Broă 19:8 - Sră Goh 2018

⁸ Pol mut tòm hìu jum cau Juda, tòm pe kơnhai bơto yal dô bă khin cha, bơto bơyai mơ bơto pơndòm ală bơta bơh lơgar Yàng Tom Trồ dê.

Broă 19:8 Mawu Ofanana

Broă 1:3

Kơnràñ ai oă cơng tàng yal loh ală cau gơnoar bơto dờng in lah Kơnràñ neh kis, tơnơ̆ mơ tŭ neh kong chơt, mơ tơlik să mơ bol khai tòm poan jơt ngai, bơto yal ală bơta bơh lơgar Yàng Tom Trồ.

Broă 28:23

Tơnơ̆ mơ tŭ bol hơ̆ neh pơgon ngai tòmtìp mơ khai, gen lòt tus gal ngan tòm hìu khai ơpah ơm. Bơh drim jơl mho khai kư̆ bơto yal bol hơ̆ in, lơh cơng bơh lơgar Yàng Tom Trồ dê, mơ ai bơta boh lam Môise dê mơ ală sră cau gơnoar hwơr nàng bơto pơndòm bol hơ̆ bơh Yàng Jesu.

Jude 1:3

Ơ ală oh mi kòñ gơboh, tòm tŭ añ jơh nùs kòñ cih oh mi in bơh bơta dong klàs bal bol he dê, gen añ kơlôi la pal càng cih nàng bơto tơngkah oh mi lah pal jơh nùs tòmlơh tài bơh bơta dòn, la bơta neh jào ală cau sàng goh in dô dơ̆ tơl rau.

Broă 19:9

Mơya tài bơh gơs ală cau kơldang nùs ò dòn, đơs iơh di Gùng Duh Khoai Yàng di đap mpồl làng bol, gen khai sang lòi bol hơ̆, cèng ală cau dòn mơ bơto bơyai kòp ngai tòm klòng bơtê Tirannus.

Broă 18:19

Tus hơ Ephesô rau, gen Pol lòi bol khai ơm tềng hơ̆. Ai să tòm khai gen mut tòm hìu jum cau Juda tòmbơyai mơ ală cau Juda.

Broă 18:4

Kòp ngai Saƀat Pol bơto sồr tòm hìu jum cau Juda, mơ chồl pơndòm ală cau Juda mơ cau Grek.

Broă 17:17

Behơ̆, khai tòmbơyai bal mơ cau Juda tòm hìu jum cau Juda, bal mơ làng bol bơdìh duh khoai Yàng Tom Trồ, mơ ală cau lòt cau rê tòm ƀlàng drà kòp ngai.

Broă 14:1

Tòm Ikôni, Pol mơ Banaba mut bal tòm hìu jum cau Juda dê mơ bơto yal lơh oă ngan cau Juda mơ cau Grek dòn Yàng.

Broă 13:46

Chòp Pol mơ Banaba khin cha đơs mơ bol khai lah: “Sơnròp ngan pal bơto jơnau Yàng Tom Trồ oh mi in; mơya tài bơh oh mi neh pơndang sang, mơ sơwì is să he ò di pal dòp bơta kis gam sùm sùm, gen tàng tŭ do bol hi wèt wơl hơ làng bol bơdìh.

Broă 13:14

Bơh Perje bol khai kư̆ lòt gùng tus hơ Antiôt ƀòn dờng Pisidi; tus di ngai Saƀat, bol khai mut nggui tòm hìu jum cau Juda.

Broă 18:26

Khai sơntòm bơto yal dô bă khin cha tòm hìu jum cau Juda. Dơ̆ Prissil mơ Akila kơno khai bơto gen cèng khai rê hìu mơ bol khai, mơ yal Gùng Duh Khoai Yàng Tom Trồ dê tòm toh rlau tai khai in.

Broă 19:7

Jơh ală bol khai pơgap jơt bàr nă.

Broă 19:10

Broă hơ̆ lơh sùm tòm bàr nam, tian gơs jơh tơl nă cau Juda mơ cau Grek ơm tòm lơgar Asi làm kơno jơnau Yàng dê.

Broă 20:31

Behơ̆, drơng kơp tĕ mơ kah wơl lah tòm pe nam, ngai mơ mang, añ hòr dà mat mơ bơto sồr tơl nă cau in ò dơh.