Apdia 1:7 - Sră Goh 2018

⁷ Jơh ală cau dô bă bal mơ mê pơrlồm mê, bol khai bơtrơh mê tus di nhàr lơgar; ală cau dô bă bal mơ mê tòmdră mơ pha rlau mơ mê; ală cau sa piang lă mê dê rơp pơt dô nơm dă nàng kup mê; bulah behơ̆ khai ò git wă ñchi bơh tài ală bơta hơ̆ gơlik gơs.

Apdia 1:7 Mawu Ofanana

Đơs Crih 41:10

Mơya, ơ Yàng Jehôwa, dan nđàc di añ mơ yò tơngguh añ, Gen añ rơp sal tê di bol khai.

Đơs Crih 41:9

Tus di cau bơyô đềt mềr añ jê mơ nùs añ dòn kơnòm, La cau neh sa piang lă añ jê, khai kung pò kơndòl jơng sò tơm di añ.

Esai 27:11

Tòm tŭ ală ntê ro neh pă, ală cau ùr tus dòñ nàng sing ồs. Bơh do la dô nơm làng bol ò git wă, gen tàng Bơtau neh crơng gơs bol khai ò kòñ nđàc di bol khai, Bơtau neh mòn gơs bol khai ò yal tơlik bơta nđàc bol khai in.

Jeremi 20:10

Bơh añ neh kơno ală jơnau đơs chều oă cau dê, Kìr rngòt kòp bă tiah! “Yă tĕ khai! Bol he yă tĕ khai!” Ală cau bơyô dềt mềr añ jê kơp kòñ añ gơtup pừ, bol khai đơs lah: “Digơlan khai rơp gơkòl pơrlồm, gen bol he rơp pha lin rlau mơ khai, Mơ sal tê di khai.”

Jeremi 30:14

Ală cau kòñ gơboh mê neh hŭi mê, Ò kơlôi rcang mê in dô êt lơi; Bơh Añ neh lơh mê kong sồt kung be cau sò tơm lơh, Lơh glài mê kung be cau rhung rhang lơh glài, Tài bơh bơta tìs glài mê dờng ngan, Tồi glài mê oă ngan.

Jeremi 38:22

‘Jơh ală cau ùr gam wơl tòm gơlang bơtau Juda rơp kong cèng tus mơ ală kwang at bồ bơtau Babilôn dê; ală cau ùr hơ̆ rơp đơs mơ bơtau lah: Ală cau bơyô đềt mềr bơtau dê Neh pơrlồm pơndòm mơ geh pha; Do, jơng bơtau neh kram tòm bŏ, Gen bol khai sang lòi bơtau.’

Jeremi 4:30

Ai ai, ơ cau kong sang lòi. Ñchi ai kòñ soh ào dà gur, bơka să mơ màh, Ai dà cih pih mat nàng dờng ơnàng taih? Lơh he in gơlik hàng mơnĕ, kung la ò kwơ; Cau kòñ gơboh ai sền ai òsơp, bol khai kòñ tă bơta kis ai.

Jeremi 49:7

Bơh Edôm. Yàng Jehôwa Gơnap Gơnoar đơs be do: “Tòm Theman ngan ò gam gơs bơta jak chài ơ? Ală cau cri bơyai neh roh bơta chài rgơi rau ơ? Bơta jak chài bol khai dê neh roh rau ơ?

Ñìm Rac 1:19

Añ neh hòi ală cau kòñ gơboh añ jê, mơya bol khai pơrlồm añ. Ală cau gơnoar ơn phan duh khoai mơ kwang kra añ jê neh roh rui tòm ƀòn dờng. Tòm tŭ jòi phan sa nàng geh wơl bơta pràn kơldang bol khai dê.

Sră Ôse 13:13

Bơta jê sồt kung be cau ùr jê deh rơp tus mơ khai, mơya khai la dô nă kòn klau ò gơs bơta jak chài; tòm tŭ jơ neh tus, khai ò tơlik mat khai di mpồng hìu kòn.

Sră Ôse 7:11

Epraim gơlik be dô nơm sềm ntòp, bơrngơl, mơ siơ̆u dơngoh jak; bol khai hòi Ejiptơ dong kòl, bol khai lòt tus hơ Asiri.

Jang 13:18

Añ ò đơs bơh jơh tơl nă bol mê ò, Añ git ală cau Añ neh sac; mơya nàng gơlik di ngan be Sră Goh cih lah: ‘Cau sa piang lă Añ jê yò kơndòl jơng sò Añ wơl.’