Broă 3:16 - Sră Goh 2018

¹⁶ Bơh bơta dòn tòm sơnđan Kơnràñ neh lơh cau do in pràn kơldang la cau ală oh mi gŏ mơ git; bơh sơnđan Kơnràñ mơ bơta dòn di Yàng Jesu neh lơh cau do in geh bơta pràn kơldang wil tơl be jơh ală oh mi neh gŏ.

Broă 3:16 Mawu Ofanana

Mathiơ 14:29

Kơnràñ đơs lah: “Tus tĕ.” Pier lik bơh ơhò lòt hơđang nha dà tus hơ Yàng Jesu.

Mathiơ 9:22

Yàng Jesu wơlke, gŏ khai gen đơs lah: “Ơ kòn ùr, kơ̆ tĕ nùs, bơta dòn ai dê neh sơmbòi ai.” Gen cau ùr hơ̆ geh bòi mo bơh di jơ hơ̆.

Jang 14:12

Di ngan, di ngan, Añ đơs mơ bol mê, cau lơi dòn Añ, gen rơp lơh ală broă Añ lơh sơl; mơ khai rơp lơh ală broă dờng rlau tai, tài bơh Añ rê wơl hơ Bèp.

Jang 7:23

Dilah cau klau kong siat gơltau tòm ngai Saƀat tồ ò tìs mơ bơta boh lam Môise dê, gen ñchi bơh tài bol mê gơjrañ di Añ, bơh Añ sơmbòi wil tơl dô nă cau tòm ngai Saƀat taih?

Broă 14:9

Khai iat jơnau Pol bơto yal. Pol sền trol di khai, gŏ khai gơs bơta dòn nàng geh sơmbòi,

Broă 16:18

Khai kư̆ lơh sùm behơ̆ tòm oă ngai, Pol gơlơh sơềt sơềl ngan tòm nùs, gen wơlke đơs mơ hwềng iơh lah: “Añ ai sơnđan Yàng Jesu Krist sồr mê lik tĕ bơh di cau ùr do.” Gen tòm jơ hơ̆ mo hwềng iơh lik bơh di khai.

Broă 3:6

Mơya Pier đơs mơ khai lah: “Añ ò gơs dô êt lơi màh priă, mơya bơta añ gơs añ ai mê in: Ai sơnđan Yàng Jesu Krist Cau Nasaret, ntào lòt tĕ!”

Broă 3:8

Khai sơnđoh, ntào song mơ lòt, mut bal mơ bol hơ̆ tòm hìu duh khoai, lòt ndang sơnđoh ndang mơ jòng ro Yàng Tom Trồ ndang.

Broă 4:10

behơ̆ jơh ală ồng mơ jơh làng bol Israel git tĕ lah hơ̆ la ai sơnđan Yàng Jesu Krist Cau Nasaret mơ ală ồng neh pơng di chi pơng mơ Yàng Tom Trồ neh lơh kis wơl bơh bơta chơt, hơ̆ la kơnòm di Bơtau hơ̆ tàng cau do geh pràn kơldang tŭ do ơm ntào di đap ală ồng.

Broă 4:30

Dan Kơnràñ pò tơlik tê nàng sơmbòi, mơ lơh ală bơta krơi tềl is bơh sơnđan Cau Duh Broă sàng goh Kơnràñ dê la Yàng Jesu.”

Broă 4:7

Bol khai kup Pier mơ Jang ntào digùl mơ khào lùp lah: “Bơh gơnap gơnoar lơi hala bơh sơnđan lơi mơ bol mê lơh bơta do taih?”

Rôma 3:22

Hơ̆ la bơta song ring Yàng Tom Trồ dê bơh bơta dòn tòm Yàng Jesu Krist mơ ai jơh ală cau lơi in dòn. Ò gơs cah is cau lơi,

I Kôrintô 13:2

Bulah añ geh bơta ai gòi đơs hwơr mơ git jơh ală bơta ndơp ndơr mơ jơh ală bơta git jak, bulah añ gơs bơta dòn dờng tian gơs sồr mơnơm ntruñ kung di sơl, mơ dilah ò gơs bơta kòñ gơboh gen añ gơlik ò kwơ.

Yal Wơl 32:4

Kơnràñ la Pơnai Lŭ, broă lơh Kơnràñ dê la wil tơl, mơ jơh ală gùng dà Kơnràñ dê la song ring. Yàng Tom Trồ Bơtau dòn song, ò blac pơrlồm, Kơnràñ la Bơtau song ngan mơ song ring;