Apdia 1:21 - Sră Goh 2018

²¹ Ală cau neh geh dong tă rơp guh hơđang mơnơm Siôn nàng at bồ mơnơm Esau dê. Mơ lơgar bơtau rơp gơrê bal mơ Yàng Jehôwa.

Apdia 1:21 Mawu Ofanana

Sơnròp Gơlik Gơs 25:23

Yàng Jehôwa ho lah: “Bàr nơm lơgar ơm tòm kơndul ai, mơ bàr làng bol rơp lik bơh kơndul ai, làng bol do pràn rlau mơ làng bol ne, mơ cau bi rơp kong duh broă cau oh.”

II Ală Bơtau 13:5

Gen tàng Yàng Jehôwa ai cau Israel in dô nă cau dong tă, behơ̆ tàng bol khai geh klàs bơh tê cau Aram, mơ cau Israel geh ơm wơl tòm hìu bol khai be lài òr.

Nehemi 9:27

Tài bơh hơ̆, Kơnràñ neh jào bol khai tòm tê cau sò tơm bol khai dê. Gen cau sò tơm hơ̆ rồn bơklơn bol khai. Mơ tòm tŭ kòl tòm bơta jê sồt bòl glar gen bol khai neh rac dan mơ Kơnràñ. Bơh đang trồ Kơnràñ neh kơno bol khai, mơ jat bơta nđàc dờng Kơnràñ dê, gen Kơnràñ sồr ală cau dong klàs tus nàng dong tă bol khai klàs bơh di ală cau sò tơm bol khai dê.

Đơs Crih 102:15

Ală làng bol rơp duh rngòt di sơnđan Yàng Jehôwa, Mơ jơh ală cau bơtau dunnia dê rơp duh rngòt di bơta gơklŏ Kơnràñ dê.

Đơs Crih 22:28

Bơh gơnoar at bồ gơrê bal mơ Yàng Jehôwa, Kơnràñ at bồ hơđang ală làng bol.

Đơs Crih 22:29

Ngan jơh ală cau pơnhừ să tòm dunnia rơp cùn khoai di đap Kơnràñ; Jơh ală cau òs chơt, la ală cau ò rgơi pleh klàs di bơta chơt, Rơp cùn khoai di đap Kơnràñ.

Đơs Crih 47:7

Bơh Yàng Tom Trồ la Bơtau at bồ làm plai ù; Ai tĕ jơnau đơs crih mơ đơs chò jòng ro Kơnràñ!

Đơs Crih 67:4

Lòi ală lơgar chò hòp mơ đơs chò dô bă hòn chò, Bơh Kơnràñ cahrña ală làng bol dô bă song ngan, Mơ tề lam ală lơgar hơđang plai ù. (Selah)

Esai 19:20

Hơ̆ la dô nơm tềl mơ dô jơnau lơh cơng bơh Yàng Jehôwa Gơnap Gơnoar Dờng tòm lơgar Ejiptơ. Tòm tŭ bol khai hòi Yàng Jehôwa tài bơh cau rồn bơklơn bol khai, Kơnràñ rơp sồr dô bơtau dong klàs mơ dong tò, dong tă bol khai.

Esai 24:23

Mat kơnhai rơp ƀàssìl, mattơngai rơp ƀàssìl; bơh Yàng Jehôwa Gơnap Gơnoar Dờng rơp at bồ hơđang mơnơm Siôn mơ hơđang Jerusalem, Kơnràñ rơp ràng tơlik bơta gơklŏ Kơnràñ dê di đap ală kwang kra Kơnràñ dê.

Daniel 12:3

Ală cau jak chài rơp gơcrà kung be bơta àng ală tap trồ dê; mơ ală cau tề lam oă cau tus hơ bơta song ring rơp gơcrà be ală sơmañ gam sùm sùm ò lồi.

Daniel 2:35

Gen lòs ù kơnàng, kòng, priă mơ màh bơcah lề lac jơh, gơlik be thul tòm làn kòi tòm kơnhai prang gơs càl khồm pơrdô, gơ par roh thit jơh. Ai pơnai lŭ neh tơm bơcah rùp ràk hơ̆ gen gơlik gơs dô nơm mơnơm dờng bềng lìu làm ù tiah.

Daniel 2:44

Tòm rài ală cau bơtau do, Yàng Tom Trồ ơm hơđang trồ rơp bơtào tơngguh dô nơm lơgar ò gơs tŭ lơi kòl tơnroh hala kong alah. Lơgar hơ̆ rơp jan bơcah mơ tơnroh jơh ală lơgar jơl lồi dut, mơ lơgar hơ̆ rơp bơtào kơ̆ gam sùm sùm.

Daniel 7:14

Kơnràñ geh Bơtau Yau Òr jào gơnoar, bơta gơklŏ mơ gơnoar at bồ lơgar tồ jơh ală làng bol, ală lơgar, mơ ală jơnau đơs pal duh khoai Kơnràñ. Gơnoar at bồ Kơnràñ dê kơ̆ nền gam sùm sùm, gơnoar hơ̆ ò tŭ lơi lồi jơh, mơ lơgar Kơnràñ at bồ ò gơs tŭ lơi gơkòl tơnroh.”

Daniel 7:27

Gen gơnoar bơtau, gơnoar at bồ, mơ bơta dờng ryŭ ală lơgar dê ơm hơđơm jơh trồ do rơp geh ai ală cau sàng goh la làng bol Bơtau Hơđang Rlau Jơh dê. Lơgar bol khai dê rơp la lơgar gam sùm sùm, mơ jơh ală cau at bồ rơp duh broă mơ dòn bơr bol khai.’

Jôel 2:32

Gen cau lơi hòi dan di sơnđan Yàng Jehôwa rơp geh dong klàs; bơh hơđang mơnơm Siôn mơ tòm Jerusalem rơp gơs ală cau geh dong tă, jat be jơnau Yàng Jehôwa neh đơs: mơ digùl ală cau gam wơl, bol khai la ală cau rơp geh Yàng Jehôwa hòi.

Mice 4:7

Añ rơp lơh cau kwet gơlte in gơlik gơs làng bol gam wơl, lơh ală cau neh kong kup cèng gơlik gơs dô nơm lơgar pràn. Yàng Jehôwa rơp at bồ bol khai tòm mơnơm Siôn, bơh tŭ do jơl tus sùm sùm.

Sacari 14:9

Yàng Jehôwa rơp lơh gơs bơtau at bồ jơh plai ù. Tòm ngai hơ̆ rơp gơs mìng dô Bơtau la Yàng Jehôwa lơm, mơ sơnđan Kơnràñ la sơnđan mìng dô sơnđan lơm.

Mathiơ 6:10

Lơgar Bèp gơs tus; Nùs kòñ Bèp gơs di, tòm ù be trồ!

Mathiơ 6:13

Dan bañ tơmut bol hi tòm bơta ơniai, mơya dong bol hi klàs bơh bơta iơh. [Bơh lơgar, gơnap gơnoar, gơklŏ gơrê bal mơ Bèp sùm sùm. Amen.’]

Luka 22:30

bol mê geh ñô sa di cơnòng Añ jê tòm lơgar Añ; bol mê kung rơp nggui hơđang sơbàn mơ cahrña jơt bàr jơi bơtiàn làng bol Israel.”

I Timôthe 4:16

Kơrmap gàr tĕ să tòm mê mơ bơta bơto sồr mê dê; pal kơ̆ wền tĕ tòm ală bơta hơ̆, tài bơh lơh behơ̆ gen rơp dong klàs să tòm mê bal mơ ală cau iat mê sơl.

Jakơ 5:20

gen pal git lah cau lơi tề lam cau glài rê wơl sang gùng tìs nrah, hơ̆ la dong hwềng soàn khai klàs bơh bơta chơt mơ jơm ndơp oă tồi glài.

Yal Tơlik 11:15

Cau gơnrơh dơ̆ poh uh kơlwòk, gen gơs ală jơnau dờng hơđang trồ đơs lah: “Lơgar bơtau dunnia dê neh gơlik lơgar Yàng bol he dê mơ Bơtau Krist Kơnràñ dê, Kơnràñ rơp at bồ jơl sùm sùm.”

Yal Tơlik 19:6

Chòp añ kơno jơnau gơlơh be jơnau dô mpồl bol oă, be jơnau oă dà hòr, mơ be jơnau ntơr kơnàs dờng, đơs lah: “Haleluya! Bơh Yàng la Yàng Tom Trồ bol he dê, la Bơtau Gơnoar Dờng Làm jơh, gơs gơnoar at bồ.

Yal Tơlik 20:4

Gen añ gŏ ală sơbàn, mơ ală cau nggui tềng hơ̆ la cau neh geh gơnoar cahrña. Añ kung gŏ hwềng soàn ală cau neh kong koh bồ tài bơh jơnau lơh cơng bơh Yàng Jesu, mơ tài bơh jơnau Yàng Tom Trồ dê, hơ̆ la ală cau ò duh khoai phan poan jơng mơ rùp gơ, mơ ò dòp tềl gơ di bìng liang mơ di mpàng tê he. Bol khai geh kis wơl mơ at bồ bal mơ Bơtau Krist tòm dô rbô nam.

Ală Kwang Cahrña 2:16

Gen Yàng Jehôwa bơtào tơngguh ală cau kwang cahrña nàng dong tă bol khai bơh di tê ală cau phà kơñau bol khai.

Ală Kwang Cahrña 3:9

Mơya tòm tŭ bol khai rac dan mơ Yàng Jehôwa, gen Kơnràñ tơngguh Israel in dô nă cau dong tă la Ôtniel kòn klau Kenas, oh Kalep dê dong tă bol khai.