Broă 24:26 - Sră Goh 2018

²⁶ Phelis kung kơp kòñ Pol ai priă loă khai, gen tàng hòi Pol sùm mơ tòmbơhbơr mơ khai.

Broă 24:26 Mawu Ofanana

Jơnau Pơnđik 17:23

Cau iơh bơsak leng òm phan sa loă, nàng lơh tìs ală gùng cahrña.

II Pier 2:3

Bol khai rơp bơh nùs hàm hà mơ ngui jơnau blac pơrlồm nàng sa kwì di oh mi, mơya bơta lơh nền glài di bol khai bơh lài òr ò di òbat tus, mơ bơta roh rui ơm gơn bol khai kung be cau ò bic.

I Kôrintô 6:9

Ngan oh mi ò git lah ală cau ò song ring ò geh pơrdòn lơgar Yàng Tom Trồ dê. Bañ pơrlồm să he, ală cau rềs àr, cau duh rùp ràk, cau bơrnàn, cau klau dri tơlàr,

Broă 24:17

Tơnơ̆ mơ tŭ oă nam ơm ngài bơh Jerusalem, añ rê wơl tềng hơ̆ cèng priă làng bol añ in, mơ ơn phan duh khoai.

Mice 7:3

Jơh bàr đah tê bol khai chài rgơi lơh bơta iơh. Kwang at bồ mơ kwang cahrña lùp ală phan sa loă, cau gơs gơnoar pràn sồr ai phan lơi bol khai kòñ; bơta song ring bol khai dê la bơta rkwet rkwe.

Mice 3:11

Ală cau kwang lam bồ gơ dê cahrña bơh sa loă, ală cau gơnoar ơn phan duh khoai gơ dê bơto sồr bơh jền priă, mơ ală cau gơnoar hwơr gơ dê đơs hwơr bơh priă; bulah behơ̆ bol khai kơnòm di sơnđan Yàng Jehôwa mơ đơs lah: “Ngan gơs Yàng Jehôwa ơm digùl bol he, bơta rung rài rơp ò tus hơđang bol he!”

Sră Ôse 4:18

Tòm tŭ phan ñô bol khai dê neh jơh, bol khai lòt jat bơta ñô sa bơñul lơmbè tòm bơta rềs àr; bol khai kòñ gơboh bơta rềs àr rlau mơ bơta gơklŏ.

Ejekiel 33:31

Bol khai tus mơ mê jat be bol khai òs tus; bol khai nggui di đap mê mơ iat ală jơnau mê dê, mơya bol khai ò bài lơh jat ală jơnau hơ̆. Bơr bol khai yal tơlik bơta dòn duh, mơ nùs bol khai ya hàm hà cồng nha ò song ring.

Ejekiel 22:27

Ală kwang at bồ bol khai dê la kung be so rhao kap crè phan kup geh, bol khai lơh gơtuh mhàm mơ tơnchơt làng bol nàng dòp geh cồng nha ò song ring.

Esai 56:11

Bol khai la ală so jròk sa, bol khai ò gơs tŭ lơi hòm. Bol khai la ală cau ê belàt ò gơs bơta git wă; Jơh ală bol khai lòt jat gùng is bol khai dê, kòp nă jòi cồng nha is he in, cau lơi kung behơ̆ lơm.

Esai 33:15

Hơ̆ la cau lơh lòt song ring, đơs jơnau di ngan, sền òsơp di phan sa kwì, ò bài dòp phan sa loă, sềt tồr ò bài iat bơta bơyai lơh gơtuh mhàm, ñềm mat ò bài sền gŏ bơta iơh.

Esai 1:23

Ală cau kwang at bồ ai dê la cau pơrlơ̆ dră, lơh yô mơ cau ntung kơñau, jơh tơl nă bol khai hàm kòñ phan sa loă, mơ jòi ală phan ai gòi. Bol khai ò dong tò cau kòn đòi, ò pơnring bơta cau yă cau ùr bơnrau.

Jơnau Pơnđik 29:4

Cau bơtau kơnòm di bơta song ring mơ lơh lơgar bơtào kơ̆; mơya cau lơi dòp phan sa loă phà tơnroh gơ.

Jơnau Pơnđik 19:6

Gơs oă cau jòi bơta nđàc cau dờng ơnàng; mơ kòp nă cau la cau bơyô cau jak pà phan dê.

Jơnau Pơnđik 17:8

Phan sa loă tòm toh be dô nơm lŭ đèk di đap cau lơi geh gơ; Bulah gơpơrlac đah lơi, kung geh bơtoah.

Sră Jop 15:34

Bơh mpồl cau ò duh rngòt rơp kơnền, Mơ ồs rơp sa pơrguc sàl cau sa kwì.

II Yal Yau 19:7

Tŭ do, duh rngòt tĕ di Yàng Jehôwa mơ kơrhia tĕ tòm bơta cahrña, bơh Jehôwa Yàng Tom Trồ bol he dê ò dòp bơta ò song ring hala bơta ò ring bal hala cau dòp phan sa loă.”

I Samuel 12:3

Do añ, lơh cơng tĕ tòmdră mơ añ di đap Yàng Jehôwa mơ di đap cau geh bong mơñà Kơnràñ dê. Añ neh kup kơnrồ cau lơi sơl? Añ neh kup alàng cau lơi sơl? Añ neh pơrlồm cau lơi sơl? Añ neh rồn bơklơn cau lơi sơl? Añ neh dòp phan loă nàng lơh jơngo mat añ jê bơh gơ sơl? Lơh cơng tĕ tòmdră mơ añ mơ añ rơp tơm wơl gơ bol mê in.”

I Samuel 8:3

Mơya ală kòn klau khai ò jat ală gùng khai dê, mơya wèt hơ cồng nha is, dòp phan sa loă, mơ lơh rkwet rkwe bơta song ring.

Yal Wơl 16:19

Bañ lơh ò tòm toh mơ bơta song ring hala dong tò dô đah lơi. Bañ dòp phan loă, bơh phan loă lơh jơngo mat cau jak chài mơ lơh rkwet rkwe ală jơnau cau song ring dê.

Lik Ejiptơ 23:8

Bañ dòp dô nơm phan loă, bơh phan loă lơh jơngo mat cau git wă, mơ lơh rkwet rkwe jơnau cau song ring dê.

Mathiơ 17:3

Ne, gơs Môise mơ Eli tơlik mat mơ tòmbơhbơr mơ Kơnràñ.