Cau Bơto 3:22 - Sră Goh 2018

²² Behơ̆ gen, añ gŏ ò gơs bơta lơi niam rlau jơi kòn mơnus in la chò hòp tòm broă lơh he dê; hơ̆ la pơnah broă tòm bol khai dê; bơh ñcau rơp cèng bol khai rê wơl nàng sền gŏ bơta rơp gơlik tus tơnơ̆ he taih?

Cau Bơto 3:22 Mawu Ofanana

Sră Jop 14:21

Ală kòn sau bol khai dê gơlik dờng màng, mơ bol khai ò git; Bol khai gơkòl tơmù tòm tiah liah, bol khai kung ò ơn nùs kơlôi.

Cau Bơto 10:14

Cau tùl gơla jak đơs oă jơnau; ò gơs cau lơi git ñchi rơp gơlik tus; mơ ñcau rơp yal tơlik cau lơi in bơta rơp gơlik tus tơnơ̆ taih?

Cau Bơto 11:9

Ơ cau kơnòm să, hòn chò tĕ tòm tŭ mê gam kơnòm să, lòi tĕ nùs mê hừh hơh tòm tŭ gam kơnòm să, lòt jat tĕ gùng dà nùs mê kòñ, mơ đal sền bơta mat mê hàm kòñ, mơya git lah bơh ală bơta hơ̆, Yàng Tom Trồ rơp hòi mê tus nàng cahrña.

Cau Bơto 2:18

Añ kung gơjrañ ală broă bòl glar añ neh lơh hơđơm mattơngai, bơh ală bơta hơ̆ pal lòi wơl cau tus tơnơ̆ añ in.

Cau Bơto 2:24

Ò gơs bơta lơi niam rlau kòn mơnus in la sa mơ hùc, mơ jòi bơta hòn chò tòm broă lơh bòl glar bol khai dê. Añ sền gŏ bơta hơ̆ kung bơh tê Yàng Tom Trồ mơ tus.

Cau Bơto 6:12

Bơh ñcau rgơi git bơta lơi niam kòn mơnus in tòm tŭ bol khai kis dô êt ngai roh lơm tòm rài kis, bơta hơ̆ lòt gan be mƀur taih? Bơh ñcau rgơi yal lài bol khai in ală bơta rơp tus tơnơ̆ hơđơm mattơngai taih?

Cau Bơto 7:14

Tòm ngai pas gơs lơngai lơngò hòn chò tĕ, mơ tòm ngai rung rài kơlôi sơwì tĕ; bơh Yàng Tom Trồ neh lơh ngai do mơ ngai ne, tồ kòn mơnus in ò rgơi jòi bàn ală bơta lơi rơp gơlik tus tơnơ̆ he.

Cau Bơto 8:15

Behơ̆ añ tòmbơyai bơh bơta hòn chò, bơh ò gơs bơta lơi niam rlau kòn mơnus in ơm hơđơm mattơngai la sa, hùc, mơ lơh să tòm bol khai in hòn chò; bơh ală bơta hơ̆ rơp lòt bal mơ bơta bòl glar tòm ală ngai tòm rài kis mơ Yàng Tom Trồ ai bol khai in hơđơm mattơngai.

Cau Bơto 8:7

Ngan behơ̆, bol khai ò git ñchi bơta rơp gơlik tus; ñcau rgơi yal lài bol khai in ală broă rơp gơlik tus taih?

Cau Bơto 9:12

Mơ tai, ò gơs dô nă cau lơi rgơi git lài tŭ tơngai bơta rung rài dê; be ka yar tòm bơtơng iơh, sềm yar dă, gen jơi kòn mơnus kung gơkòl yar tòm tŭ tơngai bòl glar nisơna tus hơđang bol khai behơ̆ sơl.

Cau Bơto 9:6

Bơta kòñ gơboh bol khai dê, bơta gơjrañ bol khai dê, mơ bơta ƀoah pơrhiat bol khai dê neh roh rui rau; bol khai ò gơs tŭ lơi gam gơs pơnah lơi tòm ală bơta gơlik gơs hơđơm mattơngai.

Daniel 12:13

Mơya mê, lòt tĕ tòm gùng mê dê jơl tus di lồi dut. Mê rơp rlô bòl, mơ tus di lồi dut ală ngai, mê rơp guh mơ dòp geh phan ƀàn mê dê.”

Mathiơ 6:34

Behơ̆ gen, bañ kơlôi rcang bơh ngai hìng, bơh ngai hìng rơp kơlôi rcang ngai hìng in. Bơta bòl glar ngai lơi la tơl ngai hơ̆ in.”

Yal Wơl 12:18

Gơpơrlơ̆ wơl, bol mê pal sa ală phan hơ̆ di đap mat Jehôwa Yàng Tom Trồ bol mê dê tòm dô bă tiah mơ Jehôwa Yàng Tom Trồ bol mê dê rơp sac rwah, bol mê, ală kòn klau mơ ală kòn ùr bol mê dê, ală cau klau mơ ală cau ùr duh broă bol mê dê, mơ ală cau Lebi bơh di ală ƀòn dờng bol mê dê, mơ bol mê rơp hòn chò di đap Jehôwa Yàng Tom Trồ bol mê dê bơh jơh ală phan mơ tê bol mê neh lơh gơs.

Yal Wơl 12:7

Tềng hơ̆, di đap mat Jehôwa Yàng Tom Trồ bol mê dê, bol mê mơ ală hìu nhă bol mê dê rơp sa mơ rơp hòn chò bơh jơh ală phan mơ tê bol mê neh lơh gơs, tài bơh Yàng Jehôwa neh ai lơngai bol mê in.

Yal Wơl 28:47

Tài bơh bol mê ò duh broă Jehôwa Yàng Tom Trồ bol mê dê dô bă hòn chò mơ chò hòp tòm tơngai bơtoah bơtoài,