Broă 1:9 - Sră Goh 2018

⁹ Lồc Kơnràñ đơs ală jơnau hơ̆ rau, gen geh guh rê hơđang trồ tòm tŭ ală cau hơ̆ ơm tơnggòr sền, gơs mhwal mù rò Kơnràñ ndơp thit, bol khai ò gŏ tai.

Broă 1:9 Mawu Ofanana

Đơs Crih 68:18

Ơ Yàng, Kơnràñ neh guh hơđang mơnơm jòng, tề lam ală cau neh kòl jàm tòm rơndeh ồs Kơnràñ dê; Kơnràñ neh dòp phan ơn bơh digùl ală cau, tian gơs kung bơh digùl cau tòmdră di Yàng Jehôwa sơl, Jehôwa Yàng Tom Trồ rgơi ơm tềng hơ̆.

Lik Ejiptơ 19:9

Yàng Jehôwa đơs mơ Môise lah: “Añ rơp ơm tòm dô puk mhwal lơut ngan mơ tus hơ mê, nàng làng bol rơp kơno Añ đơs mơ mê, mơ dòn kơnòm di mê sùm.” Gen Môise yal wơl Yàng Jehôwa in ală jơnau làng bol neh đơs.

Lik Ejiptơ 34:5

Gen Yàng Jehôwa mù tòm dô puk mhwal, ntào di gah Môise tềng hơ̆ mơ khai mơ ai sơnđan Kơnràñ dê la: “Yàng Jehôwa.”

Esai 19:1

Dô jơnau đơs hwơr bơh Ejiptơ: “Ne, Yàng Jehôwa hào hơđang dô puk mhwal tus mhar hơ Ejiptơ. Ală rùp ràk Ejiptơ dê rơm să rngòt di đap Kơnràñ, mơ nùs cau Ejiptơ dê lề lac tòm bol khai.

Daniel 7:13

Tòm bơta gơtơnggŏ tòm trồ mang, Añ kung gŏ dô Bơtau gơs rùp să be Kòn mơnus tus digùl ală puk mhwal hơđang trồ. Kơnràñ guh tus hơ Bơtau Yau Òr, mơ geh tơlik mat di đap Bơtau hơ̆.

Jơnau Niam Jat Mak 16:19

Neh sir Yàng Jesu đơs mơ bol khai behơ̆ rau, gen geh guh rê hơđang trồ, mơ nggui đah ma Yàng Tom Trồ.

Luka 21:27

Tòm tŭ hơ̆, cau rơp gŏ Kòn Mơnus ai gơnap gơnoar dờng mơ bơta gơklŏ ryŭ ryơm ơm tòm mhwal mơ tus.

Jang 6:62

Behơ̆ dilah bol mê gŏ Kòn Mơnus guh hơ tiah Kơnràñ neh ơm lài òr, gen mbe bol mê rơp lơh taih?

Broă 1:11

mơ đơs lah: “Ơ cau Galile, ñchi bơh tài bol mê ntào tơnggòr sền hơđang trồ behơ̆ taih? Jesu do neh geh guh rê hơđang trồ bơh digùl bol mê, gen kung rơp rê wơl be bol mê neh gŏ Kơnràñ guh rê hơđang trồ hơ̆ sơl.”

Broă 1:2

jơl tus di ngai Kơnràñ geh guh rê hơđang trồ, tơnơ̆ mơ tŭ Kơnràñ kơnòm di Yàng Hwềng Goh nàng bơto sồr ală cau gơnoar bơto dờng Kơnràñ neh sac rwah.

I Tesalônika 4:17

Gen bol he la cau kis mơ gam ơm wơl rơp geh guh bal mơ ală cau hơ̆ tòm mhwal nàng tìp mơ Yàng hơđang pah gòi. Behơ̆ bol he rơp ơm bal mơ Yàng sùm sùm.

I Timôthe 3:16

Cau lơi kung dòp lah bơta ndơp ndơr bơta duh rngòt dê la dờng ngan: Bơtau neh geh yal tơlik tòm poac să, Neh geh Yàng Hwềng kòp la song ring, Neh geh cau gơnrơh sền gŏ, Neh geh bơto yal ală làng bol in, Neh geh dunnia dòn dòp, Neh geh cèng tơngguh tòm bơta gơklŏ.

Yal Tơlik 1:7

Ne, Kơnràñ ơm tòm mhwal mơ tus, mơ jơh ală gar mat rơp gŏ Kơnràñ, ală cau neh hwit Kơnràñ kung gŏ sơl; mơ jơh ală jơi bơtiàn tòm plai ù rơp ñìm rac bơh Kơnràñ. Ngan behơ̆. Amen.

Yal Tơlik 11:12

Chòp bàr nă cau hơ̆ kơno dô jơnau dờng bơh đang trồ đơs mơ bol khai lah: “Guh tĕ hơ do.” Bàr nă bol khai guh hơ trồ tòm mhwal, di đap mat ală cau sò tơm di bol khai.

Yal Tơlik 14:4

Ală cau hơ̆ òhềt gơs ƀơ̆ ƀơl mơ ală cau ùr, bơh bol khai gam rlùng. Belàt Kòn lòt tiah lơi gen bol khai jat tiah hơ̆. Bol khai neh geh Yàng Tom Trồ tơwài bơh digùl jơi kòn mơnus, tồ gơlik gơs ală cau sơnròp geh ơn Yàng Tom Trồ in mơ Belàt Kòn in.