Broă 14:1 - Sră Goh 2018

¹ Tòm Ikôni, Pol mơ Banaba mut bal tòm hìu jum cau Juda dê mơ bơto yal lơh oă ngan cau Juda mơ cau Grek dòn Yàng.

Broă 14:1 Mawu Ofanana

Jơnau Niam Jat Mak 7:26

Cau ùr hơ̆ la cau Grek, tòm jơi cau Sirô Phenisi. Khai rac dan mơ Yàng Jesu bơtrơh tơlik cà bơh di kòn ùr khai dê.

Jang 12:20

Tŭ hơ̆, tòm mpồl ală cau neh guh nàng duh khoai tòm bơta pơjum sa, gơs dô êt cau Grek.

Jang 7:35

Behơ̆ ală cau Juda đơs bal lah: “Ntềng đah Khai rơp lòt mơ he jòi ò bàn taih? Khai rơp lòt tus hơ ală cau Juda nrah nring tòm ƀòn cau Grek mơ bơto làng bol Grek sơl ơ?

Broă 11:21

Gơnap gơnoar Yàng ơm mơ bol khai, gen tàng gơs oă ngan cau dòn mơ rê wơl mơ Yàng.

Broă 13:43

Tòm tŭ bơta pơjum neh sir, gơs oă cau Juda mơ cau bơdìh neh jat gùng duh khoai cau Juda lòt jat Pol mơ Banaba; bàr nă bol khai tòmbơhbơr mơ bơto pơndòm bol khai kư̆ ntào kơ̆ sùm tòm bơta nđàc Yàng Tom Trồ dê.

Broă 13:46

Chòp Pol mơ Banaba khin cha đơs mơ bol khai lah: “Sơnròp ngan pal bơto jơnau Yàng Tom Trồ oh mi in; mơya tài bơh oh mi neh pơndang sang, mơ sơwì is să he ò di pal dòp bơta kis gam sùm sùm, gen tàng tŭ do bol hi wèt wơl hơ làng bol bơdìh.

Broă 13:5

Tus tòm Salamis, bol khai bơto yal jơnau Yàng Tom Trồ dê tòm ală hìu jum cau Juda dê, kung gơs Jang Mak dong broă bal.

Broă 13:51

Bàr nă bol khai rtuh thul di mpàng jơng nàng tòmdră di bol hơ̆, lồc behơ̆ lòt tus hơ Ikôni.

Broă 14:19

Tŭ hơ̆, gơs ală cau Juda bơh Antiôt mơ Ikôni lòt tus bơchồt mpồl làng bol, bol khai cơm lŭ di Pol, tồnlah khai neh chơt rau, gen hwài khai hơ bơdìh ƀòn dờng.

Broă 14:2

Mơya ală cau Juda ò dòn gen chồl bơchồt, lơh nùs cau làng bol bơdìh in kơlôi iơh di ală oh mi.

Broă 14:21

Tòm tŭ bàr nă cau gơnoar bơto dờng neh sir bơto Jơnau Niam tòm ƀòn dờng hơ̆ rau, mơ lơh oă cau gơlik gơs cau bơtê, gen rê wơl hơ Listrơ, Ikôni mơ Antiôt,

Broă 16:1

Pol tus hơ ƀòn dờng Derbơ mơ Listrơ. Tềng hơ̆, gơs dô nă cau bơtê sơnđan la Timôthe, kòn klau dô nă cau ùr Juda dê neh dòn Yàng, ai bèp khai la cau Grek.

Broă 16:2

Ală cau dòn ơm tòm Listrơ mơ Ikôni lơh cơng niam bơh Timôthe.

Broă 17:12

Oă cau tòm mpồl bol khai dòn Yàng, gơs ală cau ùr Grek pas ryŭ, bal mơ ală cau klau kung oă sơl.

Broă 17:17

Behơ̆, khai tòmbơyai bal mơ cau Juda tòm hìu jum cau Juda, bal mơ làng bol bơdìh duh khoai Yàng Tom Trồ, mơ ală cau lòt cau rê tòm ƀlàng drà kòp ngai.

Broă 17:4

Gơs cau ƀà tòm bol hơ̆ geh bơto pơndòm jat Pol mơ Sila; kung gơs oă ngan cau Grek duh rngòt Yàng Tom Trồ, mơ gơs oă cau ùr pas ryŭ dòn Yàng sơl.

Broă 18:4

Kòp ngai Saƀat Pol bơto sồr tòm hìu jum cau Juda, mơ chồl pơndòm ală cau Juda mơ cau Grek.

Broă 18:8

Tŭ hơ̆ Krispus la cau at bồ hìu jum cau Juda, bal mơ jơh hìu nhă khai dòn Yàng; kung gơs oă cau Kôrintô kơno Pol bơto gen dòn, mơ gơs ƀaptem.

Broă 19:10

Broă hơ̆ lơh sùm tòm bàr nam, tian gơs jơh tơl nă cau Juda mơ cau Grek ơm tòm lơgar Asi làm kơno jơnau Yàng dê.

Broă 19:17

Jơh tơl nă cau Juda mơ cau Grek ơm tòm Ephesô git broă hơ̆, gen rngòt rngơt; mơ sơnđan Yàng Jesu dê sơlo geh jòng ro.

Broă 19:8

Pol mut tòm hìu jum cau Juda, tòm pe kơnhai bơto yal dô bă khin cha, bơto bơyai mơ bơto pơndòm ală bơta bơh lơgar Yàng Tom Trồ dê.

Broă 2:47

jòng ro Yàng Tom Trồ mơ geh niam nùs jơh làng bol. Kòp ngai Yàng bơtơl tai tòm bol khai ală cau geh dong klàs.

Broă 20:21

Bơto tơnggit cau Juda kung be cau Grek in bơh bơta gơjrañ sang glài gơwèt hơ Yàng Tom Trồ mơ bơta dòn di Yàng Jesu Krist la Yàng bol he dê.

Broă 21:28

mơ hòi driau lah: “Ơ cau Israel, dong kòl tĕ! Do la cau neh bơto sồr làm jơh ƀòn lơgar nàng tòmdră mơ làng bol, tòmsò mơ bơta boh lam Môise, mơ hìu duh khoai do sơl; tian gơs khai kung lam cau Grek mut tòm hìu duh khoai, mơ lơh ngkòr ngkàc tiah sàng goh do.”

Broă 9:20

Sol ơm wơl tòm bàr pe ngai bal mơ ală cau bơtê tòm Damas. Khai bơto yal mo tòm ală hìu jum lah Yàng Jesu la Kòn Yàng Tom Trồ dê.

Rôma 1:16

Ngan behơ̆, añ ò ƀàssìl bơh Jơnau Niam ò, bơh la gơnap gơnoar Yàng Tom Trồ dê nàng dong klàs kòp nă cau dòn, lài la cau Juda, tơnơ̆ la cau Grek.

Rôma 10:12

Bơh digùl cau Juda mơ cau Grek ò gơs bơta lơi cah is, bơh Yàng la Yàng jơh tơl nă cau in, Kơnràñ ai pà tơngkah tơngkañ kòp nă cau hòi dan di Kơnràñ.

Galati 2:3

Bulah Tit la cau Grek neh lòt bal mơ añ, khai kung ò gơkòl bơklơn siat gơltau.

Galati 3:28

Ò tai gơs cau Juda hala cau Grek; ò tai gơs cau dĭ hala cau geh khat gơboh; ò tai gơs cau klau hala cau ùr; bơh tòm Yàng Krist Jesu jơh ală oh mi gơlik gơs dô bă bal lơm.

Kôlôse 3:11

Tềng do ò tai gơs cau Grek, cau Juda, cau siat gơltau hala cau ò siat gơltau, cau ò git jơnau, cau Sithe, cau dĭ gơna hala cau khat gơboh, mơya Bơtau Krist la jơh ală bơta mơ tòm jơh ală bơta.

II Timôthe 3:11

bơta kup kơryan, mơ bơta jê sồt bòl glar añ jê, la ală bơta neh gơtơntus di añ tòm Antiôt, Ikôni mơ Listrơ. Ală bơta kup kơryan hơ̆ añ neh kong lơm, mơya Yàng neh dong tă añ lik klàs jơh.