Broă 19:9 - Sră Goh 2018

⁹ Mơya tài bơh gơs ală cau kơldang nùs ò dòn, đơs iơh di Gùng Duh Khoai Yàng di đap mpồl làng bol, gen khai sang lòi bol hơ̆, cèng ală cau dòn mơ bơto bơyai kòp ngai tòm klòng bơtê Tirannus.

Broă 19:9 Mawu Ofanana

II Ală Bơtau 17:14

Mơya bol khai ò bài iat, bol khai kư̆ kơldang bồ, be ală ồng pàng bol khai dê ò dòn di Jehôwa Yàng Tom Trồ bol khai dê.

II Yal Yau 30:8

Bañ lơh kơldang bồ kơldang ngko be ală ồng pàng bol mê dê, wèt tĕ să tòm bol mê hơ Yàng Jehôwa. Lòt tus tĕ hơ Tiah Sàng Goh mơ Kơnràñ neh ơn is sàng goh gam sùm sùm. Duh tĕ broă Jehôwa Yàng Tom Trồ bol mê dê, tồ bơta gơjrañ dờng Kơnràñ dê rơp pleh ngài bơh bol mê.

II Yal Yau 36:16

Mơya bol khai ñŏ tơnhial di ală cau kong sồr Kơnràñ dê, sền òsơp di ală jơnau Kơnràñ dê, mơ bơtat bơtròh ală cau gơnoar hwơr Kơnràñ dê, tian gơs bơta gơjrañ dờng Yàng Jehôwa dê gơhào khuh dờng ngan tòmdră mơ làng bol Kơnràñ dê mơ ò gơs gùng lơi rgơi dong.

Nehemi 9:29

Kơnràñ kung neh pơrhơng nàng lam bol khai rê wơl hơ bơta boh lam Kơnràñ dê. Bulah behơ̆, bol khai neh lơh lòt dô bă pơnhừ să, ò lơh jat ală gơnoar sồr Kơnràñ dê, tìs glài mơ bơta sồr lam mơ dilah cau lơi lơh jat bơta hơ̆ gen khai geh kis. Bol khai kơldang nùs wèt ngkòi hơ Kơnràñ, kơldang bồ mơ ò bài dòn bơr.

Đơs Crih 95:8

Bañ kơldang nùs be tòm Meriba, Be tòm ngai tòm Masa tòm ƀlàng ngềt ngơt,

Jơnau Pơnđik 8:34

Lơngai cau lơi in iat jơnau añ, Kòp ngai drơng kơp di bơr mpồng añ, Mơ gơn di gah ală jrong mpồng añ.

Esai 8:14

Kơnràñ rơp gơlik gơs dô bă tiah sàng goh, dô pơnai lŭ lơh gơtup jơng jơh bàr nơm hìu Israel dê; Kơnràñ rơp gơlik gơs dô pơnai lŭ gơtup pừ; dô nơm dă mơ dô nơm bơtơng ală cau ơm tòm Jerusalem in.

Jeremi 19:15

“Yàng Jehôwa Gơnap Gơnoar, Yàng Tom Trồ Israel dê đơs be do: ‘Do, Añ rơp cèng bơta rung rài mơ Añ neh yal lài ƀòn dờng do in mơ ală ƀòn gơrê bal mơ gơ, bơh bol khai neh lơh ngko bol khai gơlik kơldang, ò bài iat ală jơnau Añ.’”

Jeremi 7:26

Mơya bol khai ò iat Añ, ò ơn tồr kơno, mơya lơh ngko bol khai kră kơldang. Bol khai lơh bơta iơh rmơh oă rlau mơ ồng pàng bol khai neh lơh.”

Mathiơ 15:14

Lòi tĕ dò bol khai; bol khai la cau jơngo mơ lam gùng. Dilah cau jơngo lam cau jơngo, gen jơh bàr nă rơp dùh tòm trồm tơrluh.”

Mathiơ 16:4

Jơi bơtiàn iơh bơsak rềs àr bơrnàn do dan dô nơm tềl krơi, mơya rơp ò ai bol khai in tềl krơi lơi rlau mơ tềl krơi Jôna dê.” Gen Kơnràñ lòi bol khai mơ lòt.

Mathiơ 26:55

Tòm jơ hơ̆ Yàng Jesu đơs mơ mpồl làng bol lah: “Bol mê at đào mơ gai tus kup Añ be kup cau phà ơ? Kòp ngai Añ neh nggui bơto sồr tòm hìu duh khoai mơ bol mê ò kup Añ.

Jang 12:40

“Yàng neh lơh mat bol khai jơngo, nùs bol khai kră kơldang, Rngòt mat bol khai sền gŏ, nùs bol khai git wă, Mơ gơjrañ sang glài, Nàng Añ sơmbòi bol khai in.”

Broă 11:26

mơ tòm tŭ neh jòi bàn rau, gen jun khai tus hơ Antiôt. Bàr nă bol khai pơjum bal mơ Hìu Jum Goh mơ bơto sồr oă cau tơl dô nam. Hơ̆ la tòm Antiôt cau rơp sơntòm sơnđan ală cau dòn la Cau Krist.

Broă 14:4

Mơya làng bol tòm ƀòn dờng cah is; mpồl do jat cau Juda, mpồl ne jat bàr nă cau gơnoar bơto dờng.

Broă 17:4

Gơs cau ƀà tòm bol hơ̆ geh bơto pơndòm jat Pol mơ Sila; kung gơs oă ngan cau Grek duh rngòt Yàng Tom Trồ, mơ gơs oă cau ùr pas ryŭ dòn Yàng sơl.

Broă 19:23

Tòm tŭ hơ̆ gơlik gơs sơlồng sơlàng dờng ngan tòm Ephesô tài bơh Gùng Duh Khoai Yàng.

Broă 19:30

Pol kòñ tơlik mat di đap làng bol mơya ală cau dòn ò ai.

Broă 20:31

Behơ̆, drơng kơp tĕ mơ kah wơl lah tòm pe nam, ngai mơ mang, añ hòr dà mat mơ bơto sồr tơl nă cau in ò dơh.

Broă 22:4

Añ neh kup kơryan Gùng Duh Khoai do jơl chơt, kup cap mơ cèng jàm ò kòp cau ùr hala cau klau.

Broă 24:21

dilah gơs gen mìng dô sèng añ hòi driau tòm tŭ ntào di đap bol khai lah: ‘Hơ̆ la tài bơh bơta kis wơl cau chơt dê tàng ngai do añ kong cahrña di đap ală ồng.’”

Broă 28:22

Bulah behơ̆ bol hi kòñ git mbe bi kơlôi, bơh pơnah đah gùng duh khoai do bol hi git lah cau đơs tòmsò tòm làm bă tiah.”

Broă 7:51

Ơ ală cau kơldang bồ, nùs mơ tồr ò siat gơltau ne! Ală ồng tòmdră sùm mơ Yàng Hwềng Goh; ồng pàng ală ồng dê be lơi gen ală ồng kung behơ̆ sơl!

Broă 9:2

nàng dan ală sră pơyoa ală hìu jum tòm Damas in, tồ dilah tìp cau lơi bal mơ Gùng Duh Khoai Yàng, cau klau hala cau ùr, gen khai cap cèng brê hơ Jerusalem.

Rôma 11:7

Behơ̆ gen mbe lơh taih? Bơta làng bol Israel jòi jat gen bol khai ò geh; ală cau geh sac rwah gen neh dòp geh, mơya ală cau gam wơl gơlik gơs kơldang nùs,

Rôma 9:18

Behơ̆ Kơnràñ gơs nùs nđàc sơngit di cau lơi gen nđàc sơngit, mơ kòñ lơh kơldang nùs cau lơi gen lơh.

I Kôrintô 16:9

bơh neh gơs dô nơm mpồng dờng ơnàng neh pò mơ gơs kwơ tòm broă añ in, mơ kung gơs oă cau sò tơm sơl.

I Timôthe 6:5

mơ bơta tòm pơndang bal ală cau gơs nùs kơlôi ƀơ̆ iơh, ò gơs jơnau song, sền bơta duh rngòt be la bơta jòi cồng nha.

II Timôthe 1:15

Mê git lah jơh ală cau ơm tòm lơgar Asi sang lòi añ; tòm mpồl hơ̆ gơs Phigelus mơ Hermôgen.

II Timôthe 3:5

đah bơdìh gơlơh be duh rngòt, mơya neh pơndang sang gơnap gơnoar bơta hơ̆ dê. Ală cau behơ̆ gen mê pleh tĕ ngài.

II Timôthe 4:2

Bơto yal tĕ jơnau Yàng, bơto sùm bulah bơtoah hala ò bơtoah, bơto pơndòm, lah pơrhơng, chồl bơtrut, jơh nùs kong ơt tòm bơta bơto sồr.

Hebrơ 3:13

Mơya tòm tŭ gam sơnđan la “Ngai do,” gen kòp ngai pal bơto tơngkah tĕ bal mơ gơp, rngòt gơs cau lơi digùl oh mi kòl tồi glài pơrlồm mơ gơlik kơldang nùs.

II Pier 2:12

Mơya bol khai kung be phan poan jơng ò gơs dơngoh kơlôi, mìng tơnggơs jat bơta òs, lòi cau in kup lơh poac; bol khai jak đơs bơrsèl tơnhial di ală bơta bol khai ò git wă, gen bol khai rơp kong tơnroh tòm bơta roh rui bal mơ bol gơ;

II Pier 2:2

Bulah behơ̆, gơs oă cau rơp jat ală bơta bung jang bol khai dê; tài bơh bol khai mơ gùng jơnau song rơp kong cau dơñŏ tơnhial.

Jude 1:10

Mơya ală cau do bơrsèl tơnhial di ală bơta bol khai ò git wă, ai ală bơta bol khai jat bơta òs mơ git kung be ală phan poan jơng ò gơs dơngoh kơlôi, gen bol khai kòl tơnroh bơh ală bơta hơ̆.