Amôs 4:2 - Sră Goh 2018

² Yàng Jehôwa Gơnap Gơnoar Dờng Làm Jơh neh ai bơta sàng goh Kơnràñ dê mơ srat să lah: “Ngan, tŭ tơngai rơp tus hơđang bol ai, tòm tŭ bol khai rơp tă cèng bol ai mơ ală kơlnĕ, tian gơs cau lồi dut bol ai dê rơp kòl kup cèng bơh ală gai kwĕ gơs plai ndàr ka.

Amôs 4:2 Mawu Ofanana

Đơs Crih 89:35

Añ neh ai bơta sàng goh Añ jê mơ srat să dô dơ̆ tơl rau; Añ rơp ò đơs blac mơ Dabit.

Đơs Crih 89:36

Jơi bơtiàn khai dê rơp gam gơs sùm sùm, Mơ sơbàn khai dê rơp gam jŏ jòng di đap Añ be mattơngai.

Esai 37:29

Tài bơh mê gơhào gơjrañ tòmdră di Añ, mơ jơnau pơnhừ să mê dê neh tus di tồr Añ, gen Añ rơp ơn kơlnĕ Añ jê kwĕ di muh mê, mơ ơn che kèp Añ jê gla di bơr mê, Añ rơp lơh mê in rê wơl jat gùng mê neh lòt tus.’

Jeremi 16:16

Yàng Jehôwa đơs lah: “Tŭ do Añ rơp sồr oă cau dang bơtơng ka, ală cau hơ̆ rơp kup bol khai; tơnơ̆ hơ̆, Añ rơp sồr oă cau lòt mòc, ală cau hơ̆ rơp kup bol khai bơh ală mơnơm, ală dòr, mơ ală tiah gồp lŭ.

Ejekiel 29:4

Mơya Añ rơp ơn kơndàr tòm bàr đah kàng mê, mơ lơh ală ka tòm hiòng mê gơđềt di ngkàp mê dê. Añ rơp hwài tơngguh mê bơh di ală hiòng dà mê dê, bal mơ jơh ală ka gơđềt di ngkàp mê dê tai sơl.

Ejekiel 34:16

‘Añ rơp jòi belàt neh roh, cèng brê wơl belàt neh tìs nrah. Añ rơp pùt belàt neh kong sồt, mơ lơh pràn wơl belàt lơbơn lơño, mơya belàt lơmă mơ pràn añ rơp tơnroh. Añ rơp ròng siam bol gơ mơ bơta song ring.’

Ejekiel 38:4

Añ rơp pơrlac mê gùt dar, mơ ơn ală gai kơlnĕ lòs tòm kàng mê, mơ rơp lam mê lik bal mơ jơh mpồl ling mê dê, hơ̆ la ală ơseh bal mơ cau hào ơseh gơs tơl jơh ală phan ngui tòmlơh, bal mơ dô mpồl ling gal ngan at ală khèl dờng khèl dềt, jơh tơl nă bol khai hu hi đào bol khai dê.

Amôs 6:8

Jehôwa Yàng Tom Trồ neh srat să mơ să tòm Kơnràñ; Jehôwa Yàng Tom Trồ Gơnap Gơnoar Dờng làm Jơh đơs lah: “Añ cù kìr di bơta pơnhừ să Jakôp dê, mơ gơjrañ mañ di ală gơlang kơ̆ cê khai dê; Añ rơp jào phi ƀòn dờng mơ jơh ală phan tòm hơ̆.”

Amôs 8:7

Yàng Jehôwa srat să bơh bơta pơnhừ să Jakôp dê lah: “Ngan Añ rơp ò tŭ lơi hŭi dô êt lơi ală bơta bol khai neh lơh.