Broă 15:4 - Sră Goh 2018

⁴ Tòm tŭ tus hơ Jerusalem, bol khai geh Hìu Jum Goh, ală cau gơnoar bơto dờng mơ ală cau kwang kra wă rò, lồc behơ̆ bol khai yal wơl jơh ală bơta Yàng Tom Trồ neh lơh kơnòm di bol khai.

Broă 15:4 Mawu Ofanana

Mathiơ 10:40

“Cau lơi wă rò bol mê, hơ̆ la wă rò Añ, mơ cau lơi wă rò Añ, hơ̆ la wă rò Bơtau neh sồr Añ lòt tus.

Broă 11:30

Bol khai lơh broă hơ̆, mơ pơyoa phan pà gòi ală cau kwang kra in kơnòm di Banaba mơ Sol.

Broă 14:27

Tòm tŭ tus tềng hơ̆, Pol mơ Banaba pơjum tơrgòm Hìu Jum Goh, yal wơl jơh ală broă Yàng Tom Trồ neh lơh bal mơ bol khai, mơ mbe lơi Kơnràñ neh pò mpồng bơta dòn cau làng bol bơdìh in.

Broă 15:12

Jơh mpồl jơnum dờng ơm mŏ mŏ iat jơnau Banaba mơ Pol yal wơl ală bơta krơi tềl is mơ Yàng Tom Trồ neh ngui bàr nă ồng lơh gơs digùl làng bol bơdìh.

Broă 15:2

Tŭ hơ̆, gơs bơta ò dô nùs bal mơ bơta tòm pơndang oă ngan gơlik gơs digùl Pol mơ Banaba bal mơ ală cau hơ̆. Gen tàng Pol mơ Banaba bal mơ dô êt cau tòm mpồl bol hơ̆ geh sac rwah guh hơ Jerusalem, lòt tus hơ ală cau gơnoar bơto dờng mơ ală cau kwang kra nàng lùp bơh broă do.

Broă 15:22

Tŭ hơ̆, ală cau gơnoar bơto dờng mơ ală cau kwang kra bal mơ jơh Hìu Jum Goh lơh nền sac ală cau bơh digùl bol khai mơ sồr lòt bal mơ Pol mơ Banaba tus hơ Antiôt; Bol khai sồr Jude kung sơnđan la Barsaba, mơ Sila, la bàr nă cau geh cau dòn sền dờng màng ryŭ rlau.

Broă 15:3

Behơ̆, tơnơ̆ mơ tŭ geh Hìu Jum Goh jun lòt gùng, bol khai lòt gan Phenesi mơ Samari, yal wơl bơta ală cau làng bol bơdìh rê wơl hơ Yàng Tom Trồ, lơh jơh ală cau dòn in geh hòn chò oă ngan.

Broă 15:6

Ală cau gơnoar bơto dờng mơ ală cau kwang kra pơjum bal nàng sền sơwì bơh broă do.

Broă 16:4

Tòm tŭ neh lòt làm ală ƀòn dờng, bol khai nting sồr ală cau dòn pal prap gàr ală bơta sồr lam neh geh lơh nền bơh ală cau gơnoar bơto dờng mơ ală cau kwang kra ơm tòm Jerusalem, mơ sồr bol khai pal lơh jat.

Broă 18:27

Tòm tŭ Apôlôs lơh nền lòt hơ lơgar Acai, gen ală cau dòn tòm Ephesô dong kòl khai cih sră pơyoa ală cau dòn in tòm Acai sồr wă rò khai. Tòm tŭ neh tus rau, gen khai dong kòl oă ngan ală cau neh kơnòm di bơta nđàc mơ gơlik gơs cau dòn.

Broă 21:17

Tòm tŭ bol hi tus hơ Jerusalem, gen ală cau dòn wă rò bol hi chò hòp ngan.

Broă 21:19

Pol còp să ală cau hơ̆ rau, gen yal wơl kòp bơta Yàng Tom Trồ neh kơnòm di gơnoar broă khai dê mơ lơh gơs digùl cau làng bol bơdìh.

Rôma 15:18

Bơh añ ò khin đơs bơh ală bơta ndai rlau mơ bơta Bơtau Krist kơnòm di añ lơh gơs nàng tề lam làng bol bơdìh tus hơ bơta dòn bơr, bơh jơnau đơs mơ broă lơh,

Rôma 15:7

Behơ̆ gen oh mi dòp rò tĕ bal mơ gơp, kung be Bơtau Krist neh dòp rò oh mi, tồ Yàng Tom Trồ in geh gơklŏ.

I Kôrintô 15:10

Mơya añ do la cau be lơi, hơ̆ la kơnòm di bơta nđàc Yàng Tom Trồ dê, mơ bơta nđàc Kơnràñ neh ai añ in ò di la ò kwơ. Pơrlơ̆ wơl, añ kong bòl glar lơh broă rlau jơh mơ bol hơ̆; mơya ò di la bơh añ, hơ̆ la bơh bơta nđàc Yàng Tom Trồ dê neh ơm mơ añ.

II Kôrintô 5:19

Bơh Yàng Tom Trồ neh ơm tòm Bơtau Krist, lơh dunnia in gơtòmsòr wơl mơ Kơnràñ, ò kòp bơta tìs glài bol khai dê bơh yau òr, mơ neh jào bol hi in gơnoar broă lơh cau in gơtòmsòr wơl.

II Kôrintô 6:1

Bơh bol hi lơh broă bal mơ Yàng Tom Trồ, gen dan oh mi bañ dòp leng bơta nđàc Yàng Tom Trồ dê dô bă ò kwơ.

Kôlôse 4:10

Aritak, la cau bơyô kong jàm bal mơ añ, còp să oh mi; Mak, la oh mi jơi bơtiàn bal mơ Banaba, kung behơ̆ sơl. (Bơh Mak gen oh mi neh dòp jơnau sồr rau dilah khai tus hơ oh mi, wă rò tĕ khai.)

II Jang 1:10

Dilah cau lơi lòt tus hơ oh mi mơ ò cèng bơta bơto sồr hơ̆, gen bañ rò khai mut tòm hìu, mơ bañ lùp còp khai;