Cau Bơto 3:2 - Sră Goh 2018

² Gơs tŭ deh, mơ gơs tŭ chơt; gơs tŭ tam, gơs tŭ dus phan neh tam;

Cau Bơto 3:2 Mawu Ofanana

Sơnròp Gơlik Gơs 17:21

Mơ Añ rơp lơh bơta ho bal Añ jê mơ Isak, mơ Sara rơp deh mê in tòm nam dă, kơnhai do.”

Sơnròp Gơlik Gơs 47:29

Mòr tus dê tŭ Israel chơt, khai hòi Jôsep kòn klau khai dê mơ đơs lah: “Dilah añ geh bơta nđàc di đap mê dan ơn tĕ tê dê bơnô añ, dan dòn song mơ lơh niam tòm toh be jơnau añ, dan bañ tơp añ tòm ù Ejiptơ.

I Ală Bơtau 13:2

mơ yal tơnggit tòmdră mơ cơnòng duh khoai jat jơnau Yàng Jehôwa dê, mơ đơs lah: “Ơ cơnòng duh khoai, cơnòng duh khoai! Yàng Jehôwa đơs be do: ‘Dô nă kòn klau rơp deh hìu Dabit in, sơnđan la Jôsia, mơ khai rơp ơn pơdơng ală cau gơnoar ơn duh khoai ală tiah jơnhoa dê hơđang mê, la cau chu kơlhô hơđang mê, mơ cau rơp chu ntìng cau chơt dê hơđang mê.’”

II Ală Bơtau 4:16

Elise đơs mơ cau ùr lah: “Nam tơnơ̆, di di tŭ do, ai rơp kơnđu dô nă kòn klau.” Khai đơs: “Ơ yàng añ, la cau Yàng Tom Trồ dê! Dan bañ đơs pơrlồm mơ dĭ ùr yàng dê.”

Sră Jop 14:14

Dilah kòn mơnus chơt, khai rơp kis wơl sơl? Jơh ală ngai bòl glar duh broă añ jê, Añ kơp gơn jơl tus di tŭ bơta hồ toh añ jê neh tus.

Sră Jop 14:5

Ală ngai kòn mơnus di neh lơh nền rau, mơ ală khà kơnhai bol khai neh yal tơnggit oh mi in, Mơ oh mi neh geh lơh nền nhàr nàng gơ ò rgơi lòt rlau.

Sră Jop 7:1

“Ò di la rài kis kòn mơnus pal lơh broă bòl glar tòm dunnia ò ơ? Mơ ò di la ală ngai rài kis bol khai dê kung be ală ngai dô nă cau lơh broă bòl glar ò ơ?

Đơs Crih 113:9

Kơnràñ ai cau ùr kơnền in dô nơm hìu, Lơh khai in gơlik gơs mè hòn chò bơh ală kòn khai dê. Jòng ro Yàng Jehôwa!

Đơs Crih 52:5

Mơya Yàng Tom Trồ rơp tơnroh mê sùm sùm; Kơnràñ rơp kup mê, tă crè mê bơh di sàl mê dê, Kơnràñ rơp dus mê bơh di lơgar cau kis dê. (Selah)

Jơnau Pơnđik 24:27

Rcang rơndap ală broă đah bơdìh kòn dê, mơ rcang sir jơh ală broă tòm sre kòn dê; lồc tơnơ̆ bơt bơtào tĕ hìu kòn dê.

Esai 28:24

Cau lơòr sre nàng sih kòi, ò di pơnjat lơòr sùm ò ơ? Khai ò di kư̆ pơnjat pŏ mơ tơnrài ù ò ơ?

Esai 38:1

Tòm ală ngai hơ̆, Ejekia gơlik kòp jê mòr chơt. Cau gơnoar hwơr Esai, kòn klau Amôs dê, lòt tus hơ khai mơ đơs lah: “Yàng Jehôwa đơs be do; ‘Rơndap tĕ ală bơta tòm hìu mê dê, bơh mê rơp chơt, ò geh sơmbòi.’”

Esai 38:5

“Lòt tĕ đơs mơ Ejekia lah: Yàng Jehôwa la Yàng Tom Trồ Dabit, ồng pàng mê dê, đơs be do: ‘Añ neh kơno jơnau hòi dan mê dê mơ neh gŏ dà mat mê dê, Añ rơp ai bơtơl rài kis mê in jơt pram nam tai.

Esai 54:1

“Đơs chò tĕ ơ cau ơm kơnền la cau ò tŭ lơi deh dô nă kòn; ai sap đơs chò driau dờng tĕ! Ơ ală cau ò tŭ lơi kong jê deh; tài bơh cau ùr gơkòl sang lòi rơp gơs oă kòn rlau mơ cau ùr gơs bau klau.” Yàng Jehôwa đơs behơ̆.

Jeremi 1:10

Sền tĕ, ngai do Añ neh bơtào mê hơđang ală làng bol, ală lơgar, Nàng mê dus mơ phà, tơnroh mơ lơh tơrlah, bơt bơtào mơ tam.”

Jeremi 45:4

Mê đơs tĕ mơ khai lah: “Yàng Jehôwa đơs be do: ‘Ne, Añ rơp phà tơrlah jơh ală phan Añ neh bơtào, Añ dus sang jơh ală phan Añ neh tam, bơta hơ̆ gơlik gơs tòm làm jơh lơgar.

Mathiơ 13:41

Kòn Mơnus rơp sồr ală cau gơnrơh Kơnràñ lòt, tơrgòm jơh ală bơta lơh gơtup tìs mơ ală cau lơh bơta tồi glài iơh bơsak mơ tơlik bơh di lơgar Kơnràñ,

Mathiơ 15:13

Kơnràñ ho lah: “Chi lơi mơ Bèp Añ hơđang trồ ò tam gen pal dus.

Luka 1:13

Mơya cau gơnrơh đơs mơ khai lah: “Ơ Sacari, bañ rngòt, bơh bơta hòi dan mê dê neh geh dòp; bau mê la Elisabet rơp deh mê in dô nă kòn klau, mê tơmoh sơnđan tĕ khai la Jang.

Luka 1:20

Do, mê rơp kloat, ò tus đơs, jơl tus di ngai ală bơta hơ̆ rơp gơlik gơs, bơh mê ò dòn jơnau añ, la jơnau rơp gơlik di ngan tòm toh di di tơngai.”

Luka 1:36

Ne Elisabet, jơi bơtiàn ai, kung neh bun dô nă kòn klau tòm tŭ kra; khai la cau pơnro la kơnền mơ do neh bun prau kơnhai rau.

Jang 16:21

Tòm tŭ cau ùr ơm deh gen gơs bơta moat jrùng, bơh jơ khai dê neh tus rau; mơya tòm tŭ kòn dềt neh lik rau, gen khai ò kah tai bơta bòl glar jê sồt hơ̆, mơya hòn chò bơh gơs dô nă cau neh deh tòm dunnia.

Jang 7:30

Behơ̆ bol khai jòi bơta nàng kup Kơnràñ, mơya ò gơs cau lơi ai tê sơmbat di Kơnràñ, tài bơh jơ Kơnràñ òhềt tus.

Broă 7:17

Tòm tŭ mòr tus di tŭ tơngai Yàng Tom Trồ lơh gơlik gơs di ngan jơnau ho pơgon mơ Abraham, khà làng bol kư̆ tơnggơs bơtơl rơ̆sơmpài ràipơjềng tòm lơgar Ejiptơ,

Broă 7:20

Tòm tŭ hơ̆ deh Môise, khai hàng mơnĕ krơi is ngan, geh ròng tòm pe kơnhai tòm hìu khai dê.

Galati 4:4

Mơya tòm tŭ tơngai neh tus rau, Yàng Tom Trồ sồr Kòn Kơnràñ lòt tus, lik lìng bơh dô nă cau ùr, lik lìng ơm tòm gơnoar bơta boh lam dê,

Yal Wơl 34:5

Mơ Môise, cau duh broă Yàng Jehôwa dê chơt tềng hơ̆ tòm Môap, tòm toh jat be Yàng Jehôwa neh đơs.

Hebrơ 9:27

Jat be bơta neh lơh nền jơi kòn mơnus pal chơt dô dơ̆, gen tơnơ̆ pal kong cahrña,

I Samuel 2:5

Ală cau geh hòm lòt lơh ơpah nàng geh phan sa, mơya ală cau jơgloh geh lơmă bơh phan tòmpìt geh. Cau ùr kơnền neh deh poh nă kòn, mơya cau ùr gơs oă kòn gen jê sồt moat jrùng.