ring gơbơtơl oă, gen làng bol hòn chò; mơya tŭ cau iơh at bồ, làng bol rac ròc.

Cau Bơto 3:16

Añ gam gŏ hơđơm mattơngai, hơ̆ la tòm tiah cahrña gơs bơta iơh bơsak, mơ tòm tiah at bơta song ring gơs bơta ò song ring.

Cau Bơto 5:8

Dilah mê gŏ tòm lơgar gơs cau rƀah kong rồn bơklơn, hala gŏ bơta lơh tìs di bơta song ring mơ bơta di ngan, gen bañ ai lơh krơi; bơh gơs cau kwang jơnhoa ơm kơp sền bơh tiah jơnhoa rlau, mơ hơđang bol khai gam gơs dô nă kwang jơnhoa rlau hơđang bol khai.

Cau Bơto 7:7

Ngan, bơta rồn bơklơn lơh cau jak chài gơlik bơrngơl, mơ phan sa loă lơh roh rui nùs in.

Cau Bơto 8:9

Añ neh sền sơwì gŏ ală bơta hơ̆; añ ơn nùs kơlôi sơnơng bơh ală broă lơh hơđơm mattơngai. Tòm tŭ dô nă cau gơs gơnoar hơđang cau ndai mơ lơh jê sồt cau hơ̆.

Esai 5:7

Suơn ño Yàng Jehôwa Gơnap Gơnoar Dờng dê, hơ̆ la hìu Israel, mơ làng bol Juda la ală chi tam Kơnràñ kòñ gơboh. Kơnràñ kơp gơn bơta song ngan, mơya neh gŏ bơta lơh gơhòr mhàm; kơp gơn bơta song ring, mơya neh kơno jơnau nggà ñìm jê sồt bòl glar.

Esai 51:23

Añ rơp ơn mơngàn hơ̆ tòm tê ală cau lơh bòl glar jê sồt di bol mê, hơ̆ la ală cau đơs mơ bol mê lah: ‘Bic tĕ hơđơm nàng bol hi lòt hơđang bol mê.’ Mơ bol mê neh lơh ngkòi bol mê dê gơlik gơs be ù, mơ kung be gùng bol khai in lòt hơđang.”

Esai 59:7

Jơng bol khai ntoat mhar tus hơ bơta iơh bơsak, bol khai sơrbac sơrbang lơh gơhòr mhàm ò gơs glài; Ală bơta kơlôi sơnơng bol khai dê la ală bơta kơlôi sơnơng bơh bơta iơh bơsak, bơta tơnroh mơ bơta phà tơrlah ơm tòm gùng dà bol khai dê.

Jeremi 16:7

Ò gơs cau lơi cèng phan sa cau ñìm ƀồc in nàng pơndòm pơniang bol khai; ò gơs cau lơi bơh bơta chơt cau bèp hala cau mè mơ dòp mơngàn tòmpà bơta moat jrùng.

Ñìm Rac 1:16

Behơ̆ tàng añ ñìm rac; mat añ gơhòr dà mat; Bơh cau pơndòm pơniang neh ngài bơh añ, ò gơs cau lơi ai wơl bơta khin cha añ in. Kòn sau añ kong ơm is, bơh cau sò tơm neh pha rlau.

Ñìm Rac 1:17

Siôn pò tơlik tê khai dê, mơya ò gơs cau pơndòm pơniang khai; Yàng Jehôwa neh ai gơnoar sồr tòmdră mơ Jakôp, hơ̆ la ală cau gơp ƀòn khai rơp gơlik gơs cau sò tơm khai dê; Jerusalem neh gơlik gơs dô nơm phan ngkòr ngkàc digùl bol khai.

Ñìm Rac 1:2

Khai ñìm rac sràt bơtang tòm trồ mang, dà mat hòr hơđang tơrmồ khai dê. Digùl ală cau khai kòñ gơboh ò gơs cau lơi pơndòm pơniang khai. Jơh ală cau bơyô khai dê tòmdră wơl mơ khai, bol khai gơlik gơs ală cau sò tơm khai dê.

Ñìm Rac 1:9

Bơta ƀơ̆ ƀơl khai dê gơ ơm tòm ồi mbơn khai; khai ò kơlôi sơnơng bơh ngai tơnơ̆ khai dê! Bơta gơpừ khai dê rngòt rngơt ngan, ò gơs cau lơi pơndòm pơniang khai. “Ơ Yàng Jehôwa, dan wèt sền di bơta bòl glar jê sồt añ jê, bơh cau sò tơm neh geh pha lin rlau.”

Amôs 3:10

Yàng Jehôwa đơs lah: “Bol khai ò git mbe lơh bơta song ring, bol khai pơjum tơrgòm ală bơta jàñ bơsak mơ phan ntung kơñau tòm ală theng kơ̆ cê bol khai dê.”

Amôs 3:9

Yal tơnggit tĕ tòm ală theng kơ̆ cê Asdot dê, mơ tòm ală theng kơ̆ cê Ejiptơ dê, mơ đơs lah: “Bol mê pơjum bal tĕ hơđang mơnơm Samari; mơ sền tĕ bơta sơlồng sơlàng dờng tềng hơ̆, mơ bơta rồn bơklơn digùl làng bol khai dê.”

Malaci 2:13

Dô bơta tai bol mê lơh: hơ̆ la bol mê ai dà mat tơnkram cơnòng duh khoai Yàng Jehôwa dê. Bol mê ñìm mơ pơt wòl tài bơh Kơnràñ ò tai wèt sền di ală phan ơn bol mê dê, hala chò dòp ală phan ơn hơ̆ bơh di tê bol mê dê.

Malaci 3:18

Mơ dô dơ̆ tai bol mê rơp gŏ bơta krơi is digùl cau song ring mơ cau iơh bơsak, digùl cau duh broă Yàng Tom Trồ mơ cau ò duh broă Kơnràñ.”

Malaci 3:5

Gen, Añ rơp tus rềp mơ bol mê nàng cahrña. Añ rơp sơrbac sơrbang lơh cơng tòmdră mơ ală cau gru jơnang, ală cau rềs àr dri tơlàr mơ ală cau srat să ma blac, tòmdră mơ ală cau sa kơñau jền tơngai cau lơh broă ơpah dê, rồn bơklơn ală cau ùr bơnrau mơ cau kòn đòi, ò lơh song ring gơwèt mơ cau ơm tòp, mơ ò duh rngòt di Añ,” Yàng Jehôwa Gơnap Gơnoar Dờng Làm Jơh đơs behơ̆.

Mathiơ 26:56

Mơya jơh ală bơta do neh gơlik tus nàng jơnau ală cau gơnoar hwơr dê gơlik di ngan.” Tŭ hơ̆ jơh ală cau bơtê sang lòi Kơnràñ mơ dô.

Yal Wơl 28:33

Dô nơm làng bol mơ bol mê ò git rơp sa phan bơh tê mơ ù tiah bol mê neh lơh broă bòl glar nàng gơlik gơs, mơ bol mê ò geh bơta lơi rlau mơ bơta kong rồn bơklơn iơh rmơh tòm jơh rài kis bol mê dê.

Yal Wơl 28:48

gen tàng tòm ngai jơgloh mơ tơhìr, ơm kuh mơ dồn sa rƀah, bol mê rơp duh broă ală cau sò tơm mơ Yàng Jehôwa neh sồr tus tòmdră mơ bol mê. Kơnràñ rơp ơn dô nơm yô mơ lòs di ngko bol mê dê jơl tus di tŭ Kơnràñ neh tơnroh bol mê.

Jakơ 5:4

Jền tơngai ală cau lơh ơpah toès tòm sre bol mê dê, mơ bol mê neh sa kơrlơm, gen gơ hòi driau; mơ jơnau hòi driau ală cau toès dê neh guh tus dê tồr Yàng Gơnap Gơnoar Làm Jơh.

Ală Kwang Cahrña 4:3

Bơtau Jabin gơs sin rhiang nơm rơndeh lòs tòmlơh mơ khai neh rồn bơklơn làng bol Israel dô bă iơh bơsak tòm bàr jơt nam, gen làng bol Israel rac dan mơ Yàng Jehôwa dong kòl.