Apdia 1:3 - Sră Goh 2018

³ Nùs pơnhừ să mê dê neh pơrlồm mê; mê la cau ơm tòm ală tiah cìr pơnai lŭ dê, la ală cau ơm hơđang ală tiah jơnhoa, mê đơs òm tòm nùs mê dê lah: ‘Ñcau rơp cèng añ mù tus di ù taih?’

Apdia 1:3 Mawu Ofanana

Sơnròp Gơlik Gơs 36:8

Esau hơ̆ la Edôm, ơm hơđang mơnơm Seir.

II Ală Bơtau 14:7

Amajiah tơnchơt jơt rbô ling Edôm ơm tòm thòng Boh, tòmpìt ai theng Sela, mơ tơmoh sơnđan la Joktheel, sơnđan hơ̆ gam tus ngai do.

II Yal Yau 25:11

Gen Amajiah ai jơh bơta khin cha mơ lam mpồl ling khai dê tus hơ Thòng Boh, mơ tơnchơt jơt rbô nă cau Seir.

II Yal Yau 25:12

Mpồl ling Juda kung kup jơt rbô nă cau gam kis, lam bol khai guh hơđang bồ mơnơm Sela mơ tơlo bol khai tòm cìr hơ̆ nàng chơt lề làc.

Sră Jop 20:6

Bulah bơta pơnhừ să bol khai dê guh jơnhoa be ală tap trồ, Mơ bồ khai ngŏ tus di ală mhwal,

Jơnau Pơnđik 16:18

Bơta pơnhừ să lòt lài bơta rung rài jat tơnơ̆; Mơ bơta tơngguh is să lòt lài mơ bơta gơtup pừ.

Jơnau Pơnđik 18:12

Bơta jòng să lòt lài mơ bơta roh gơprah; Mơya bơta pìn pơndêt să lòt lài mơ bơta màng ryŭ.

Jơnau Pơnđik 29:23

Bơta pơnhừ să cau dê rơp tơmù cau; mơya cau lơi gơs nùs pìn pơndêt să rơp geh jòng ro.

Esai 16:6

Bol he neh kơno bơh bơta pơnhừ să Môap dê, bơta pơnhừ să ir mơ bơta jòng să, bơta pơnhừ să mơ bơta tràl sơrbil khai dê, mơya ală bơta jòng să khai dê la ò kwơ.

Jeremi 21:13

Yàng Jehôwa đơs: ‘Do, ơ ală cau ơm tòm thòng, Ơ pơnai lŭ tòm ƀlàng ring ne, Añ tòmdră mơ bol mê, La ală cau khin đơs lah: Ñcau rơp mù tòmdră mơ bol he? Ñcau rgơi mut tòm tiah bol he ơm crŭ taih?’”

Jeremi 37:9

Yàng Jehôwa đơs be do: “Bol mê bañ pơrlồm is să he mơ lah: ‘Cau Kalde ngan rơp lòt ngài bơh bol he;’ mơya bol khai rơp ò lòt ngài ò.

Jeremi 48:28

Ơ làng bol Môap, Sang lòi tĕ ală ƀòn, mơ lòt ơm tòm trồm lŭ; Kung be sềm ntòp Lơh rsòn hơđang bơr cìr jrô.

Jeremi 49:16

Ơ cau ơm tòm rgồng lŭ dờng, Neh sơmbat geh bồ mơnơm ne, Kòp he la pal rngòt, Nùs pơnhừ să neh pơrlồm mê; Bulah mê lơh rsòn mê hơđang kung be rsòn klàng bung, Añ kung lơh mê in bơh hơ̆ dùh hơđơm, Yàng Jehôwa đơs behơ̆.

Jeremi 49:4

Ơ kòn ùr ò dòn song ne, Ñchi bơh tài ai jòng să bơh ală bơta pràn kơldang ai dê? Bơta pràn kơldang ai dê gơhuc gơ mù, Ai dòn kơnòm di phan màng he dê, mơ đơs lah: ‘Ñcau rơp brồ lơh añ taih?’”

Ejekiel 28:16

Kơnòm di bơta kă bro tơngkah tơngkañ mê dê, mê gơs bềng bơta jàñ bơsak, mơ mê neh tìs glài. Behơ̆ gen Añ neh sơrbì mê be dô nơm phan kòl sền òsơp bơh di mơnơm Yàng Tom Trồ dê, mơ mê la ceruƀim cau sền gàr kong bơtrơh bơh digùl ală pơnai lŭ ồs dê.

Malaci 1:4

Dilah Edôm đơs lah: “Bulah bol hi neh kong bơcah lề, bol hi rơp bơt bơtào wơl ală tiah tơrlah tơrlơm.” Mơya Yàng Jehôwa Gơnap Gơnoar Dờng Làm Jơh đơs lah: “Bol khai rgơi bơt bơtào wơl, mơya Añ rơp sòr tơrlơm, jơl tus di tŭ bol khai geh sơnđan la lơgar iơh bơsak, la dô nơm làng bol mơ Yàng Jehôwa gơjrañ sùm sùm.”