Cau Bơto 12:11 - Sră Goh 2018

¹¹ Jơnau đơs cau jak chài dê be dô nơm mơng pù tơmàl; be dô nơm đìn pơng kơ̆ ngan ală jơnau rơndap ală sèng pơnđik dê, neh geh ai gơ bơh dô nă cau ê belàt.

Cau Bơto 12:11 Mawu Ofanana

Sơnròp Gơlik Gơs 49:24

Khai kơnòm di tê Bơtau Gơnap Gơnoar Làm Jơh Jakôp dê, Gen àtak khai gam kơ̆ sùm. Kơnòm di Bơtau Ê Belàt, la Pơnai Lŭ Israel dê. Mơ bàr nơm tê khai gam sơrbac sơrbang sùm.

Ejra 9:8

Mơya tŭ do, bơh tŭ tơngai liah ngan, bơta nđàc neh geh yal tơlik bơh Jehôwa Yàng Tom Trồ bol hi dê, la Bơtau neh lòi bol hi gam wơl mơ ai bol hi dô nơm phan ai bồ tòm tiah sàng goh Kơnràñ dê, nàng Kơnràñ pơnđàng àng mat bol hi in, mơ ai bol hi in phan sa bơkah tòm bơta ơm dĭ bol hi dê.

Đơs Crih 23:1

Yàng Jehôwa la Bơtau ê gàr añ be cau ê belàt; añ rơp ò siơ̆u phan lơi ò.

Đơs Crih 80:1

Ơ Bơtau ê gàr Israel, la Bơtau tề lam Jakôp be mpồl belàt, Dan ai tồr iat! Ơ Bơtau ơm hơđang sơbàn, digùl ală ceruƀim, dan Kơnràñ pơnđàng sòl.

Jơnau Pơnđik 1:6

Nàng wă wơng jơnau đơs pơnđik mơ jơnau đơs pơnyơu, Ală jơnau đơs cau jak chài dê bal mơ ală jơnau pơnhồr bol khai dê

Jơnau Pơnđik 10:21

Bơr sơndồi cau song ring ròng siam oă cau; Mơya cau tùl gơla chơt tài bơh siơ̆u bơta git wă.

Jơnau Pơnđik 22:17

Wèt tồr iat tĕ jơnau cau jak chài, Wèt nùs kòn kơlôi bơh jơnau añ bơto.

Cau Bơto 10:12

Jơnau đơs bơh bơr cau jak chài gơs bơta nđàc jat tơnơ̆; mơya sơndồi cau tùl gơla chu pơrguc wơl khai.

Cau Bơto 7:5

Chan iat jơnau lah pơrhơng cau jak chài, niam rlau mơ iat bơta đơs chò ală cau tùl gơla dê.

Esai 22:23

Añ rơp bơtào khai kơ̆ kung be cau pơng dô nơm đìn tòm tiah ring lơngai; mơ khai rơp gơlik gơs dô nơm sơbàn màng ryŭ hìu ồng pàng khai in.

Esai 40:11

Kơnràñ ròng siam mpồl Kơnràñ dê kung be cau ê belàt; Kơnràñ pơjum tơrgòm ală belàt kòn tòm tơwòr tê Kơnràñ dê, mơ kơnđu bol gơ rềp di nùs Kơnràñ dê; Kơnràñ tề lam dô bă lơbơn niam ală belàt me gơs kòn gam pô.

Jeremi 23:29

“Jơnau añ ngan ò di kung be ồs, kung be mut pòng bơcah lŭ ơ?” Yàng Jehôwa đơs behơ̆.

Ejekiel 34:23

Añ rơp bơtào hơđang bol gơ dô nă cau ê, hơ̆ la Dabit cau duh broă añ jê, khai rơp ròng siam bol gơ; mơ lơh gơs cau ê gàr bol gơ.

Mathiơ 3:7

Mơya tòm tŭ Jang gŏ oă cau Pharisi mơ cau Saduse tus hơ khai nàng gơs Ƀaptem, gen khai đơs mơ bol hơ̆ lah: “Ơ jơi bơtiàn bơs tur ne, ñcau neh yal bol mê in pleh klàs dê bơta gơjrañ dờng rơp tus taih?

Jang 10:14

Añ la cau ê lơbơn niam. Añ git belàt Añ jê mơ belàt Añ git Añ,

Jang 3:10

Yàng Jesu ho lah: “Mê la cau bơto làng bol Israel dê mơ ò git bơta hơ̆ ơ?

Broă 2:37

Tòm tŭ kơno ală jơnau hơ̆ gen nùs bol khai jê sồt ngan, bol khai lùp mo Pier mơ ală cau gơnoar bơto dờng ndai lah: “Ơ oh mi, mbe bol hi pal lơh taih?”

II Kôrintô 10:4

Bơh ală phan tòmlơh bol hi ngui ò di bal mơ dunnia, mơya la gơnap gơnoar Yàng Tom Trồ dê nàng sòr tơrlah ală theng kơ̆ cê, bol hi sòr tơrlah ală bơta bơyai tìs nrah,

Hebrơ 13:20

Dan Yàng Tom Trồ la Bơtau lơngap lơngai, la Bơtau neh cèng Yàng Jesu bol he dê bơh bơta chơt, la Bơtau Dờng Ê Belàt, kơnòm di mhàm bơta ho bal gam sùm sùm,

Hebrơ 4:12

Bơh jơnau Yàng Tom Trồ dê la jơnau kis, ƀă tàm, sồt rlau mơ đào bàr đah mat, srơp bluh tian gơs cah is hwềng soàn, hwềng nùs, kồ mơ khu, sền sơwì bơta kơlôi sơnơng mơ bơta lơh nền tòm nùs.

I Pier 5:4

Tòm tŭ Bơtau Dờng Ê Belàt tơlik mat, gen oh mi rơp dòp geh sơgơn bơtau gơklŏ ò ro jrùh.