Cau Bơto 3:7 - Sră Goh 2018

⁷ Gơs tŭ crè, mơ gơs tŭ jing wơl; gơs tŭ ơm mŏ mŏ, gơs tŭ đơs;

Cau Bơto 3:7 Mawu Ofanana

Sơnròp Gơlik Gơs 37:29

Ruben rê wơl hơ tơrlung, Jôsep ò gam tềng hơ̆ tai, gen crè ào he.

Sơnròp Gơlik Gơs 37:34

Khai crè ào di să he mơ ai ồi dur pùt gùt dar but khai, mơ moat jrùng ñìm rac jŏ ngai bơh kòn klau khai dê.

Sơnròp Gơlik Gơs 44:18

Gen Juda lòt tus rềp mơ Jôsep mơ đơs lah: “Bơh kơnràñ la ndròm bal mơ Pharaôn, dan să mơ kơnràñ bañ gơjrañ di cau dĭ kơnràñ dê, lòi añ đơs dô jơnau nàng kơnràñ in iat.

Sơnròp Gơlik Gơs 44:34

Bơh dilah cau oh put ò rê bal, mbe añ khin rê wơl mơ bèp añ taih? Añ rngòt, ò kòñ gŏ bơta bòl glar bèp añ jê.”

II Samuel 1:11

Gen Dabit mơ jơh ală cau bal mơ khai crè ồi ào he dê.

II Samuel 3:31

Gen Dabit đơs mơ Jôap bal mơ jơh ală cau gơs mat tềng hơ̆ lah: “Crè tĕ ồi ào bol mê dê mơ soh ƀào sơnò kiat, mơ ñìm rac di đap Apner.” Mơ bơtau Dabit lòt jat bơh tơnơ̆ bòng ƀồc.

I Ală Bơtau 21:27

Tòm tŭ Ahap neh kơno jơnau hơ̆, khai crè ồi ào khai dê; mơ soh ƀào di să mơ ơt sa; yùp mơ ƀào bic tòm tiah mơ ơm pơndêt să.

II Ală Bơtau 18:36

Mơya làng bol ơm mŏ mŏ, ò ho wơl dô jơnau lơi; bơh bơtau neh ai gơnoar sồr lah: “Bol mê bañ ho wơl.”

II Ală Bơtau 5:7

Tòm tŭ bơtau Israel sền sră pơyoa, khai crè ồi ào mơ đơs lah: Tòm tŭ bơtau Israel sền sră pơyoa, khai crè ồi ào khai dê mơ đơs lah: “Añ la Yàng Tom Trồ nàng ai bơta chơt hala bơta kis, gen tàng cau do pơyoa jơnau tus hơ añ nàng dong tă dô nă cau bơh bơta kòp dun khai dê sơl ơ? Sền tĕ mơ gŏ mbe khai lòng tồ jòi bơta tòmdră mơ añ.”

II Ală Bơtau 6:30

Tòm tŭ bơtau kơno ală jơnau cau ùr hơ̆ đơs, gen khai crè ồi ào khai dê. Tŭ hơ̆, khai gam lòt yơng hơđang dơrñang ƀòn, làng bol rgơi sền gŏ bơtau neh soh ƀào sơnò kiat tòm să khai,

Este 7:4

Bơh bol hi neh gơkòl tac, añ mơ làng bol añ jê rơp gơkòl tơnroh, tơnchơt mơ lơh roh rui jơh. Dilah bol hi mìng gơkòl tac nàng gơs dĭ klau dĭ ùr gen añ neh ơm mŏ mŏ, mơya bơta cau sò tơm di bol hi tơm bơtau in ò rgơi pơndròm mơ bơta roh gơcoh mơ bơtau pal kong.”

Sră Jop 2:13

Bol khai nggui tòm ù bal mơ Jop tòm poh ngai poh mang, ò gơs cau lơi đơs dô jơnau lơi mơ khai, bơh bol khai gŏ bơta jê sồt khai dê la kơnjơ̆ ngan.

Đơs Crih 39:2

Añ ơm mŏ mŏ ò đơs dô jơnau, añ prap bơta ring lơngai kung ò kwơ; Bơta bòl glar jê sồt añ jê sơlo gơbơtơl tai.

Cau Bơto 3:6

Gơs tŭ jòi bàn, mơ gơs tŭ roh; Gơs tŭ prap gàr mơ gơs tŭ sang sơrbì;

Esai 36:21

Mơya làng bol ơm mŏ mŏ, ò ho dô jơnau lơi tài bơh cau bơtau neh ai gơnoar sồr lah: “Bañ ho khai wơl.”

Jeremi 36:24

Bơtau mơ ală làng bol neh kơno ală jơnau hơ̆, ò rngòt dô êt lơi, ò crè ào he.

Jeremi 8:14

Ñchi bơh tài bol he gam nggui taih? Pơjum tĕ bal mơ gơp, bol he mut lă tòm ală ƀòn kơ̆ cê, mơ kong roh rui tềng hơ̆! Bơh Jehôwa Yàng Tom Trồ bol he dê neh lơh nền bol he in kong roh rui, neh ai bol he in hùc dà bih khih, Bơh bol he neh tìs glài tòmdră mơ Yàng Jehôwa.

Ñìm Rac 3:28

Ơm nggui is mơ ơm mŏ mŏ, tòm tŭ Yàng Jehôwa neh ơn yô hơđang khai.

Jôel 2:13

Crè tĕ nùs bol mê, bañ crè ào bol mê dê. Rê wơl tĕ hơ Jehôwa Yàng Tom Trồ bol mê dê; bơh Kơnràñ la kòñ nđàc mơ nđàc sơngit, òbat gơjrañ mơ bềng bơta kòñ gơboh kơ̆ dơn, tơnruc nùs ò đùh bơta rung rài.

Amôs 5:13

Gen tàng cau git kơrhia rơp ơm mŏ mŏ tòm ală tŭ tơngai behơ̆, bơh ală tŭ tơngai la iơh.

Amôs 8:3

Tòm ngai hơ̆, ală jơnau đơs chò tòm hìu duh khoai rơp gơlik gơs ală jơnau ñìm rac,” Jehôwa Yàng Tom Trồ đơs behơ̆. “Rơp gơs oă ngan ƀồc chơt, sang làm bă tiah. Pal ơm mŏ!”

Mice 7:5

Bañ dòn kơnòm di dô nă cau bơyô, bañ ơn nùs dòn kơnòm di dô nă cau kòñ gơboh. Kơrmap gàr mpồng bơr mê dê mơ bơh cau ùr bic tòm tơwòr tê mê dê.

Broă 4:20

Bơh bol hi ò rgơi ò đơs bơh ală bơta he neh gŏ mơ kơno.”

Broă 9:39

Pier ñă lòt bal mơ bol khai. Neh tus tềng hơ̆ rau, cau lam Pier tus tòm ơdŭ tap hơđang; jơh ală cau ùr bơnrau ntào di gah Pier mơ ñìm, mơ tơyơr sơnio khai in sền ală ào jrùh mơ ồi ào ndai mơ Dorkas neh jing bol khai in tòm tŭ khai gam kis.

I Samuel 10:16

Sol ho lah: “Khai neh yal bol hi in lah ală alàng neh bàn rau.” Mơya bơh ală jơnau Samuel neh đơs bơh bơta lơh bơtau gen khai ò yal bơta lơi khai in.