Cau Bơto 12:13 - Sră Goh 2018

¹³ Jơnau crap wơl bơh ală bơta neh gơlik gơs neh geh kơno do: Duh rngòt tĕ Yàng Tom Trồ mơ prap gàr ală bơta sồr lam Kơnràñ dê; hơ̆ la broă tòm wil tơl jơh tơl nă dê.

Cau Bơto 12:13 Mawu Ofanana

Sơnròp Gơlik Gơs 22:12

Cau gơnrơh đơs lah: “Bañ ƀư tê di să oh hơ̆ mơ bañ lơh bơta lơi di khai, bơh tŭ do Añ git mê duh rngòt di Yàng Tom Trồ, tài bơh mê ò pơlai mơ Añ kòn klau mê dê, hơ̆ la kòn dùl mê dê.”

I Ală Bơtau 2:3

Prap gàr tĕ ală bơta Jehôwa Yàng Tom Trồ kòn dê neh sồr, lòt tĕ tòm gùng dà Kơnràñ dê, prap gàr ală bơta lơh nền mơ jơnau sồr Kơnràñ dê, bơta sồr lam mơ cơng tàng Kơnràñ dê, be neh cih tòm bơta Boh lam Môise dê, tồ kòn in geh bơtoah bơtoài tòm jơh ală bơta kòn lơh mơ tòm jơh ală tiah kòn lòt,

Sră Jop 28:28

Gen Kơnràñ đơs mơ kòn mơnus lah: ‘Duh rngòt di Yàng Jehôwa, hơ̆ la bơta jak chài, mơ pleh ngài bơh bơta iơh, hơ̆ la bơta git wă.’”

Đơs Crih 111:10

Bơta duh rngòt di Yàng Jehôwa la tòm ryas bơta jak chài dê; Cau lơi lơh jat bơta hơ̆ gen geh bơta git jak. Bơta jòng ro Kơnràñ dê gam sùm sùm!

Đơs Crih 145:19

Kơnràñ lơh hừh nùs jơh ală cau duh rngòt di Kơnràñ, Kung iat jơnau hòi dan bol khai dê mơ dong klàs bol khai.

Đơs Crih 147:11

Mơya Yàng Jehôwa niam nùs di ală cau duh rngòt di Kơnràñ, Mơ niam nùs di cau gơn kơnòm di bơta kòñ gơboh kơ̆ dơn Kơnràñ dê.

Jơnau Pơnđik 1:7

Bơta duh rngòt di Yàng Jehôwa la sơntòm bơta jak chài; Ai ală cau bơrngơl gơla sền òsơp bơta jak chài mơ jơnau bơto sồr.

Jơnau Pơnđik 19:23

Bơta duh rngòt Yàng Jehôwa lam tus hơ bơta kis, ò gơkòl bơta iơh.

Jơnau Pơnđik 23:17

Nùs kòn bañ pơndròm mơ cau iơh rmơh; mơya kòp ngai pal duh rngòt di Yàng Jehôwa.

Cau Bơto 2:3

Añ kơlôi tòm nùs lah pal lơh poac să añ jê geh hòn chò bơh alak tơrnòm, mơ dơngoh añ gam tề lam añ mơ bơta jak chài, nùs añ, mơ mbe lơh nàng at kơ̆ di bơta tùl gơla, jơl tus di tŭ añ sền gŏ bơta lơi la niam nàng jơi kòn mơnus in lơh hơđơm trồ do, tòm dô êt ngai tòm rài kis bol khai dê.

Cau Bơto 3:14

Añ git lah kòp nơm broă Yàng Tom Trồ neh lơh gơs gen gam gơs sùm sùm; ò gơs bơta lơi rgơi ƀơ̆ ƀơl gơ in, hala kung ò gơs bơta lơi rgơi pơndut bơh gơ; Yàng Tom Trồ lơh bơta hơ̆, nàng lơh jơh kòn mơnus ntào duh rngòt di đap Kơnràñ.

Cau Bơto 5:7

Tiah lơi gơs oă mpau tềng hơ̆ gơs oă bơta roh lơm mơ bơtơl oă jơnau; mơya duh rngòt tĕ di Yàng Tom Trồ.

Cau Bơto 6:12

Bơh ñcau rgơi git bơta lơi niam kòn mơnus in tòm tŭ bol khai kis dô êt ngai roh lơm tòm rài kis, bơta hơ̆ lòt gan be mƀur taih? Bơh ñcau rgơi yal lài bol khai in ală bơta rơp tus tơnơ̆ hơđơm mattơngai taih?

Cau Bơto 7:18

Bơta niam hơ̆ la mê sơmbat kơ̆ dô bơta; mơ kung bañ kwòr tê hơ bơta ne; bơh cau lơi duh rngòt Yàng Tom Trồ rơp geh pơrdòn jơh bàr bơta hơ̆.

Cau Bơto 8:12

Bulah cau glài lơh iơh dô rhiang dơ̆ gam geh kis jŏ; bulah behơ̆, añ git lah cau duh rngòt di đap Yàng Tom Trồ, lồi dut rơp geh lơngai, tài bơh bol khai ntào tòm bơta duh rngòt di đap Yàng Tom Trồ.

Cau Bơto 8:5

Cau lơi lơh jat gơnoar sồr bơtau gen ò tìp bơta iơh lơi, mơ nùs cau jak chài git tŭ tơngai mơ git gùng dà.

Mice 6:8

Ơ kòn mơnus, Kơnràñ neh yal mê in bơta lơi la niam; Bơta mơ Yàng Jehôwa jòi lùp mê. Hơ̆ ò di la lơh bơta song ring, gơboh bơta lơbơn niam, mơ cơnđoà lòt dô bă pơndêt să mơ Yàng Tom Trồ ò ơ?

Luka 1:50

Bơta kòñ nđàc Kơnràñ dê gam bơh rài do jơl rài ne hơđang ală cau duh rngòt dê Kơnràñ.

Yal Wơl 10:12

Mơ tŭ do, ơ Israel, bơta Jehôwa Yàng Tom Trồ bol mê dê jòi lùp bol mê la duh rngòt di Yàng Jehôwa, lòt tòm jơh ală gùng dà Kơnràñ dê, kòñ gơboh di Kơnràñ, mơ jơh nùs, jơh hwềng soàn duh broă Jehôwa Yàng Tom Trồ bol mê dê,

Yal Wơl 10:20

Duh rngòt tĕ Jehôwa Yàng Tom Trồ bol mê dê mơ duh broă Kơnràñ. Đềt mềr tĕ mơ Kơnràñ mơ srat să tòm sơnđan Kơnràñ dê.

Yal Wơl 4:10

Kah tĕ ngai mơ bol mê neh ntào di đap Jehôwa Yàng Tom Trồ bol mê dê tòm Hôrep, tòm tŭ Kơnràñ đơs mơ añ lah: “Hòi pơjum tĕ làng bol di đap Añ nàng iat ală jơnau Añ đơs tồ bol khai rgơi bơtê duh rngòt di Añ tòm jơh rài bol khai kis tòm lơgar mơ rgơi bơto ală bơta hơ̆ ală kòn sau bol khai in.”

Yal Wơl 4:2

Bañ bơtơl jơnau lơi hơđang ală jơnau mơ añ sồr bol mê mơ kung bañ pơndut jơnau lơi bơh di ală jơnau hơ̆, mơya prap gàr tĕ ală jơnau sồr Jehôwa Yàng Tom Trồ bol mê dê mơ añ ai bol in.

Yal Wơl 6:2

nàng bol mê, ală kòn sau bol mê dê mơ ală kòn sau bol khai dê tơnơ̆ mơ bol khai rơp duh rngòt di Jehôwa Yàng Tom Trồ bol mê dê tòm jơh rài kis bol mê dê, bơh bơta prap gàr jơh ală bơta lơh nền mơ ală gơnoar sồr mơ añ neh ai bol mê in tồ bol mê rơp geh kis jŏ.

I Pier 2:17

Sền màng ryŭ tĕ di jơh ală cau, kòñ gơboh tĕ di ală oh mi, duh rngòt tĕ di Yàng Tom Trồ, dòn duh tĕ cau bơtau.

Yal Tơlik 19:5

Bơh di sơbàn hơ̆ gơs jơnau đơs lah: “Ơ jơh ală bol mê la dĭ gơna Kơnràñ dê mơ ală cau duh rngòt di Kơnràñ, ală cau dềt mơ ală cau dờng, Jòng ro tĕ Yàng Tom Trồ bol he dê.”

I Samuel 12:24

Mìng duh rngòt tĕ Yàng Jehôwa mơ jơh nùs dòn song duh broă Kơnràñ dê; sền sơwì tĕ bơh ală broă dờng mơ Kơnràñ neh lơh bol mê in.