Cau Bơto 11:9 - Sră Goh 2018

⁹ Ơ cau kơnòm să, hòn chò tĕ tòm tŭ mê gam kơnòm să, lòi tĕ nùs mê hừh hơh tòm tŭ gam kơnòm să, lòt jat tĕ gùng dà nùs mê kòñ, mơ đal sền bơta mat mê hàm kòñ, mơya git lah bơh ală bơta hơ̆, Yàng Tom Trồ rơp hòi mê tus nàng cahrña.

Cau Bơto 11:9 Mawu Ofanana

Sơnròp Gơlik Gơs 3:6

Cau ùr rmê plai chi hơ̆ dê sa bơkah, mơ tai niam mat mơ màng nàng lơh khai in gơs jak chài, gen khai pic sa mơ tong bau klau khai in ơm rềp mơ khai; bau klau kung sa sơl.

Sơnròp Gơlik Gơs 6:2

ală kòn klau Yàng Tom Trồ dê gŏ kòn ùr kòn mơnus dê la hàng mơnĕ gen bau mơ cau lơi di nùs bol khai.

I Ală Bơtau 18:12

Tòm tŭ añ lòt bơh di ồng, rơp gơs hwềng Yàng Jehôwa dê cèng ồng lòt tiah lơi añ ò git; behơ̆, tòm tŭ añ tus yal Ahap in, mơ khai ò gŏ ồng, khai rơp tơnchơt añ. Bulah, añ la dĭ gơna ồng dê duh rngòt di Yàng Jehôwa bơh tŭ gam pơnu.

I Ală Bơtau 18:27

Tus di nggùl ngai, Eli dơñŏ tơnhial bol khai lah: “Driau nggà dờng tĕ, bơh khai la hwềng: digơlan khai ơm kơlôi sơnơng; digơlan gam ơm tiah ngài, digơlan gam lòt gùng; hala digơlan khai ơm bic, mơ rơp guh.”

I Ală Bơtau 22:15

Tòm tŭ khai neh tus hơ bơtau, gen bơtau lùp lah: “Ơ Mice, bol he pal lòt tòmlơh mơ Ramôt tòm Galaat hala ò pal taih?” Mice ho: “Lòt tĕ, bơtau rơp geh pha; Yàng Jehôwa rơp jào gơtòm tê bơtau.”

Sră Jop 31:7

Dilah cơnđòa añ jê pơrlac dô đah bơh di gùng, mơ nùs añ lòt jat gar mat añ jê, Hala dilah tê añ gơs tềl ƀơ̆ ƀơl,

Đơs Crih 81:12

Behơ̆ Añ lòi bol khai lòt jat bơta kơldang nùs bol khai dê, Tồ bol khai lòt jat jơnau bơyai is bol khai dê.

Cau Bơto 12:1

Kah tĕ Bơtau crơng gơs mê dê, tòm ală ngai mê gam kơnòm să lài mơ tŭ ală ngai bòl glar kalke tus, mơ lài mơ tŭ ală sơnam tus rềp, mơ mê rơp đơs lah: “Añ ò niam nùs bơh gơ;”

Cau Bơto 12:14

Bơh Yàng Tom Trồ rơp cèng jơh ală broă lơh nàng cahrña, mơ jơh ală broă ndơp ndơr rlau jơh, bulah niam hala iơh.

Cau Bơto 2:10

Bơta lơi mat añ hàm kòñ añ ò pleh bơh gơ, kung ò prap gàr nùs añ jê bơh bơta lơi niam nùs añ; bơh nùs añ jòi bơta chò hòp bơh ală broă lơh añ jê; mơ hơ̆ la phan ƀàn añ jê bơh ală broă lơh añ jê.

Cau Bơto 3:12

Behơ̆, añ git lah ò gơs bơta lơi niam rlau kòn mơnus in la chò hòp mơ hòn chò jơl jơh rài kis bol khai dê.

Cau Bơto 3:17

Gen añ đơs tòm nùs lah: “Yàng Tom Trồ rơp cahrña cau song ring mơ cau iơh bơsak; bơh gơs bơta lơh nền tŭ tơngai kòp broă mơ kòp bơta in.”

Cau Bơto 6:9

Bơta lơi gŏ mơ mat la niam rlau mơ bơta hàm kòñ gơlềng gơlàng; bơta hơ̆ la dô bơta roh lơm, jat càl khồm.

Cau Bơto 7:14

Tòm ngai pas gơs lơngai lơngò hòn chò tĕ, mơ tòm ngai rung rài kơlôi sơwì tĕ; bơh Yàng Tom Trồ neh lơh ngai do mơ ngai ne, tồ kòn mơnus in ò rgơi jòi bàn ală bơta lơi rơp gơlik tus tơnơ̆ he.

Jeremi 23:17

Bol khai kư̆ yal mơ cau sền òsơp di Añ lah: ‘Yàng Jehôwa đơs, bol mê rơp geh lơngap lơngai.’ Kung đơs mơ ală cau cơnđòa jat bơta kơldang nùs he dê lah: ‘Ò gơs bơta rung rài lơi rơp gơtơntus hơđang bol mê.’

Jeremi 7:24

Mơya bol khai ò dòn bơr, mơ ò ai tồr iat, kư̆ kơldang nùs tòm bơta iơh bơsak nùs kòñ bol khai dê, bol khai cơnđòa lòt tòm bơta kơlôi bơyai is bol khai dê, mơ tơnggòr hơ ngkòi, ò cơnđòa lòt hơđap.

Ñìm Rac 3:27

Hơ̆ la niam cau lơi in tui yô tòm tŭ gam kơnòm să;

Khà Làng Bol 15:30

Mơya cau lơi kư̆ kòñ tìs glài, bulah la cau deh tòm lơgar hala cau làng bơdìh, đơs tràl sơrbil di Yàng Jehôwa, gen cau hơ̆ pal kong tă sang bơh di làng bol khai dê.

Khà Làng Bol 15:39

Bol mê pal gơs ală mbrùi hơ̆ nàng sền gŏ mơ rơp kah wơl jơh ală jơnau sồr Yàng Jehôwa dê, tồ bol mê dòn bơr lơh jat ală jơnau hơ̆ mơ ò lơh să tòm bol mê tìs glài lòt jat ală bơta hàm kòñ nùs tồr mơ mat tòm bol mê dê.

Khà Làng Bol 22:32

Cau gơnrơh Yàng Jehôwa dê lùp khai lah: “Ñchi bơh tài mê neh pù alàng mê dê tòm pe dơ̆ taih? Añ neh tus tềng do nàng kơryan mê tài bơh gùng lòt mê dê la dô nơm gùng roh rui di đap mê.

Mathiơ 5:28

Mơya Añ đơs mơ bol mê, dilah cau lơi sền cau ùr mơ gơs nùs hàm kòñ di khai, gen tòm nùs neh tìs glài rềs àr bơrnàn mơ khai rau.

Luka 12:19

Añ rơp đơs mơ hwềng soàn añ lah: Ơ hwềng, mê neh gơs oă phan mơna prap lòi oă sơnam in; rlô bòl tĕ, sa, ñô, mơ chò hòp lă.’

Broă 14:16

Tòm rài lài òr, Kơnràñ lòi jơh ală làng bol in lòt jat gùng is he dê,

Broă 24:25

Mơya tòm tŭ Pol bơto bơyai bơh bơta song ring, bơta git kơrhia mơ bơta cahrña rài tơnơ̆, gen Phelik rơm să rngòt, mơ đơs lah: “Tŭ do mê lòi ing, gơn tŭ lơi añ ru gen añ rơp hòi wơl mê.”

Rôma 14:10

Mơya mbe mê cahrña di oh mi he dê taih? Ai mê, mbe mê sền òsơp di oh mi he taih? Bơh jơh tơl nă bol he rơp ntào di đap sơbàn cahrña Yàng Tom Trồ dê.

I Kôrintô 4:5

Behơ̆ bañ cahrña gòñ ir, pal gơn tus di tŭ Yàng tus. Kơnràñ rơp ràng tơlik hơ bơta àng ală bơta pồn ndơp tòm tiah klam jơngo, mơ yal tơlik ală bơta lơh nền tòm nùs cau; mơ tŭ hơ̆ kòp nă cau rơp dòp bơta jòng ro bơh Yàng Tom Trồ.

II Kôrintô 5:10

Bơh bol he jơh tơl nă pal ntào di đap tiah cahrña Bơtau Krist dê, tồ kòp nă cau in dòp geh jat be broă niam hala iơh he neh lơh tòm tŭ gam ơm tòm poac să.

Yal Wơl 29:19

Jơh ală cau kơno ală jơnau srat să ho nền do, hừh nùs mơ kơlôi sơnơng is tòm nùs lah: ‘Añ rơp geh lơngap lơngai bulah añ kư̆ kơldang nùs lòt jat gùng is añ jê.’ Bơta hơ̆ rơp cèng tus bơta rung rài hơđang ù tiah sùh kung be hơđang ù tiah ro rañ.

Hebrơ 9:27

Jat be bơta neh lơh nền jơi kòn mơnus pal chơt dô dơ̆, gen tơnơ̆ pal kong cahrña,

Jôsue 7:21

Tòm tŭ añ gŏ tòm phan phà kup gơs dô nơm ào jrùh hàng mơnĕ bơh Sinar, bàr rhiang sieklơ priă, mơ dô pơnai màh kơnjơ̆ pram jơt sieklơ, añ neh hàm kòñ ală phan hơ̆ mơ neh ai gơ. Tŭ do ală phan hơ̆ neh pồn tòm ù tòm dơlam sàl añ jê, bal mơ priă ơm hơđơm.”

II Pier 3:7

Mơya trồ tiah gam tŭ do kung la bơh jơnau đơs Kơnràñ dê mơ prap lòi ồs in, geh prap gàr jơl tus di ngai cahrña, la ngai cau ò duh rngòt kong roh rui.