Cau Bơto 3:18 - Sră Goh 2018

¹⁸ Añ đơs wơl tòm nùs lah: Sền tĕ di jơi kòn mơnus Yàng Tom Trồ lòng bol khai, mơ sơnio bol khai in git lah bol khai ò rlau mơ jơi phan poan jơng.

Cau Bơto 3:18 Mawu Ofanana

Sră Jop 15:16

Tơ ài lah dô nă cau la ngkòr ngkàc mơ jak sa loă, La cau hùc bơta tồi glài iơh bơsak be hùc dà!

Sră Jop 40:8

Tơp tĕ bol khai tòm kơmbuh ù; Mơ bồr ndơp mat bol khai dê tòm ndơp ndơr.

Đơs Crih 49:12

Kòn mơnus ò rgơi klàs chơt kơnòm di bơta màng ryŭ bol khai dê, Khai kung be phan poan jơng pal chơt roh.

Đơs Crih 49:14

Bol khai kòl lơh nền mut tòm lơgar Làng ƀồc kung be dô mpồl belàt; Bơta chơt rơp ê gàr bol khai; Bol khai mù song tus tòm bơtô ƀồc, Să jan bol khai dê rơp ồm lề; Lơgar Làng ƀồc rơp la tiah ơm bol khai dê.

Đơs Crih 51:4

Añ neh tìs glài mơ Yàng, mìng mơ Yàng lơm, Mơ neh lơh bơta iơh bơsak di đap Yàng, Tồ Yàng geh kòp la song ring tòm tŭ Kơnràñ đơs, Mơ ò gơs tiah geh lah pơrhơng tòm tŭ Kơnràñ cahrña.

Đơs Crih 73:22

Gen tŭ hơ̆ añ ơm bơrngơl gơla, ò git wă bơta lơi, Di đap Kơnràñ añ kung ò gơkrơi be phan poan jơng,

Rôma 3:4

Ò di behơ̆ ò! Yàng Tom Trồ la song ngan, bulah ală cau la blac chừt, be neh cih lah: “Behơ̆, Yàng geh kòp la song ring tòm ală jơnau đơs Kơnràñ dê, Mơ geh pha lin tòm tŭ Kơnràñ kong cahrña.”

Rôma 9:23

Kơnràñ kung kòñ yal tơlik bơta pas gơs bơta gơklŏ Kơnràñ dê gơwèt hơ bol he la ală cau pal kòñ nđàc mơ Kơnràñ neh rcang lài nàng dòp bơta gơklŏ Kơnràñ dê;

Hebrơ 9:27

Jat be bơta neh lơh nền jơi kòn mơnus pal chơt dô dơ̆, gen tơnơ̆ pal kong cahrña,

I Pier 1:24

Bơh, “Jơh ală jơi poac să kung be ñhơt. Mơ bơta gơklŏ gơ dê be bơkào ñhơt. Ñhơt ro, bơkào jrùh;

II Pier 2:12

Mơya bol khai kung be phan poan jơng ò gơs dơngoh kơlôi, mìng tơnggơs jat bơta òs, lòi cau in kup lơh poac; bol khai jak đơs bơrsèl tơnhial di ală bơta bol khai ò git wă, gen bol khai rơp kong tơnroh tòm bơta roh rui bal mơ bol gơ;