Broă 4:2 - Sră Goh 2018

² Bol khai sơềt sơềl tòm nùs bơh bàr nă cau gơnoar bơto dờng bơto làng bol mơ yal bơh Yàng Jesu gơs bơta kis wơl bơh bơta chơt, bơta hơ̆ lơh cơng lah cau chơt rơp geh kis wơl.

Broă 4:2 Mawu Ofanana

Nehemi 2:10

Mơya tòm tŭ Sanbalat, cau Hôrôn mơ Tôbiah cau Ammôn dê kơno bơta hơ̆, bol khai sơềt sơềl oă ngan, bơh gơs cau ƀà tus nàng jòi bơta lơngap lơngai làng bol Israel.

Broă 13:45

Mơya tòm tŭ gŏ mpồl làng bol oă gen ală cau Juda gơs bềng nùs ƀoah gơjrañ, tòmdră mơ jơnau bơto Pol dê mơ srat rma.

Broă 17:18

Gơs ală cau bơto tòm mpồl cau Epikurien mơ cau Stoic kung tòm pơndang mơ khai. Cau ƀà lùp lah: “Ñchi cau jak đơs do kòñ đơs taih?” Cau ƀà tai đơs lah: “Gơlơh be khai bơto yal bơh ală yàng lơgar bơdìh,” tài bơh Pol bơto yal Jơnau Niam bơh Yàng Jesu mơ bơta kis wơl.

Broă 19:23

Tòm tŭ hơ̆ gơlik gơs sơlồng sơlàng dờng ngan tòm Ephesô tài bơh Gùng Duh Khoai Yàng.

Broă 24:21

dilah gơs gen mìng dô sèng añ hòi driau tòm tŭ ntào di đap bol khai lah: ‘Hơ̆ la tài bơh bơta kis wơl cau chơt dê tàng ngai do añ kong cahrña di đap ală ồng.’”

Broă 26:23

hơ̆ la Bơtau Krist pal kong jê sồt, mơ la cau sơnròp ngan kis wơl bơh bơta chơt nàng bơto yal bơta àng, bơta dong klàs cau Juda mơ cau làng bol bơdìh in sơl.”

Broă 26:8

Ñchi bơh tài ală ồng ơm tềng do kơlôi ò rgơi dòn lah Yàng Tom Trồ lơh cau chơt in kis wơl taih?

Broă 3:15

Ală oh mi neh tơnchơt Bơtau Tòm ryas bơta kis dê mơ Yàng Tom Trồ neh lơh kis wơl bơh bơta chơt, mơ bol hi la cau lơh cơng bơta hơ̆.

Broă 5:17

Tŭ hơ̆ cau gơnoar dờng lam bồ ơn phan duh khoai mơ ală cau jat khai, hơ̆ la bơnòr cau Saduse, ñă ntào bềng nùs ƀoah gơjrañ di cau gơnoar bơto dờng,

Rôma 8:11

Dilah Yàng Hwềng Goh bơh Bơtau neh lơh Yàng Jesu in kis wơl bơh bơta chơt ơm tòm oh mi, gen Bơtau neh lơh Yàng Krist Jesu in kis wơl bơh bơta chơt kung rơp kơnòm di Yàng Hwềng Goh Kơnràñ dê ơm tòm oh mi nàng lơh să jan òs chơt oh mi dê geh kis sơl.

I Kôrintô 15:23

Mơya jat bơta rơndap kòp nă is he dê: Bơtau Krist la plai bồ sơnam, gen ală cau gơrê bal mơ Bơtau Krist rơp kis wơl tòm tŭ Kơnràñ tus wơl.