Cau Bơto 3:8 - Sră Goh 2018

⁸ Gơs tŭ kòñ gơboh, mơ gơs tŭ gơjrañ; gơs tŭ kơlìn gơtoă, mơ gơs tŭ ring lơngai.

Cau Bơto 3:8 Mawu Ofanana

I Ală Bơtau 5:4

Mơya tŭ do, Jehôwa Yàng Tom Trồ añ jê neh ai añ in bơta rlô ring lơngai bơh ală đah, ò gơs cau sò tơm, hala bơta rung rài.

II Ală Bơtau 9:22

Tòm tŭ Jôram pa gŏ Jehu gen đơs lah: “Ơ Jehu, lơngap lơngai sơl?” Mơya Jehu đơs lah: “Mbe rgơi gơs bơta lơngap lơngai, kàr lơi bơta rềs àr bơrnàn mơ bơta duh khoai rùp ràk Jesebel mè bơtau dê gam jŏ taih?”

II Yal Yau 19:2

Jehu kòn klau Hanani cau gơnoar hwơr lòt tìp bơtau mơ đơs mơ khai lah: “Bơtau pal dong kòl ală cau iơh bơsak mơ kòñ gơboh di ală cau gơjrañ di Yàng Jehôwa sơl ơ? Tài bơh ală bơta hơ̆, gen bơta gơjrañ dờng Yàng Jehôwa dê dùh hơđang bơtau.

Đơs Crih 101:3

Añ rơp ò ơn bơta iơh rmơh lơi di đap mat añ; Añ gơjrañ kơuềng di broă cau tìs nrah, broă hơ̆ rơp ò gơđềt di añ.

Đơs Crih 105:25

Kơnràñ tòmgơl nùs cau Ejiptơ nàng gơjrañ kơuềng di làng bol Kơnràñ dê, Mơ bơtào kai lơh iơh di ală cau duh broă Kơnràñ dê.

Đơs Crih 139:21

Ơ Yàng Jehôwa, añ ò di gơjrañ kơuềng di ală cau gơjrañ kơuềng di Yàng ò ơ? Ò di cù kìr di ală cau guh tòmdră mơ Yàng sơl ơ?

Jơnau Pơnđik 13:5

Cau song ring gơjrañ bơta lac lèo; Mơya cau iơh rmơh pal cù kìr mơ kong ƀàssìl ƀàsso.

Ejekiel 16:8

Añ lòt gan ai tai mơ sền di ai, ai neh di tŭ git kòñ gơboh. Añ lă mum ào jrùh Añ jê hơđang ai, jơm să kuh ai dê. Añ ai să tòm Añ ho pơgon mơ ai mơ bơtào dô bơta ho bal mơ ai gen ai gơrê bal mơ Añ,’ Jehôwa Yàng Tom Trồ đơs behơ̆.

Luka 14:26

“Dilah cau lơi lòt tus hơ Añ mơ ò kòñ gơboh di Añ rlau mơ mè bèp, kòn bau, oh mi, ruh lŏ he dê, mơ bơta kis să tòm he dê sơl, gen ò rgơi lơh gơs cau bơtê Añ jê.

Ephesô 3:19

mơ geh git bơta kòñ gơboh Bơtau Krist dê la rlau mơ bơta git wă, tồ oh mi in geh bềng lìu bơta bềng tơl Yàng Tom Trồ dê.

Ephesô 5:25

Ơ cau la bau klau, kòñ gơboh tĕ di bau ùr mê dê, kung be Bơtau Krist neh kòñ gơboh di Hìu Jum Goh, mơ phi să tòm Kơnràñ bơh Hìu Jum Goh,

Sră Pơyoa Pol Dê Pơyoa Tit In 2:4

nàng bơto cau ùr kơnòm să git kòñ gơboh bau, gơboh kòn he dê,

Jôsue 11:23

Behơ̆ Jôsue tòmpìt ai jơh lơgar jat be jơh ală jơnau Yàng Jehôwa neh đơs mơ Môise, mơ ai lơgar hơ̆ Israel in lơh gơs sre brê jat be bơta tă khà ală jơi bơtiàn bol khai dê. Mơ lơgar ơm rlô bơh bơta kơlìn.

Yal Tơlik 2:2

‘Añ git ală broă mê dê, bơta duh broă bòl glar mê dê, mơ bơta kong ơt mê dê; Añ git mê ò bài kong ală cau iơh bơsak, mơ mê neh lòng ală cau sơnđan is să he la cau gơnoar bơto dờng mơya ò di la cau gơnoar bơto dờng; mê neh gŏ bol khai la ală cau ma blac.