Cau Bơto 10:19 - Sră Goh 2018

¹⁹ Cau yò sào dờng nàng ñŏ; alak tơrnòm lơh rài kis in chò hòp; gơs jền priă gen geh ală bơta pal càng.

Cau Bơto 10:19 Mawu Ofanana

Sơnròp Gơlik Gơs 43:34

Jôsep sồr cèng ală phan sa bơh di đap khai ai ală oh mi in, mơya pơnah đah Benjamin gen pram dơ̆ rlau mơ phan ală cau ndai dê. Bol khai ñô sa bơkah bơnga mơ chò hòp bal mơ Jôsep.

II Samuel 13:28

Gen Apsalôm ai jơnau sồr ală cau duh broă khai dê lah: “Iat tĕ do! Tòm tŭ nùs Amnôn dê hòn chò bơh ñô tơrnòm, mơ tŭ añ sồr bol mê: ‘Tơnchơt tĕ Amnôn,’ gen tơnchơt tĕ khai. Bañ rngòt! Ò di să tòm añ neh ai bol mê in jơnau sồr do ò ơ? Lơh tĕ pràn kơldang mơ khin cha.”

I Yal Yau 21:24

Mơya bơtau Dabit đơs lah: “Ò di ò, añ lơh nền la pal tơm jat khà priă di pal wil tơl. Añ rơp ò ai phan mê dê mơ ơn Yàng in, hala ơn dô nơm phan ơn chu pơrguc mơ añ ò pal tơm dô êt lơi.”

Ejra 1:6

Jơh ală cau ơm rềp mơ bol khai dong ai bơtơl bol khai in ală phan ngui mơ priă mơ màh, ală phan mơna mơ phan poan jơng, mơ ală phan pà kas màng, bal mơ jơh ală phan ơn jat nùs kòñ.

Nehemi 5:8

gen đơs mơ bol khai lah, “Jat be bơta bol hi rgơi, bol hi neh tơwài oh mi he la cau Juda neh kòl tac ală làng bol bơdìh in, la ală cau pal gơkòl tac bơh bol he wơl ơ?” Gen bol khai ơm mŏ mŏ mơ ò rgơi jòi jơnau lơi nàng đơs, gen añ đơs lah:

Este 1:10

Tòm ngai dơ̆ poh, tòm tŭ bơtau neh hòn chò bơh tơrnòm, gen bơtau sồr Mehuman, Bistha, Harbôna, Biktha, Abaktha, Jethar mơ Karkas la poh nă cau kwang kriau la ală cau ơm di đap bơtau,

Đơs Crih 104:15

Mơ tơrnòm ño lơh nùs kòn mơnus in hòn chò, ai mơñà lơh muh mat hàng mơnĕ, Mơ gơs piang lă nàng bơtơl pràn kơldang kòn mơnus in.

Đơs Crih 112:9

Khai tòmpà dờng ơnàng, ai gòi cau rƀah lơòi in; Bơta song ring bol khai dê gam sùm sùm; Gơnoar pràn khai dê rơp geh yò tơngguh dô bă màng ryŭ.

Cau Bơto 2:3

Añ kơlôi tòm nùs lah pal lơh poac să añ jê geh hòn chò bơh alak tơrnòm, mơ dơngoh añ gam tề lam añ mơ bơta jak chài, nùs añ, mơ mbe lơh nàng at kơ̆ di bơta tùl gơla, jơl tus di tŭ añ sền gŏ bơta lơi la niam nàng jơi kòn mơnus in lơh hơđơm trồ do, tòm dô êt ngai tòm rài kis bol khai dê.

Cau Bơto 9:7

Lòt tĕ sa ƀañ mê dê dô bă hòn chò, mơ ñô tơrnòm dô bă hừh nùs; bơh Yàng Tom Trồ dòp ală broă lơh mê dê neh jŏ jòng rau.

Esai 23:18

Mơya ală phan kă bro mơ jền tơngai khai dê rơp geh ơn Yàng Jehôwa in, cồng nha gơ rơp ò geh prap lòi tòm đam. Mơya phan mơna khai geh rơp ai ală cau ơm di đap Yàng Jehôwa nàng bol khai geh tơngkah tơngkañ phan sa mơ phan soh.

Esai 24:11

Gơs cau hòi driau tòm gùng bơh siơ̆u tơrnòm; jơh ală bơta chò hòp gơlik bơta moat jrùng; jơh ală bơta hòn chò hơđang plai ù gơkòl sang lòi.

Mathiơ 17:27

Mơya tồ bol he ò lơh kai gơtup tìs bol khai in, gen lòt tĕ đàr ka tòm dàlềng, kup ka lơi mê geh lài. Mê tè bơr gơ gen rơp gŏ dô đong priă, ai tĕ mơ boh dia Añ mơ mê in.”

Mathiơ 19:21

Yàng Jesu đơs mơ khai lah: “Dilah mê kòñ gơs wil tơl, gen lòt tĕ tac jơh ală phan mơna mê dê mơ tòmpà cau rƀah lơòi in, gen mê rơp geh phan màng hơđang trồ; lồc behơ̆ tus tĕ jat Añ.”

Luka 12:19

Añ rơp đơs mơ hwềng soàn añ lah: Ơ hwềng, mê neh gơs oă phan mơna prap lòi oă sơnam in; rlô bòl tĕ, sa, ñô, mơ chò hòp lă.’

Luka 16:9

Añ đơs mơ bol mê, ngui tĕ priă jền ò song ring nàng jòi lơh oh mi bơyô, tồ tŭ gơ neh jơh gen bol khai wă rò bol mê mut tòm hìu gam sùm sùm.

Luka 8:3

Jana bau ùr Cusa, la cau at bồ hìu Herôt dê, Susan, mơ oă cau ndai, la ală cau neh ngui phan mơna bol khai dê nàng duh broă Kơnràñ.

Broă 11:29

Ală cau bơtê lơh nền, kòp nă jat be pràn is he, mơ pơyoa phan dong kòl oh mi in tòm Jude.

Broă 2:45

Bol khai tac jơh phan mơna sre brê bol khai dê nàng tòmpà bal jat be bơta ngui sa kòp nă cau dê.

I Pier 4:3

Bơh lài òr oh mi neh sang tŭ tơngai lơh tơl ală bơta be cau làng bol bơdìh kòñ lơh, hơ̆ la kis tòm bơta bung jang, hàm kòñ jat poac să, bơñul lơmbè, sơlồng sơlàng, gơlềng gơlàng mơ duh rùp ràk cù kìr.

Ală Kwang Cahrña 14:10

Bèp khai mù tus hơ hìu cau ùr hơ̆, mơ tềng hơ̆ Samsôn yò dô bơta ñô sa jat be ală cau pơnu òs lơh.

Ală Kwang Cahrña 9:13

Mơya tòm ño đơs mơ bol gơ lah: ‘Añ rơp sang lòi tơrnòm ño añ jê la bơta lơh chò hòp ală yàng mơ kòn mơnus in nàng lòt tơnwañ hơđang ală chi ơ?’

I Samuel 25:36

Tòm tŭ Abigail rê tus hơ Nabal; Nabal bơñul oă ngan, ơm ñô sa tòm hìu khai dê be bơta ñô sa dờng cau bơtau dê. Nùs Nabal dê hòn chò ngan tòm khai. Behơ̆ Abigail ò đơs jơnau lơi mơ khai jơl tus di ngai hìng.