Broă 13:5 - Sră Goh 2018

⁵ Tus tòm Salamis, bol khai bơto yal jơnau Yàng Tom Trồ dê tòm ală hìu jum cau Juda dê, kung gơs Jang Mak dong broă bal.

Broă 13:5 Mawu Ofanana

I Ală Bơtau 19:21

Gen Elise rê wơl bơh tiah jat Eli, kup dô yô kơnrồ tơnchơt gơ, mơ ai ngal lơh lòng nàng gơm poac gơ, mơ yò gơ ală cau in sa. Gen khai ñă lòt jat Eli, mơ gơlik gơs cau duh broă Eli in.

I Ală Bơtau 19:3

Behơ̆ tàng, Eli rngòt ngan, khai ñă ntoat dô nàng dong klàs bơta kis khai dê, mơ lòt tus hơ Beerseba, gơrê mơ Juda, khai lòi cau dĭ gơna khai ơm tềng hơ̆.

II Ală Bơtau 3:11

Mơya Jehôsaphat đơs lah: “Tềng do ò gơs dô nă cau gơnoar hwơr lơi Yàng Jehôwa dê nàng bol he kơnòm di khai mơ lùp Yàng Jehôwa ò ơ?” Dô nă cau dĭ gơna bơtau Israel yal lah: “Tềng do gơs Elise, kòn klau Saphat dê, la cau tuh dà di tê Eli dê.”

Lik Ejiptơ 24:13

Gen Môise ntào bal mơ Jôsue la cau dong broă khai, mơ Môise guh hơđang mơnơm Yàng Tom Trồ dê.

Mathiơ 20:26

Mơya tòm bol mê gen ò di behơ̆ ò; gơpơrlơ̆ wơl, cau lơi kòñ gơs dờng, gen pal lơh gơs cau duh broă.

Broă 12:12

Tòm tŭ khai dòp git bơta hơ̆, gen lòt tus hơ hìu Mari, mè Jang dê, kung sơnđan la Mak, la tiah gơs oă cau pơjum bal mơ hòi dan.

Broă 12:25

Banaba mơ Sol neh lơh sir gơnoar broă he dê rau, gen bơh Jerusalem rê wơl hơ Antiôt cèng bal Jang, kung sơnđan la Mak.

Broă 13:14

Bơh Perje bol khai kư̆ lòt gùng tus hơ Antiôt ƀòn dờng Pisidi; tus di ngai Saƀat, bol khai mut nggui tòm hìu jum cau Juda.

Broă 13:46

Chòp Pol mơ Banaba khin cha đơs mơ bol khai lah: “Sơnròp ngan pal bơto jơnau Yàng Tom Trồ oh mi in; mơya tài bơh oh mi neh pơndang sang, mơ sơwì is să he ò di pal dòp bơta kis gam sùm sùm, gen tàng tŭ do bol hi wèt wơl hơ làng bol bơdìh.

Broă 14:1

Tòm Ikôni, Pol mơ Banaba mut bal tòm hìu jum cau Juda dê mơ bơto yal lơh oă ngan cau Juda mơ cau Grek dòn Yàng.

Broă 15:37

Banaba kòñ cèng Jang Mak lòt bal mơ bol khai.

Broă 17:17

Behơ̆, khai tòmbơyai bal mơ cau Juda tòm hìu jum cau Juda, bal mơ làng bol bơdìh duh khoai Yàng Tom Trồ, mơ ală cau lòt cau rê tòm ƀlàng drà kòp ngai.

Broă 18:4

Kòp ngai Saƀat Pol bơto sồr tòm hìu jum cau Juda, mơ chồl pơndòm ală cau Juda mơ cau Grek.

Broă 19:22

Khai sồr bàr nă cau dong broă khai la Timôthe mơ Erastus lòt lài hơ Masedoan, ai să tòm khai gen gam ơm tòm kơnhwàl Asia dô êt tai.

Broă 19:29

Jơh ƀòn dờng sơlồng sơlàng, bol khai dô nùs bal ntoat ràn ur òr tus hơ hìu tòmya kơnhơl, hwài Gaius mơ Aritak, cau Masedoan, la ală cau bơyô lòt bal mơ Pol.

Broă 19:8

Pol mut tòm hìu jum cau Juda, tòm pe kơnhai bơto yal dô bă khin cha, bơto bơyai mơ bơto pơndòm ală bơta bơh lơgar Yàng Tom Trồ dê.

Broă 9:20

Sol ơm wơl tòm bàr pe ngai bal mơ ală cau bơtê tòm Damas. Khai bơto yal mo tòm ală hìu jum lah Yàng Jesu la Kòn Yàng Tom Trồ dê.

Kôlôse 4:10

Aritak, la cau bơyô kong jàm bal mơ añ, còp să oh mi; Mak, la oh mi jơi bơtiàn bal mơ Banaba, kung behơ̆ sơl. (Bơh Mak gen oh mi neh dòp jơnau sồr rau dilah khai tus hơ oh mi, wă rò tĕ khai.)

II Timôthe 4:11

Gơs mìng dô nă Luka lơm ơm mơ añ. Cèng tĕ Mak lòt bal mơ mê, bơh khai gơs kwơ ngan añ in tòm gơnoar broă.