Broă 26:6 - Sră Goh 2018

⁶ Tŭ do, añ ntào tềng do mơ kong cahrña tài bơh añ gơn kơnòm di jơnau Yàng Tom Trồ neh ho pơgon mơ ồng pàng bol hi.

Broă 26:6 Mawu Ofanana

Sơnròp Gơlik Gơs 12:3

Añ rơp ai lơngai ală cau lơi ai lơngai mê in, srat rma ală cau lơi srat rma mê, mơ jơh ală làng bol tòm làm ù, rơp geh lơngai bơh dê mê.”

Sơnròp Gơlik Gơs 22:18

Bơh mê neh lơh jat jơnau Añ, gen ală làng bol tòm lơgar dunnia rơp kơnòm di jơi bơtiàn mê mơ geh bơta lơngai.”

Sơnròp Gơlik Gơs 26:4

Añ rơp bơtơl jơi bơtiàn mê in oă be sơmañ hơđang trồ, rơp ai bol khai in jơh ală ù tiah do, jơh ală làng bol tòm dunnia rơp kơnòm di jơi bơtiàn mê mơ geh lơngai,

Sơnròp Gơlik Gơs 3:15

Añ rơp lơh mê mơ cau ùr in, jơi bơtiàn mê mơ jơi bơtiàn cau ùr in tòm gơjrañ bal. Khai rơp jă dê bồ mê, mơ mê rơp kap kơndòl jơng khai.”

Sơnròp Gơlik Gơs 49:10

Gai gơnap gơnoar bơtau dê ò gơtă bơh di Juda, Gai jra cau at bồ ò ngài bơh di jơng khai, Tus di tŭ Bơtau Silô tus, Mơ ală làng bol dòn duh Kơnràñ.

Đơs Crih 132:11

Yàng Jehôwa neh srat să ho nền mơ Dabit, Kơnràñ rơp ò tŭ lơi tòmgơl, mơ đơs lah: “Añ rơp ơn hơđang sơbàn mê dê dô nă kòn tòm mê dê.

Đơs Crih 132:17

Tềng hơ̆ Añ rơp lơh ngke Dabit dê gơhòn dờng; Añ neh rcang dô nơm ồs đèng cau geh bong mơñà Añ jê.

Đơs Crih 98:2

Yàng Jehôwa neh yal pơnro bơta pha lin rlau Kơnràñ dê, Mơ ràng tơlik bơta song ring Kơnràñ dê di đap ală lơgar.

Esai 4:2

Tòm ngai hơ̆, ntê Yàng Jehôwa dê rơp hàng mơnĕ mơ gơklŏ, plai đo ù tiah dê rơp lơh gơs bơta jòng să mơ bơta gơklŏ ală cau in gam kis tòm Israel dê.

Esai 7:14

Gen tàng, să tòm Yàng Jehôwa rơp ai bol mê in dô nơm tềl krơi: Ne, dô nă cau ơruh rơp bun mơ deh dô nă kòn klau, mơ rơp tơmoh sơnđan la Emmanuel.

Ejekiel 21:27

Dô gơnru tơrlah tơrling! Dô gơnru tơrlah tơrling! Añ rơp lơh gơ in gơlik gơs dô gơnru tơrlah tơrling! Gơ rơp ò geh bơt wơl tai jơl tus di tŭ tus Bơtau mơ khai gơrê bal dô bă di pal; Añ rơp jào gơ Bơtau hơ̆ in.’

Ejekiel 37:24

Cau duh broă Añ jê la Dabit rơp lơh gơs bơtau at bồ hơđang bol khai mơ jơh tơl nă bol khai rơp gơs mìng dô nă cau ê lơm. Bol khai rơp cơnđòa lòt jat ală bơta boh lam Añ jê mơ kơrhia prap gàr ală bơta sồr lam Añ jê.

Sră Ôse 3:5

Tơnơ̆ mơ hơ̆, làng bol Israel rơp rê wơl jòi jat Jehôwa la Yàng Tom Trồ bol khai dê, mơ Dabit la cau bơtau bol khai dê. Tòm ală ngai lồi dut bol khai rơp rngòt rơm să mơ rê wơl hơ Yàng Jehôwa, mơ dòp geh bơta lơngai lơngò Kơnràñ dê.

Jôel 2:32

Gen cau lơi hòi dan di sơnđan Yàng Jehôwa rơp geh dong klàs; bơh hơđang mơnơm Siôn mơ tòm Jerusalem rơp gơs ală cau geh dong tă, jat be jơnau Yàng Jehôwa neh đơs: mơ digùl ală cau gam wơl, bol khai la ală cau rơp geh Yàng Jehôwa hòi.

Apdia 1:21

Ală cau neh geh dong tă rơp guh hơđang mơnơm Siôn nàng at bồ mơnơm Esau dê. Mơ lơgar bơtau rơp gơrê bal mơ Yàng Jehôwa.

Mice 5:2

Mơya mê, ơ Betlehem Ephrata, mê la dềt tòm mpồl hìu nhă Juda dê, mơya bơh di mê rơp tơnggơs añ in dô bơtau at bồ Israel, tòm ryas Kơnràñ dê la bơh tòm rài yau, bơh ală tŭ tơngai rài yau òr.

Mice 7:20

Kơnràñ rơp yal tơlik bơta dòn song mơ Jakôp, mơ yal tơlik bơta song ngan mơ Abraham, jat be Kơnràñ neh ho pơgon mơ ồng pàng bol he dê, bơh tòm ală ngai yau òr.

Sacari 13:1

Tòm ngai hơ̆ rơp gơs dô nơm croh dà gơ pò hìu Dabit mơ làng bol Jerusalem in, nàng rào goh bol khai bơh tồi glài mơ bơta ƀơ̆ ƀơl.

Sacari 13:7

Yàng Jehôwa Gơnap Gơnoar Dờng Làm Jơh đơs lah: “Ơ đào, kah rngal tĕ tòmdră mơ cau ê belàt Añ jê, tòmdră mơ cau neh lơh jơnau tòmkơt mơ Añ! Pù lơh tĕ cau ê belàt, mơ ală belàt rơp nrah nring, mơ Añ rơp tơrwơl tê tòmdră mơ ală kòn dềt.”

Sacari 6:12

Đơs tĕ mơ khai lah Yàng Jehôwa Gơnap Gơnoar Dờng Làm Jơh neh đơs be do: ‘Do la dô nă cau gơs sơnđan la Sơmbut Ntê Chi, mơ khai rơp lik bơh di tiah khai dê mơ bơt bơtào hìu duh khoai Yàng Jehôwa dê.

Sacari 9:9

Ơ kòn ùr Siôn, hòn chò hừh hơh tĕ! Ơ kòn ùr Jerusalem, driau dờng tĕ! Ne, Bơtau ai dê tus mơ ai, Kơnràñ la Bơtau pha lin mơ ai bơta pha lin rlau, pơndêt să mơ hào hơđang dô nơm alàng, dô nơm alàng kòn, kòn alàng me dê.

Malaci 3:1

“Do, Añ sồr cau kong sồr Añ jê, khai rơp rcang wàs gùng di đap Añ, mơ Yàng Jehôwa mơ bol mê jòi jat rơp nisơna tus tòm hìu duh khoai Kơnràñ dê. Hơ̆ la cau kong sồr bơta ho bal dê rơp tus, la cau mơ bol mê niam nùs, ngan Kơnràñ lòt tus, Yàng Jehôwa Gơnap Gơnoar Dờng Làm Jơh đơs behơ̆.

Malaci 4:2

Mơya đah pơnah bol mê la cau duh rngòt di sơnđan Añ, mattơngai bơta song ring dê rơp guh, mơ bơta sơmbòi kòp jê ơm tòm ală pơnđar gơ dê. Bol mê rơp lik lòt mơ sơnđoh kung be kơnrồ me lik bơh wàng gơ dê.

Broă 23:6

Dơ̆ Pol đal git tòm Mpồl Kwang Tơrña gơs dô êt nă la cau Saduse, dô êt nă tai la cau Pharisi, gen hòi driau lah: “Ơ oh mi, añ la cau Pharisi, la kòn cau Pharisi dê. Hơ̆ la tài bơh bơta gơn kơnòm bơh bơta kis wơl ală cau chơt dê tàng añ kong cahrña do.”

Broă 24:15

Añ gơs bơta gơn kơnòm di Yàng Tom Trồ kung be bol khai gơs sơl, hơ̆ la rơp gơs bơta kis wơl cau song ring mơ cau ò song ring dê.

Broă 24:21

dilah gơs gen mìng dô sèng añ hòi driau tòm tŭ ntào di đap bol khai lah: ‘Hơ̆ la tài bơh bơta kis wơl cau chơt dê tàng ngai do añ kong cahrña di đap ală ồng.’”

Broă 26:8

Ñchi bơh tài ală ồng ơm tềng do kơlôi ò rgơi dòn lah Yàng Tom Trồ lơh cau chơt in kis wơl taih?

Broă 28:20

Tài bơh hơ̆ tàng añ jà oh mi tus nàng tìp mat tòmbơhbơr bal, mơ hơ̆ la tài bơh Yàng la bơta gơn kơnòm làng bol Israel dê tàng añ kong cap mơ che sreng do.”

Broă 3:24

Jơh ală cau gơnoar hwơr neh đơs, bơh Samuel tus di ală cau tơrbŏ jat khai, tòm tŭ đơs hwơr kung neh bơto yal bơh ală ngai do sơl.

Rôma 15:8

Mơ añ đơs lah Bơtau Krist neh gơlik gơs cau duh broă cau kong siat gơltau in bơh jơnau song Yàng Tom Trồ dê, tồ lơh cơng tàng nền cê bơh ală jơnau ho pơgon neh ai ală ồng pàng bol he in,

Galati 4:4

Mơya tòm tŭ tơngai neh tus rau, Yàng Tom Trồ sồr Kòn Kơnràñ lòt tus, lik lìng bơh dô nă cau ùr, lik lìng ơm tòm gơnoar bơta boh lam dê,

Yal Wơl 18:15

Jehôwa Yàng Tom Trồ bol mê dê rơp bơtào tơngguh bol mê in dô nă cau gơnoar hwơr tòm toh kung be añ bơh digùl ală oh mi tòm bol mê dê. Bol mê pal iat jơnau khai dê.

Sră Pơyoa Pol Dê Pơyoa Tit In 2:13

tòm tŭ kơp gơn bơta gơn kơnòm lơngai lơngò, la bơta tơlik mat dô bă gơklŏ Yàng Tom Trồ dờng dê mơ Yàng Dong Klàs bol he dê la Yàng Jesu Krist,