Cau Bơto 1:16 - Sră Goh 2018

¹⁶ Añ đơs tòm nùs lah: “Do, añ neh geh bơta jak chài dờng rlau mơ jơh ală cau lài mơ añ tòm Jerusalem; ngan nùs añ neh git làm oă bơta jak chài mơ bơta git jak.”

Cau Bơto 1:16 Mawu Ofanana

I Ală Bơtau 10:7

mơya añ ò dòn ală jơnau yal hơ̆ jơl tus di tŭ añ neh tus mơ sền gŏ gơ mơ mat tòm añ jê; ò tus di nggùl ală bơta cau neh yal añ in! Bơta jak chài mơ bơta pas gơs bơtau dê oă rlau ngan mơ jơnau yal añ neh kơno.

I Ală Bơtau 4:30

Bơta jak chài Salômôn dê la dờng rlau mơ bơta jak chài jơh ală cau ơm đah mattơngai lik, mơ dờng rlau mơ bơta jak chài jơh ală cau Ejiptơ dê.

I Ală Bơtau 5:9

Ală cau duh broă añ jê rơp cèng tơmù gơtòm dàlềng bơh di Liban, añ rơp kơt gơ bal dô bă mơ lòi dàlềng pơrdô tus dê tiah lơi bơtau rơp sơnio. Añ rơp hồ che kơt gơ tềng hơ̆, nàng bơtau cèng gơ bơh hơ̆. Mơ bơtau rơp lơh jat bơta añ kòñ mơ rcang sir phan sa hìu nhă añ in.”

II Ală Bơtau 5:20

Gehaji, cau dong broă Elise cau Yàng Tom Trồ dê, đơs is tòm nùs lah: “Cau tòm añ neh lòi gòi Naaman, cau Aram in, ƀuơn ir, bơh ò dòp phan lơi khai neh ơn. Añ sơnio Yàng Jehôwa gam kis sùm, añ rơp ntoat jat khai mơ dòp phan lơi bơh di khai.”

II Yal Yau 2:12

Mơ Hiram cih bơtơl lah: “Pal jòng ro Jehôwa Yàng Tom Trồ Israel dê la Bơtau neh crơng gơs trồ mơ tiah! Kơnràñ neh ai bơtau Dabit in dô nă kòn klau jak chài, ai khai in bơta git jak mơ bơta git sền sơwì, la cau rơp bơt dô nơm hìu duh khoai Yàng Jehôwa in mơ dô nơm gơlang să tòm khai in.

Đơs Crih 4:4

Dilah gơs bơta gơjrañ, gen bañ tìs glài; Hơđang cơnòng bic he dê, kơlôi sơnơng tĕ tòm nùs mơ ơm mŏ mŏ. (Selah)

Đơs Crih 77:6

Tòm trồ mang añ đơs is tòm nùs añ; Añ kơlôi sơnơng is, mơ hwềng nùs añ lùp lah:

Cau Bơto 2:1

Añ đơs mơ să tòmlah: “Tŭ do tus tĕ, añ rơp lơh dô bơta lòng niam nùs mơ lơh hòn chò să tòm mê in.” Mơya dô dơ̆ tai, bơta hơ̆ kung la roh lơm.

Cau Bơto 2:15

Gen añ neh đơs mơ să tòm añ lah: Bơta neh gơlik tus cau gơla in, rơp gơlik tus añ in sơl; gen ñchi bơh tài añ neh gơs bơta jak chài oă ir taih? Mơ añ đơs mơ să tòm añ lah: Bơta hơ̆ kung la dô bơta roh lơm.

Cau Bơto 2:9

Behơ̆ añ gơlik gơs dờng màng rlau mơ jơh ală cau lài mơ añ tòm Jerusalem; bulah behơ̆, bơta jak chài añ jê kung gam ơm bal mơ añ.

Cau Bơto 3:17

Gen añ đơs tòm nùs lah: “Yàng Tom Trồ rơp cahrña cau song ring mơ cau iơh bơsak; bơh gơs bơta lơh nền tŭ tơngai kòp broă mơ kòp bơta in.”

Jeremi 22:14

La cau đơs lah: ‘Añ rơp bơt dô nơm hìu dờng, Gơs ală ơdŭ ơnàng hơđang;’ Gơs ală mpồng dềt, Pơng dơrñang mơ mpàn chi pơnàng, Mơ pih dà pơrhê.

Daniel 4:30

gen khai ai jơnau đơs lah: “Do ò di la Babilôn dờng mơ añ neh bơt bơtào bơh gơnoar pràn añ jê nàng lơh gơs ƀòn tòm bơtau dê, mơ ràng tơlik bơta gơklŏ ryŭ ryơm añ jê ơ?”

Hebrơ 5:14

Mơya phan sa kơldang gen lòi ală cau neh dờng in, la ală cau kơnòm di bơta lơh jat mơ bơtê git bơta chài rgơi nàng cah is bơta niam mơ bơta iơh.