Broă 13:3 - Sră Goh 2018

³ Tơnơ̆ mơ tŭ neh sir ơt sa mơ hòi dan rau, bol khai ơn tê hơđang bàr nă bol hơ̆, lồc behơ̆ sồr lòt.

Broă 13:3 Mawu Ofanana

Khà Làng Bol 27:23

Gen khai ơn tê hơđang Eleajar mơ pồ bơtào jào broă khai in, jat be Yàng Jehôwa neh bơto tơnggit bơh Môise.

Luka 2:37

mơ do neh ơm bơnrau phàm jơt poan nam rau. Mò ò gơs tŭ lơi lik bơh di hìu duh khoai, ngai mơ mang kư̆ duh broă Yàng, ơt sào mơ hòi dan.

Broă 1:24

Lồc behơ̆ bol khai hòi dan lah: “Khoai Yàng, Kơnràñ git nùs tơl nă cau, dan Yàng sơnio bol hi in tòm bàr nă cau do, ñcau la cau Yàng neh sac rwah,

Broă 13:2

Tòm tŭ bol khai ơm duh khoai Yàng mơ ơt sa, gen Yàng Hwềng Goh đơs lah: “Ơn is tĕ Banaba mơ Sol tòm broă lơh Añ neh hòi sac bol khai.”

Broă 13:4

Geh Yàng Hwềng Goh sồr lòt, Sol mơ Banaba mù hơ Selơsi, bơh tềng hơ̆ hào ơhò tus hơ bồt pơlào Ciprus.

Broă 14:23

Tơnơ̆ mơ tŭ neh bơtào gơnoar broă ală cau kwang kra tòm kòp nơm Hìu Jum Goh, bàr nă cau gơnoar bơto dờng hòi dan, ơt sa rau, mơ jào ală cau hơ̆ Yàng in la Bơtau bol khai dòn kơnòm.

Broă 14:26

Bơh tềng hơ̆, bol khai hào ơhò tus hơ Antiôt, la tiah bơh lài bol khai geh jào bơta nđàc Yàng Tom Trồ in nàng lơh broă bol khai pa lơh sir.

Broă 15:40

Ai Pol gen lòt, tơnơ̆ mơ tŭ neh sac Sila, mơ kơnòm ală oh mi jào bol khai tòm bơta nđàc Yàng dê.

Broă 6:6

Bol khai tơlik mat poh nă cau hơ̆ di đap ală cau gơnoar bơto dờng, gen ală cau gơnoar bơto dờng hòi dan mơ ơn tê hơđang ală cau hơ̆.

Broă 9:17

Anania lik lòt, mut tòm hìu, gen ơn tê hơđang Sol mơ đơs lah: “Ơ bi Sol, Yàng la Yàng Jesu, neh tơlik să mơ bi tòm gùng bi lòt tus hơ do, neh sồr añ lòt tus tồ bi in geh àng mat wơl mơ geh bềng lìu Yàng Hwềng Goh.”

Rôma 10:15

Mơ dilah ò gơs cau geh sồr lòt, gen mbe rgơi bơto yal taih? Be neh cih lah: “Ală mpàng jơng cau bơto yal Jơnau Niam la hàng mơnĕ ò git lơh!”

I Timôthe 4:14

Bañ sang lòi bơta nđàc tòm mê, la bơta nđàc kơnòm di jơnau gơnoar hwơr, mơ bơta ơn tê mpồl cau kra dê neh ai mê in.

I Timôthe 5:22

Bañ sơrbac sơrbang ơn tê hơđang cau lơi, bañ ƀư di broă tồi glài cau ndai dê, kơrmap tĕ să he sàng goh.

II Timôthe 1:6

Tài bơh hơ̆, añ tơngkah mê tơrjik tĕ wơl bơta nđàc ai gòi Yàng Tom Trồ dê, la bơta nđàc mê neh dòp leng bơh bơta ơn tê añ jê.

II Timôthe 2:2

Ală bơta mê neh kơno bơh añ di đap oă cau lơh cơng, jào tĕ ală cau di pal gơn kơnòm in, la ală cau chài rgơi bơto sồr cau ndai.

III Jang 1:6

Bol khai neh lơh cơng bơh bơta kòñ gơboh bi dê di đap Hìu Jum Goh. Kơp kòñ bi dong kòl dô bă di pal mơ broă Yàng Tom Trồ dê tòm bơta lòt gùng bol khai dê, hơ̆ la niam ngan.

III Jang 1:8

Bol he kung pal dong kòl ală cau behơ̆ sơl, tồ bol he mơ bol khai lơh broă bal tòm jơnau song.