Cau Bơto 11:2 - Sră Goh 2018

² Tòmpà tĕ gơ poh nă hala phàm nă in; bơh mê ò git bơta rung rài lơi rơp gơlik tus hơđang ù.

Cau Bơto 11:2 Mawu Ofanana

Nehemi 8:10

Gen Nehemi đơs mơ bol khai lah: “Lòt tĕ sa phan lơmă mơ hùc dà ño lơngồt, mơ pơyoa tĕ pơnah pà gòi hơ̆ ală cau ò gơs rcang phan lơi; tài bơh ngai do la sàng goh Yàng bol he in. Bañ moat jrùng, bơh bơta chò hòp Jehôwa di la bơta pràn kơldang bol mê dê.”

Este 9:19

Tài bơh hơ̆ tàng ală cau Juda ơm tòm ƀòn lơgar, hơ̆ la ală cau ơm tòm ală ƀòn dềt, kah prap ngai jơt poan kơnhai Adar lơh gơs ngai hòn chò mơ ngai pơjum sa, dô ngai mơ bol khai pơyoa phan pà gòi bal mơ gơp.

Este 9:22

be ală ngai mơ cau Juda neh geh dong klàs bơh di tê ală cau sò tơm di bol khai, mơ la kơnhai mơ bơta moat jrùng bol khai dê neh gơlik gơs bơta hòn chò, mơ bơta ñìm rac bol khai dê gơlik gơs dô ngai pơjum sa. Bol khai pal lơh ală ngai hơ̆ in gơlik ală ngai pơjum sa chò hòp mơ hòn chò, ală ngai bơta pơyoa phan pà phan sa bal mơ gơp mơ phan ƀàn ală cau rƀah in.

Sră Jop 5:19

Kơnràñ rơp dong tă ồng bơh prau bơta bòl glar; Tòm dơ̆ poh, bơta iơh rơp ò tup di ồng.

Đơs Crih 112:9

Khai tòmpà dờng ơnàng, ai gòi cau rƀah lơòi in; Bơta song ring bol khai dê gam sùm sùm; Gơnoar pràn khai dê rơp geh yò tơngguh dô bă màng ryŭ.

Jơnau Pơnđik 19:17

Cau lơi nđàc sơngit cau rƀah, hơ̆ la ai Yàng Jehôwa in càn jồm; Kơnràñ rơp tơm wơl broă bơta nđàc hơ̆ khai in.

Jơnau Pơnđik 6:16

Gơs prau bơta Yàng Jehôwa gơjrañ, mơ poh bơta Kơnràñ ngkòr ngkàc.

Cau Bơto 11:3

Tŭ mhwal bềng dà, gen mìu dùh hơđang ù, Tòm tŭ dô nơm chi gơpừ bơh đah đơm hala đah đang, dilah gơpừ tiah lơi gen gơ rơp ơm tềng hơ̆.

Cau Bơto 11:8

Dilah dô nă cau geh kis jŏ sơnam, gen chò hòp tĕ wil tơl tòm ală sơnam hơ̆; mơya kung kah tĕ lah klam jơngo kung gam oă. Mơ ală bơta lơi gơlik tus la roh lơm.

Cau Bơto 12:1

Kah tĕ Bơtau crơng gơs mê dê, tòm ală ngai mê gam kơnòm să lài mơ tŭ ală ngai bòl glar kalke tus, mơ lài mơ tŭ ală sơnam tus rềp, mơ mê rơp đơs lah: “Añ ò niam nùs bơh gơ;”

Daniel 4:27

Behơ̆ tàng, Ơ bơtau, dan iat jơnau añ bơto tơngkah: Dan bơtau lơh jat tĕ bơta song ring nàng tơwài ală bơta tồi glài bơtau dê, nđàc sơngit tĕ di ală cau kong rồn bơklơn nàng tơwài ală bơta iơh bơsak bơtau dê. Behơ̆ digơlan bơta pas gơs lơngai lơngò bơtau dê gơ rơp gam gơs jŏ jòng rlau.”

Mice 5:5

Kơnràñ rơp la bơtau bơta lơngap lơngai dê. Dilah cau Asiri brồ mut tòm ù tiah bol he dê, mơ lòt hơđang ù bol he dê, gen bol he rơp bơtào tơngguh poh nă cau ê gàr, mơ phàm nă cau gơnoar lam bồ làng bol nàng tòmdră mơ khai.

Mathiơ 18:22

Yàng Jesu ho lah: “Añ ò đơs mơ mê lah mìng poh dơ̆ lơm ò, mơya jơl tus di poh jơt dơ̆ poh.

Mathiơ 5:42

Cau lơi dan mơ mê, gen ai tĕ; cau lơi kòñ càn mơ mê, gen bañ lơh sềt.”

Luka 17:4

Bulah tòm dô ngai oh mi mê tìs glài mơ mê poh dơ̆, mơ poh dơ̆ khai rê wơl mơ mê mơ đơs lah: ‘Añ gơjrañ sang glài,’ gen mê toh glài tĕ khai in.”

Galati 6:1

Ơ oh mi, dilah gơs cau lơi nisơna gơtơntìs glài lơi, gen oh mi la cau gơs Yàng Hwềng, ai tĕ nùs niam lơnhơn nàng dong kòl bol khai; să tòm oh mi kơrmap gàr tĕ, rngòt kung gơkòl ơniai sơl.

Ephesô 5:16

Pơlai tĕ tŭ tơngai, tài bơh ală ngai la iơh.

Hebrơ 13:3

Kah tĕ ală cau ơm jàm, be bol he kung ơm jàm bal mơ bol khai; kah tĕ ală cau kòl rồn bơklơn, bơh bol he kung gơs să jan be bol khai sơl.

I Samuel 25:8

Lùp tĕ ală cau dong broă ồng dê, gen bol khai rơp yal ồng in. Gen tàng lòi ală cau pơnu añ jê geh bơta nđàc di đap ồng, bơh bol hi neh tus tòm ngai pơjum sa. Dan pà ală cau dong broă ồng in mơ kòn klau ồng in la Dabit phan lơi ồng gơs tòm tê.’”