Cau Bơto 3:19 - Sră Goh 2018

¹⁹ Bơh rài kis jơi kòn mơnus dê mbe lơi, gen rài kis jơi phan poan jơng kung behơ̆ sơl; bơta chơt jơi do dê kung be bơta chơt jơi ne dê. Bol khai gơs nhơm tă ndròm bal, jơi kòn mơnus ò rlau mơ jơi phan poan jơng, bơh jơh ală la roh lơm.

Cau Bơto 3:19 Mawu Ofanana

II Samuel 14:14

Bol he pal chơt jơh, bol he be dà neh gơtuh hơđang ù mơ ò geh tơrgòm wơl. Mơya Yàng Tom Trồ rơp ò tă tơlik bơta kis; sơlơ̆u wơl, Kơnràñ pò gùng nàng dô nă cau kong bơtrơh tơlik ò ơm ngài sùm sùm bơh di đap Kơnràñ.

Đơs Crih 104:29

Tòm tŭ Yàng pồn mat gen bol gơdơrcul. Tòm tŭ Yàng tă tơlik nhơm bol gơ dê, gen bol gơ chơt, mơ rê wơl hơ kơmbuh ù.

Đơs Crih 49:12

Kòn mơnus ò rgơi klàs chơt kơnòm di bơta màng ryŭ bol khai dê, Khai kung be phan poan jơng pal chơt roh.

Đơs Crih 49:13

Hơ̆ la bơta lồi dut ală cau bơrngơl gơla. Bal mơ jơh ală cau jòi jat bơta niam nùs bol khai dê. (Selah)

Đơs Crih 49:20

Kòn mơnus ò rgơi klàs chơt kơnòm di bơta màng ryŭ khai dê, Khai kung be phan poan jơng roh rui hơ̆.

Cau Bơto 1:14

Añ neh sền gŏ ală broă lơh hơđơm mattơngai; mơ ne, jơh ală la roh lơm, jat dô ròs càl khồm.

Cau Bơto 1:17

Mơ añ ngui dơngoh nàng git bơta jak chài, mơ git bơta tùl gơla, mơ sơnrang sơnrồng; añ đal git bơta hơ̆ kung la jat dô ròs càl khồm.

Cau Bơto 2:14

Cau jak chài gơs gar mat tòm bồ bol khai dê, mơya cau tùl gơla cơnđòa lòt tòm bơta klam jơngo. Bulah behơ̆, añ sền gŏ jơh bàr gơs dô rài kis gơlik tus ndròm bal.

Cau Bơto 2:16

Bơh ò gơs cau kah cau jak chài hala cau bơrngơl gơla sùm sùm; sền gŏ bơta hơ̆ tòm ngai rơp tus jơh tơl nă neh gơkòl hŭi jŏ jòng rau. Mbe cau jak chài rgơi chơt kung be ală cau bơrngơl gơla taih?

Cau Bơto 7:2

Lòt tus hơ hìu gơs cau chơt rlau mơ lòt tus hơ hìu yò sa dờng; bơh do la bơta lồi dut kòp nă cau dê; mơ cau kis rơp ơn gơtòm nùs.

Cau Bơto 9:12

Mơ tai, ò gơs dô nă cau lơi rgơi git lài tŭ tơngai bơta rung rài dê; be ka yar tòm bơtơng iơh, sềm yar dă, gen jơi kòn mơnus kung gơkòl yar tòm tŭ tơngai bòl glar nisơna tus hơđang bol khai behơ̆ sơl.

Cau Bơto 9:2

Jơh ală bơta gơlik tus rài kis cau in ndròm bal: cau song ring hala cau iơh bơsak, cau lơbơn niam mơ cau iơh, cau goh mơ cau ò goh, cau ơn phan ơn duh khoai hala cau ò ơn, cau niam kung be cau gơs glài, cau srat să kung be cau pleh bơh jơnau srat să.

Khà Làng Bol 16:29

Dilah ală cau do chơt jat be òs cau dê mơ mìng git làm bơta òs gơlik gơs kòn mơnus in, gen Yàng Jehôwa ò sồr añ.