Cau Bơto 12:5 - Sră Goh 2018

⁵ Cau rngòt rngơt tòm tŭ guh hơđang tiah jơnhoa, mơ kìr rngòt tòm tŭ lòt gùng; tŭ hơ̆ chi gus gơlik bơkào, srah nting cơnđòa lòt kơnjơ̆ kơnjut, mơ bơta kơp kòñ ò gam tai; Tài bơh jơh tơl nă cau pal lòt tus hơ hìu gam sùm sùm bol khai dê, ai ală cau ñìm ƀồc lòt gùt dar tòm gùng.

Cau Bơto 12:5 Mawu Ofanana

Sơnròp Gơlik Gơs 42:38

Mơya Jakôp ho lah: “Kòn put añ ò mù bal mơ bol mê ò, tài bơh bi khai neh chơt rau, gam mìng dô nă khai lơm. Dilah bơta gơtup gơtơl tus mơ khai tòm gùng bol mê lòt, gen bol mê rơp lơh cau sŏ kò do jê nùs mù tòm lơgar làng ƀồc.”

Sơnròp Gơlik Gơs 44:29

Dilah bol mê lam oh do lik bơh di añ tai mơ gơtìp bơta lơi gơtup gơtơl di khai gen bol mê rơp lơh cau sŏ kò do in tài bơh bơta moat jrùng mơ mù tòm lơgar làng ƀồc.’

Sơnròp Gơlik Gơs 44:31

gen dơ̆ khai ò gŏ tai kòn put gen ngan khai rơp chơt. Mơ ală cau dĭ kơnràñ dê rơp lơh bèp kra sŏ kò bol hi dê, kung la cau dĭ kơnràñ dê, bơh bơta moat jrùng mơ mù tòm lơgar làng ƀồc.

Sră Jop 15:10

Cau sŏ kò mơ jòng sơnam ơm đah bol hi, Bol khai kra rlau mơ bèp ồng dê.

Sră Jop 17:13

Dilah añ sền lơgar làng ƀồc be hìu añ jê, dilah añ lă cơnòng bic añ jê tòm tiah klam jơngo;

Sră Jop 30:23

Añ git lah Yàng rơp cèng añ hơ bơta chơt, mơ tus hơ hìu neh lơh nền jơh ală cau kis in.

Đơs Crih 71:18

Ơ Yàng Tom Trồ, bulah di tŭ añ neh kra bồ kò sŏ rau, Dan bañ sang lòi añ, Jơl tus di tŭ añ yal tơlik jơh ală kòn sau rài tơnơ̆ in bơh gơnoar pràn Kơnràñ dê.

Jơnau Pơnđik 16:31

Sŏ kò la sơgơn bơtau bơta gơklŏ, Gơ dòp geh bơh gùng dà song ring.

Jơnau Pơnđik 20:29

Bơta pràn cau klau pơnu dê la bơta gơklŏ khai dê; ai sŏ kò la bơta màng ryŭ cau kra dê.

Cau Bơto 9:10

Jơh ală broă tê mê jòi nàng lơh, lơh tĕ dô bă jơh pràn mê dê; bơh tòm lơgar làng ƀồc, la tiah mê lòt tus, ò gơs broă lơh, ò gơs kơlôi sơnơng, ò gơs bơta git wă hala bơta jak chài.

Esai 46:4

Jơl tus di tŭ bol mê kra bồ kò sŏ, añ la bơtau, Añ la bơtau rơp àñ ơnòng bol mê. Añ neh tơnggơs bol mê mơ Añ rơp kơnđơt kơnđu bol mê; Añ àñ ơnòng bol mê mơ Añ rơp dong tă bol mê.

Jeremi 1:11

Mơ kung gơs jơnau Yàng Jehôwa đơs tai mơ añ lah: “Ơ Jeremi, ñchi mê gŏ?” Añ ho wơl lah, “Añ gŏ dô nơm ntê chi plai gus.”

Jeremi 9:16

Añ rơp rsìh bol khai digùl ală làng bol mơ bol khai mơ ồng pàng bol khai dê òhềt git; Añ rơp sồr đào ting jat, jơl tus di tŭ neh tơnroh jơh bol khai.”

Lebi 19:32

Ñă ntào tĕ di đap mat cau jòng sơnam, ki ngàm tĕ di ală cau kra mơ duh rngòt tĕ di Yàng Tom Trồ. Añ la Yàng Jehôwa.

Hebrơ 9:27

Jat be bơta neh lơh nền jơi kòn mơnus pal chơt dô dơ̆, gen tơnơ̆ pal kong cahrña,