Cau Bơto 12:1 - Sră Goh 2018

¹ Kah tĕ Bơtau crơng gơs mê dê, tòm ală ngai mê gam kơnòm să lài mơ tŭ ală ngai bòl glar kalke tus, mơ lài mơ tŭ ală sơnam tus rềp, mơ mê rơp đơs lah: “Añ ò niam nùs bơh gơ;”

Cau Bơto 12:1 Mawu Ofanana

Sơnròp Gơlik Gơs 39:2

Jôsep ơm tòm hìu cau tòm khai dê la cau Ejiptơ. Yàng Jehôwa ơm bal mơ khai, gen khai gơlik gơs cồng nha sùm.

Sơnròp Gơlik Gơs 39:23

Cau gơnoar at bồ hìu jàm ò sền sơwì tai ală broă lơh neh jào tòm tê Jôsep, tài bơh Yàng Jehôwa ơm bal mơ khai, mơ ai broă lơi khai in lơh gen gơlik gơs cồng nha.

II Samuel 19:35

Tŭ do añ neh phàm jơt sơnam rau. Añ rgơi đal git bơta niam mơ bơta ò niam sơl ơ? Cau duh broă bơtau dê rgơi liap ală phan khai sa mơ phan khai ñô sơl ơ? Añ gam rgơi kơno sap ală cau klau mơ cau ùr đơs chò sơl ơ? Ñchi bơh tài cau duh broă bơtau dê bơtơl ơnòng kơnjơ̆ hơđang cau tòm añ jê la bơtau in taih?

II Samuel 19:36

Cau duh broă bơtau dê rơp tiă hiòng Jordan mơ lòt dô êt tai bal mơ bơtau, mơya ñchi bơh tài bơtau kòñ jòng ro añ mơ dô nơm phan ƀàn behơ̆ taih?

I Ală Bơtau 14:13

Jơh Israel rơp ñìm rac mơ tơp khai; mìng dô nă khai tòm hìu nhă Jerôbôam rơp geh tơp tòm bơtô ƀồc, tài bơh tòm khai neh bàn dô êt bơta niam nùs Jehôwa Yàng Tom Trồ Israel dê.

I Ală Bơtau 18:12

Tòm tŭ añ lòt bơh di ồng, rơp gơs hwềng Yàng Jehôwa dê cèng ồng lòt tiah lơi añ ò git; behơ̆, tòm tŭ añ tus yal Ahap in, mơ khai ò gŏ ồng, khai rơp tơnchơt añ. Bulah, añ la dĭ gơna ồng dê duh rngòt di Yàng Jehôwa bơh tŭ gam pơnu.

Nehemi 4:14

Tơnơ̆ mơ tŭ añ neh sền ală bơta rau, añ ñă ntào mơ đơs mơ ală cau màng ryŭ, mơ jơh ală cau kwang, mơ jơh ală cau gam wơl lah: “Bañ rngòt di bol khai, kah tĕ Yàng Jehôwa la Bơtau dờng mơ pal rngòt, mơ tòmlơh tĕ ală oh mi bol mê in, ală kòn klau ală kòn ùr, ală bau ùr mơ ală hìu nhă bol mê in.”

Sră Jop 30:2

Ñchi gơs kwơ añ in bơh bơta pràn tê bol khai dê taih? Jơh ală bơta pràn kơldang bol khai dê neh roh jơh.

Đơs Crih 119:55

Ơ Yàng Jehôwa, tòm trồ mang añ kah wơl sơnđan Kơnràñ dê, Kung prap gàr bơta boh lam Kơnràñ dê.

Đơs Crih 34:11

Ơ ală kòn, tus tĕ iat añ, Añ rơp bơto bol mê in bơta duh rngòt di Yàng Jehôwa.

Đơs Crih 63:6

Tòm tŭ añ ơm hơđang cơnòng bic mơ kah Yàng, Mơ añ kơlôi sơnơng bơh Kơnràñ tòm ală tŭ jơ drơng mang.

Đơs Crih 90:10

Rài kis bol hi dê tus di poh jơt sơnam. Hala dilah pràn kơldang gen tus di phàm jơt sơnam, Mơya jơh ală nam hơ̆ mìng la bòl glar mơ kalke, Bơh rài kis mhar jơh mơ bol hi sang rài.

Jơnau Pơnđik 22:6

Bơto tĕ kòn dềt in dô nơm gùng di khai pal jat; bulah tŭ khai neh kra, kung ò tŭ lơi sang lòi gơ.

Jơnau Pơnđik 8:17

Añ kòñ gơboh ală cau kòñ gơboh añ, Ngan cau lơi jơh nùs jòi añ rơp bàn añ.

Cau Bơto 11:10

Behơ̆, bơtrơh tơlik tĕ bơta kơlôi rcang bơh tòm nùs mê, mơ tă tơlik bơta jê sồt bơh poac să mê; bơh tŭ gam kơnòm să mơ tŭ gam pơnu la bơta roh lơm.

Cau Bơto 11:2

Tòmpà tĕ gơ poh nă hala phàm nă in; bơh mê ò git bơta rung rài lơi rơp gơlik tus hơđang ù.

Cau Bơto 11:8

Dilah dô nă cau geh kis jŏ sơnam, gen chò hòp tĕ wil tơl tòm ală sơnam hơ̆; mơya kung kah tĕ lah klam jơngo kung gam oă. Mơ ală bơta lơi gơlik tus la roh lơm.

Esai 26:8

Tòm gùng bơta cahrña Kơnràñ dê, ơ Yàng Jehôwa, bol hi kơp gơn Kơnràñ; Sơnđan Kơnràñ mơ bơta kirsơnre bơh Kơnràñ, la bơta hwềng soàn bol hi hàm kòñ.

Ñìm Rac 3:27

Hơ̆ la niam cau lơi in tui yô tòm tŭ gam kơnòm să;

Daniel 1:17

Yàng Tom Trồ ai poan nă cau pơnu hơ̆ gơs bơta jak chài, git wă jơh ală sră pơàr, ală bơta bơtê. Daniel kung git wă ală bơta gơtơnggŏ mơ bơta mpau tai sơl.

Sră Ôse 7:9

Ală làng bol lơgar bơdìh neh sa loan bơta pràn khai dê, mơya khai ò git bơta hơ̆. Sŏ khai rơp sơntòm kò, mơ khai ò git.

Luka 1:15

Bơh khai rơp la dờng màng di đap Yàng, ò gơs ñô tơrnòm hala alak, mơ geh bềng lìu Yàng Hwềng Goh bơh tòm kơndul mè.

Luka 18:16

Mơya Yàng Jesu hòi ală cau bơtê mơ đơs lah: “Lòi tĕ ală kơnòm dềt lòt tus hơ Añ, bañ kơryan bol khai; bơh lơgar Yàng Tom Trồ gơrê mơ ală cau be bol khai.

Ephesô 6:4

Ơ cau la bèp, bañ lơh kòn he in gơjrañ, mơya ngui tĕ bơta lơh glài tơmàl mơ jơnau bơto tơngkah Yàng dê nàng ròng siam bol khai.

Yal Wơl 8:18

Mơya kah tĕ Jehôwa Yàng Tom Trồ bol mê dê, bơh hơ̆ Kơnràñ la Bơtau ai bol mê in bơta chài rgơi nàng lơh gơlik phan mơna, mơ behơ̆ Kơnràñ lơh nền bơta ho bal Kơnràñ dê mơ Kơnràñ neh srat să ho nền mơ ală ồng pàng bol mê dê be neh gơs tòm ngai do.

II Timôthe 3:15

mơ bơh di tŭ mê gam dềt mê neh git Sră Goh rgơi lơh mê in gơlik gơs jak chài tồ geh dong klàs bơh bơta dòn tòm Yàng Krist Jesu.

I Samuel 1:28

Gen tàng añ dan ơn khai Yàng Jehôwa in; jơh rài kis khai rơp geh ơn jơh Yàng Jehôwa in.” Mơ khai lòi kòn dềt tềng hơ̆ Yàng Jehôwa in.

I Samuel 16:7

Mơya Yàng Jehôwa đơs mơ Samuel lah: “Bañ sền di rùp să hala bơta dờng jơnhoa khai dê, tài bơh Añ neh ò dòp khai; bơh Yàng Jehôwa ò sền be kòn mơnus sền. Kòn mơnus sền đah bơdìh, mơya Yàng Jehôwa sền tòm nùs.”

I Samuel 2:18

Samuel duh broă di đap Yàng Jehôwa; khai la dô nă kơnòm klau soh dô nơm Ephot mơ bài che dơmài lơbơn.

I Samuel 2:26

Tŭ hơ̆ kơnòm dềt Samuel jơh să jan geh dờng mơ geh bơta nđàc gơwèt mơ Yàng Jehôwa mơ kòn mơnus sơl.