Cau Bơto 3:12 - Sră Goh 2018

¹² Behơ̆, añ git lah ò gơs bơta lơi niam rlau kòn mơnus in la chò hòp mơ hòn chò jơl jơh rài kis bol khai dê.

Cau Bơto 3:12 Mawu Ofanana

Đơs Crih 37:3

Dòn kơnòm tĕ di Yàng Jehôwa mơ lơh bơta niam; Gen mê rơp ơm tòm lơgar mơ geh Kơnràñ sền gàr.

Cau Bơto 11:9

Ơ cau kơnòm să, hòn chò tĕ tòm tŭ mê gam kơnòm să, lòi tĕ nùs mê hừh hơh tòm tŭ gam kơnòm să, lòt jat tĕ gùng dà nùs mê kòñ, mơ đal sền bơta mat mê hàm kòñ, mơya git lah bơh ală bơta hơ̆, Yàng Tom Trồ rơp hòi mê tus nàng cahrña.

Cau Bơto 2:24

Ò gơs bơta lơi niam rlau kòn mơnus in la sa mơ hùc, mơ jòi bơta hòn chò tòm broă lơh bòl glar bol khai dê. Añ sền gŏ bơta hơ̆ kung bơh tê Yàng Tom Trồ mơ tus.

Cau Bơto 2:3

Añ kơlôi tòm nùs lah pal lơh poac să añ jê geh hòn chò bơh alak tơrnòm, mơ dơngoh añ gam tề lam añ mơ bơta jak chài, nùs añ, mơ mbe lơh nàng at kơ̆ di bơta tùl gơla, jơl tus di tŭ añ sền gŏ bơta lơi la niam nàng jơi kòn mơnus in lơh hơđơm trồ do, tòm dô êt ngai tòm rài kis bol khai dê.

Cau Bơto 3:22

Behơ̆ gen, añ gŏ ò gơs bơta lơi niam rlau jơi kòn mơnus in la chò hòp tòm broă lơh he dê; hơ̆ la pơnah broă tòm bol khai dê; bơh ñcau rơp cèng bol khai rê wơl nàng sền gŏ bơta rơp gơlik tus tơnơ̆ he taih?

Cau Bơto 8:15

Behơ̆ añ tòmbơyai bơh bơta hòn chò, bơh ò gơs bơta lơi niam rlau kòn mơnus in ơm hơđơm mattơngai la sa, hùc, mơ lơh să tòm bol khai in hòn chò; bơh ală bơta hơ̆ rơp lòt bal mơ bơta bòl glar tòm ală ngai tòm rài kis mơ Yàng Tom Trồ ai bol khai in hơđơm mattơngai.

Esai 64:5

Kơnràñ neh tus tìp ală cau chò hòp lơh bơta di, la ală cau kah bơh Yàng mơ lòt tòm ală gùng dà Kơnràñ dê. Mơya tòm tŭ bol hi kư̆ tìs glài tòmdră, gen Kơnràñ neh gơhào gơjrañ. Tài bơh Kơnràñ neh pồn să tòm Kơnràñ bơh bơta tìs glài bol hi dê.

Luka 11:41

Mơya bol mê ai tĕ bơta gơs tòm dơlam mơ pà gòi dờng ơnàng cau rƀah lơòi in, gen ală bơta la goh bol mê in.

Broă 20:35

Tòm jơh ală bơta añ neh bơto oh mi in git, mbe lơi oh mi pal kong bòl glar lơh broă nàng dong kòl cau lơbơn lơño, mơ kah wơl jơnau să tòm Yàng Jesu neh đơs lah: ‘Pà ai gen geh lơngai rlau mơ dòp leng.’”

Yal Wơl 12:18

Gơpơrlơ̆ wơl, bol mê pal sa ală phan hơ̆ di đap mat Jehôwa Yàng Tom Trồ bol mê dê tòm dô bă tiah mơ Jehôwa Yàng Tom Trồ bol mê dê rơp sac rwah, bol mê, ală kòn klau mơ ală kòn ùr bol mê dê, ală cau klau mơ ală cau ùr duh broă bol mê dê, mơ ală cau Lebi bơh di ală ƀòn dờng bol mê dê, mơ bol mê rơp hòn chò di đap Jehôwa Yàng Tom Trồ bol mê dê bơh jơh ală phan mơ tê bol mê neh lơh gơs.

Yal Wơl 12:7

Tềng hơ̆, di đap mat Jehôwa Yàng Tom Trồ bol mê dê, bol mê mơ ală hìu nhă bol mê dê rơp sa mơ rơp hòn chò bơh jơh ală phan mơ tê bol mê neh lơh gơs, tài bơh Yàng Jehôwa neh ai lơngai bol mê in.

Yal Wơl 26:11

Gen bol mê bal mơ ală cau Lebi mơ ală cau làng bol bơdìh ơm digùl bol mê rơp hòn chò tòm jơh ală bơta niam mơ Jehôwa Yàng Tom Trồ bol mê dê neh ai bol mê mơ hìu nhă bol mê in.

Yal Wơl 28:63

Kung be Yàng Jehôwa neh niam nùs lơh bol mê in gơlik gơs rơ̆sơmpài ràipơjềng gen Kơnràñ kung rơp niam nùs lơh bol mê in roh rui mơ tơnroh bol mê. Bol mê rơp kong tă tơlik bơh lơgar mơ bol mê neh mut nàng dòp geh.

I Timôthe 6:18

Bơto kràñ cê bol khai in pal lơh bơta niam, pas gơs tòm broă niam, rcang sir ai gòi mơ chò hòp tòmpà phan he dê cau in ƀà,