Apdia 1:10 - Sră Goh 2018

¹⁰ Bơh bơta tơnchơt mơ bơta jàñ bơsak mê neh lơh di oh mi mê la Jakôp, bơta ƀàssìl rơp jơm ndơp mê, mơ mê rơp kong tơnroh jơl sùm sùm!

Apdia 1:10 Mawu Ofanana

Sơnròp Gơlik Gơs 27:11

Jakôp đơs mơ khai lah: “Ơ mè! Esau, bi añ, gơs sơnò mơya añ ò gơs.

Sơnròp Gơlik Gơs 27:41

Esau gơjrañ kơuềng di Jakôp tài bơh bèp khai ai lơngai Jakôp in, gen đơs tòm nùs lah: “Ală ngai moat bèp dê mòr di, behơ̆ añ rơp tơnchơt Jakôp, oh añ.”

II Yal Yau 28:17

Bơh cau Edôm neh brồ lơh Juda tai mơ kup cèng oă cau.

Đơs Crih 109:29

Lòi ală cau yă añ kong cau sền òsơp; Lòi bol khai ơm tòm bơta ƀàssìl kung be soh ào jrùh.

Đơs Crih 132:18

Añ rơp ai bơta ƀàssìl tơnsoh cau sò tơm di khai, mơya hơđang bồ khai, sơgơn bơtau khai dê rơp geh àng gơcrà.”

Đơs Crih 137:7

Ơ Yàng Jehôwa, dan kah tòmdră mơ ală cau Edôm, tòm ngai Jerusalem kòl tơrlơm, Bol khai đơs lah: “Phà tơrlah tĕ, phà tơrlah tĕ! Tơmù tus di ală mơnàng gơ dê!”

Đơs Crih 69:7

Hơ̆ la tài bơh Kơnràñ mơ añ kong cau bơtat bơtròh, Mơ kòl bơta ƀàssìl gơ jơm hơđang mat añ.

Đơs Crih 89:45

Yàng neh pơndut ală ngai tòm tŭ khai gam pơnu, Mơ lơh khai in kong bơta ƀàssìl ò git lơh. (Selah)

Jơnau Pơnđik 10:6

Bơta ai lơngai mù hơđang bồ cau song ring; Mơya bơr cau iơh bơsak pồn ndơp bơta rhung rhang.

Jơnau Pơnđik 17:5

Cau lơi dơñŏ tơnhial cau dồn sa rƀah dơñŏ tơnhial Bơtau crơng gơs bol khai; Cau lơi hòn chò bơh bơta rung rài cau ndai dê rơp ò geh klàs bơh bơta lơh glài.

Jeremi 12:14

Yàng Jehôwa đơs be do: “Ală cau gơp ƀòn iơh Añ jê, la cau tòmpìt sre brê mơ Añ neh ai làng bol Añ in, la Israel, lơh gơs phan jơtài: Añ rơp dus bol khai bơh digùl ù tiah bol khai dê, mơ rơp dus hìu Juda bơh digùl bol khai.

Jeremi 3:25

Lòi bol hi bic tòm bơta ƀàssìl bol hi dê, mơ lòi bơta bơrsèl tơnhial jơm bol hi! Bơh bol hi bal mơ ồng pàng bol hi dê Neh tìs glài mơ Jehôwa Yàng Tom Trồ bol hi dê, Bơh tŭ gam kơnòm jơl tus di ngai do; Bol hi ò lơh jat jơnau Jehôwa Yàng Tom Trồ bol hi dê.”

Jeremi 49:13

Yàng Jehôwa đơs: “Bơh Añ neh sơnio să tòm Añ mơ srat să, Bôsra rơp gơlik gơs cù kìr mơ sền òsơp, kong phà tơrlah mơ srat sơntơm; ală ƀòn gơ dê rơp gơlik gơs dô gơnru lề lac jơl sùm sùm.”

Jeremi 51:51

Bol he ƀàssìl bơh neh kơno bơta dơñŏ tơnhial; Bơta ƀàssìl jơm muh mat bol he; Bơh cau bơdìh neh tus mut Tòm tiah sàng goh hìu Yàng Jehôwa dê.

Ñìm Rac 4:21

Ơ kòn ùr Edôm, ơm tòm lơgar Us; hòn chò hừh hơh tĕ, Mơngàn kung rơp jun tus hơ ai, ai rơp bơñul mơ ơm kuh lòi rồ.

Ñìm Rac 4:22

Ơ kòn ùr Siôn, bơta lơh glài ai neh tơl, Kơnràñ rơp ò phi ai kong kup cèng gơs dĭ tai! Ơ kòn ùr Edôm, Kơnràñ rơp lơh glài ai; Kơnràñ rơp ràng tơlik tồi glài ai dê!

Ejekiel 35:9

Añ rơp lơh mê in gơlik gơs tiah srau gòi sùm sùm; ală ƀòn dờng mê dê rơp ò gơs làng bol ơm tai, gen mê rơp git Añ la Yàng Jehôwa.

Ejekiel 7:18

Bol khai rơp soh ƀào sơnò kiat, mơ rơp soh bơta rngòt rngơt. Muh mat bol khai dê rơp kong jơm gòm mơ bơta ƀàssìl ƀàsso, mơ bồ bol khai rơp kong koah.

Jôel 3:19

Mơya Ejiptơ rơp gơlik gơs tiah sang lòi ngềt ngơt, Edôm rơp gơlik gơs ƀlàng ngềt ngơt srau gòi, tài bơh bol khai lơh bơta iơh bơsak gơwèt hơ làng bol Juda mơ lơh gơtuh mhàm ò gơs glài tòm ù tiah hơ̆.

Amôs 1:11

Yàng Jehôwa đơs be do: “Bơh tồi glài Edôm dê, oă rlau mơ pe, poan dơ̆, Añ rơp ò jùt sang bơta lơh glài Añ jê, tài bơh khai neh ting jat oh mi he mơ đào, sang lòi jơh ală bơta kòñ nđàc, khai prap lòi bơta gơjrañ sùm sùm, mơ prap gàr bơta gơjrañ kơuềng khai dê ò jơh.

Mice 7:10

Gen cau sò tơm di añ rơp gŏ, mơ rơp kong bơta ƀàssìl jơm gòm khai la cau neh đơs mơ añ lah: “Ntềng đah Jehôwa Yàng Tom Trồ mê dê taih?” Mat añ rơp gŏ bơta gơplơ̆ khai dê; tŭ do khai rơp kong jă trơm hơđơm mpàng jơng kung be bŏ tòm ală gùng lòt.

Yal Wơl 23:7

Bañ cù kìr di dô nă cau Edôm tài bơh khai la oh mi bol mê dê. Bañ cù kìr di dô nă cau Ejiptơ, tài bơh bol mê neh ơm ing tòm lơgar khai dê.

Yal Wơl 23:8

Kòn sau rài dơ̆ pe bol khai dê rgơi geh mut tòm mpồl jơnum Yàng Jehôwa dê.