Cau Bơto 2:19 - Sră Goh 2018

¹⁹ Bulah behơ̆, ñcau git lah bol khai rơp gơlik cau jak chài hala bơrngơl gơla? Bulah bol khai rơp gơlik gơs cau tòm at bồ ală broă bòl glar añ neh lơh mơ ngui bơta jak chài añ jê hơđơm mattơngai. Bơta hơ̆ kung la roh lơm.

Cau Bơto 2:19 Mawu Ofanana

I Ală Bơtau 11:43

Gen Salômôn chơt rê mơ ồng pàng khai dê, mơ geh tơp tòm ƀòn dờng Dabit bèp khai dê. Rôbôam kòn klau khai pơrdòn khai.

I Ală Bơtau 12:13

Bơtau ho wơl jơnau làng bol dô bă kràñ cê, ò bài iat jơnau bơyai ală cau kwang kra dê,

Cau Bơto 2:11

Gen añ sền sơwì ală broă tê añ neh lơh, mơ bơta bòl glar he neh kong nàng lơh; mơ dô dơ̆ tai jơh ală bơta hơ̆ la roh lơm mơ jat dô ròs càl khồm, mơ ò gơs kwơ dô êt lơi hơđơm mattơngai.

Cau Bơto 2:20

Tài behơ̆ añ gơplơ̆ nùs bơh bơta roh gơn kơnòm bơh ală broă bòl glar añ neh lơh hơđơm mattơngai.

Cau Bơto 3:22

Behơ̆ gen, añ gŏ ò gơs bơta lơi niam rlau jơi kòn mơnus in la chò hòp tòm broă lơh he dê; hơ̆ la pơnah broă tòm bol khai dê; bơh ñcau rơp cèng bol khai rê wơl nàng sền gŏ bơta rơp gơlik tus tơnơ̆ he taih?

Cau Bơto 9:13

Añ kung neh gŏ bơta pơnyơu bơh jak chài do ơm hơđơm mattơngai, gơlơh be dờng màng añ in.

Luka 16:8

Cau tòm jòng ro cau at bồ hìu ò song ring hơ̆, bơh khai neh lơh chài rgơi. Bơh ală kòn rài do dê chài rgơi rlau mơ ală kòn bơta àng dê gơwèt hơ cau tòm pah rài bal mơ bol khai.

I Timôthe 6:10

Bơh bơta hàm hà jền priă la tòm ryas jơh ală bơta iơh bơsak dê, gơs cau tài bơh ting jat gơ gen tàng kòl gơ pơrlồm sang lòi bơta dòn, hwềng nùs kong oă bơta moat jrùng jê sồt.

Jakơ 1:17

Jơh ală bơta nđàc niam mơ bơta ai gòi wil tơl tus bơh đang jòng, gơ mù bơh di Yàng bèp la bơta àng; tòm Kơnràñ ò gơs bơta tòmgơl, kung ò gơs mƀur bơta pơrlac lơi ò.

Jakơ 3:17

Mơya bơta jak chài bơh đang jòng gen lài ngan la sàng goh, tơnơ̆ tai la lơbơn niam, gơtòmsòr bal, ơt ơl, bềng lìu nùs kòñ nđàc mơ plai niam. Ò sền òsơp cau lơi hala ma blac.