Cau Bơto 2:10 - Sră Goh 2018

¹⁰ Bơta lơi mat añ hàm kòñ añ ò pleh bơh gơ, kung ò prap gàr nùs añ jê bơh bơta lơi niam nùs añ; bơh nùs añ jòi bơta chò hòp bơh ală broă lơh añ jê; mơ hơ̆ la phan ƀàn añ jê bơh ală broă lơh añ jê.

Cau Bơto 2:10 Mawu Ofanana

Sơnròp Gơlik Gơs 3:6

Cau ùr rmê plai chi hơ̆ dê sa bơkah, mơ tai niam mat mơ màng nàng lơh khai in gơs jak chài, gen khai pic sa mơ tong bau klau khai in ơm rềp mơ khai; bau klau kung sa sơl.

Sơnròp Gơlik Gơs 6:2

ală kòn klau Yàng Tom Trồ dê gŏ kòn ùr kòn mơnus dê la hàng mơnĕ gen bau mơ cau lơi di nùs bol khai.

Sră Jop 31:1

“Añ neh lơh dô bơta ho bal mơ gar mat añ, mbe añ rgơi sền rmê di cau ơruh taih?

Đơs Crih 119:37

Dan pơrlac mat añ klàs sền phan roh lơm; Dan ai añ in geh kis tòm ală gùng dà Kơnràñ dê.

Đơs Crih 128:2

Mê rơp sa cồng nha bơh broă bòl glar tê mê neh lơh; Mê rơp geh chò hòp mơ bơtoah bơtoài.

Jơnau Pơnđik 23:5

Kòn ngan neh ơn mat sền bơta pas gơs ơ? Gơ neh ò gam tai; bơh gơ ngan neh hòn pơnđar, mơ par guh be klàng bung sơl.

Cau Bơto 11:9

Ơ cau kơnòm să, hòn chò tĕ tòm tŭ mê gam kơnòm să, lòi tĕ nùs mê hừh hơh tòm tŭ gam kơnòm să, lòt jat tĕ gùng dà nùs mê kòñ, mơ đal sền bơta mat mê hàm kòñ, mơya git lah bơh ală bơta hơ̆, Yàng Tom Trồ rơp hòi mê tus nàng cahrña.

Cau Bơto 2:1

Añ đơs mơ să tòmlah: “Tŭ do tus tĕ, añ rơp lơh dô bơta lòng niam nùs mơ lơh hòn chò să tòm mê in.” Mơya dô dơ̆ tai, bơta hơ̆ kung la roh lơm.

Cau Bơto 2:22

Ñchi kòn mơnus geh bơh jơh ală broă lơh bòl glar mơ dơrcul mơ broă bòl glar bol khai dê hơđơm mattơngai taih?

Cau Bơto 2:24

Ò gơs bơta lơi niam rlau kòn mơnus in la sa mơ hùc, mơ jòi bơta hòn chò tòm broă lơh bòl glar bol khai dê. Añ sền gŏ bơta hơ̆ kung bơh tê Yàng Tom Trồ mơ tus.

Cau Bơto 3:22

Behơ̆ gen, añ gŏ ò gơs bơta lơi niam rlau jơi kòn mơnus in la chò hòp tòm broă lơh he dê; hơ̆ la pơnah broă tòm bol khai dê; bơh ñcau rơp cèng bol khai rê wơl nàng sền gŏ bơta rơp gơlik tus tơnơ̆ he taih?

Cau Bơto 5:10

Cau hàm kòñ jền priă ò tŭ lơi hừh nùs bơh jền priă; hala cau hàm kòñ pas sơm ò tŭ lơi làp dil jòi cồng nha. Bơta hơ̆ kung la bơta roh lơm.

Cau Bơto 5:17

Mơ tai, jơh rài bol khai pal kis tòm bơta klam jơngo, pal kong oă bơta moat jrùng, kòp jê mơ gơjrañ mañ.

Cau Bơto 5:18

Do la ală bơta niam mơ añ neh sền gŏ: bơta di pal la sa, hùc mơ jòi geh bơta hòn chò tòm jơh ală bơta bòl glar mơ he neh lơh hơđơm mattơngai, tòm dô êt ngai tòm rài kis Yàng Tom Trồ neh ai bol he in, bơh hơ̆ la pơnah he dê.

Cau Bơto 6:2

Gơs ală cau mơ Yàng Tom Trồ ai bơta pas gơs, phan mơna mơ bơta ryŭ ryơm, tian gơs ò siơ̆u bơta lơi nùs bol khai kơp kòñ; bulah behơ̆ Yàng Tom Trồ ò ai bol khai in hòn chò dòp ngui gơ, mơya la dô nă cau crih mat geh hòn chò ngui gơ. Hơ̆ la bơta roh lơm, la dô bơta jê sồt bòl glar.

Cau Bơto 6:9

Bơta lơi gŏ mơ mat la niam rlau mơ bơta hàm kòñ gơlềng gơlàng; bơta hơ̆ la dô bơta roh lơm, jat càl khồm.

Cau Bơto 8:15

Behơ̆ añ tòmbơyai bơh bơta hòn chò, bơh ò gơs bơta lơi niam rlau kòn mơnus in ơm hơđơm mattơngai la sa, hùc, mơ lơh să tòm bol khai in hòn chò; bơh ală bơta hơ̆ rơp lòt bal mơ bơta bòl glar tòm ală ngai tòm rài kis mơ Yàng Tom Trồ ai bol khai in hơđơm mattơngai.

Cau Bơto 9:6

Bơta kòñ gơboh bol khai dê, bơta gơjrañ bol khai dê, mơ bơta ƀoah pơrhiat bol khai dê neh roh rui rau; bol khai ò gơs tŭ lơi gam gơs pơnah lơi tòm ală bơta gơlik gơs hơđơm mattơngai.

Cau Bơto 9:9

Hòn chò tĕ rài kis mơ bau ùr mê kòñ gơboh, jơh ală ngai tòm rài roh lơm mê dê, mơ mê neh dòp geh hơđơm mattơngai, tài bơh hơ̆ la pơnah mê dê tòm rài kis do, mơ la bơta mê geh bơh broă lơh mê dê mơ mê neh kong bòl glar hơđơm mattơngai.

I Jang 2:16

Bơh jơh ală bơta tòm dunnia, be bơta hàm kòñ is poac să dê, bơta hàm kòñ is mat dê, mơ bơta pơnhừ să rài kis dê, ò di bơh Yàng Bèp mơ tus, mơya bơh dunnia mơ gơlik gơs.

Ală Kwang Cahrña 14:2

Tòm tŭ khai guh rê gen khai đơs mơ mè bèp khai dê lah: “Añ neh gŏ dô nă cau ùr tòm Thimna, tŭ do lùp tĕ añ in cau ùr hơ̆ nàng añ bau.”