Amôs 2:9 - Sră Goh 2018

⁹ Añ neh tơnroh cau Amôrit di đap bol khai, bulah khai jơnhoa be ală chi nho rề, mơ pràn kơldang be ală tòm cha. Añ neh tơnroh ală plai khai dê hơđang mơ ală ryas hơđơm khai dê.

Amôs 2:9 Mawu Ofanana

Sơnròp Gơlik Gơs 15:16

Tus dê rài poan, gen jơi bơtiàn mê rơp rê wơl hơ do, tài bơh tồi glài cau Amôrit dê òhềt bềng lìu.”

I Yal Yau 1:14

mơ cau Jebusit, cau Amôrit, cau Girgasit,

Sră Jop 18:16

Hơđơm ryas bol khai ro rañ, hơđang ntê bol khai ñòp jrùh.

Lik Ejiptơ 3:8

Behơ̆ Añ mù tus nàng dong tă bol khai klàs bơh di tê cau Ejiptơ, lam bol khai guh mơ lik bơh di lơgar hơ̆ tus hơ dô nơm lơgar niam mơ dờng ơnàng, lơgar gơs lìu làc dà toh mơ dà lơwe, hơ̆ la lơgar tòm cau Kanaan, cau Hetit, cau Amôr, cau Pheres, cau Hebit mơ cau Jebusit dê.

Lik Ejiptơ 34:11

Dòn bơr lơh jat tĕ jơnau Añ sồr mê ngai do. Añ rơp ting bơtrơh bơh di đap mê cau Amôr, cau Kanaan, cau Hetit, cau Pheres, cau Hebit, mơ cau Jebusit.

Esai 10:33

Do, Yàng la Yàng Jehôwa Gơnap Gơnoar Dờng, rơp koh ală ntê chi mơ gơnoar dờng kìr rngòt. Ală chi jơnhoa rơp kòl koh, ală chi jơnhoa rlau jơh rơp kong tơmù.

Esai 5:24

Gen tàng, kung be lơmpiat ồs sa loan rhe, mơ kung be ñhơt ro kòl pơrguc tòm lơmpiat ồs, gen kung behơ̆ sơl, tòm ryas bol khai dê rơp ồm lề, mơ bơkào bol khai gơ par roh thit kung be thul; tài bơh bol khai neh sang lòi bơta boh lam Yàng Jehôwa Gơnap Gơnoar Dờng dê mơ sền òsơp jơnau đơs Bơtau Sàng Goh Israel dê.

Ejekiel 17:9

Mê đơs tĕ mơ bol khai lah: ‘Jehôwa Yàng Tom Trồ đơs be do: Tòm ño hơ̆ rơp geh tơlir niam sơl? Gơ rơp ò kong dus mơ pic sang jơh plai gơ dê tồ gơ in ro jrùh, jơh ală bơta hòn dờng pa gơ dê rơp ro jrùh sơl ơ? Ò càng gơs tơwòr tê pràn hala ling pràn kơldang nàng dus gơ bơh ryas gơ dê.

Malaci 4:1

“Sền tĕ, ngai hơ̆ rơp tus, gơ sa hơng kung be bơnhă ồs. Jơh ală cau pơnhừ să bal mơ cau lơh bơta iơh bơsak rơp kung be rhe, mơ ngai hơ̆ rơp tus be ồs sa pơrguc bol khai,” Yàng Jehôwa Gơnap Gơnoar Dờng Làm Jơh đơs behơ̆. “Gen tàng rơp ò gam dô nơm ryas hala dô nơm ntê lơi lòi wơl bol khai in.

Khà Làng Bol 32:13

Bơta gơjrañ Yàng Jehôwa dê neh gơhào khuh tòmdră mơ Israel mơ Kơnràñ neh lơh bol khai in lòt nrah nring tòm ƀlàng ngềt ngơt tòm poan jơt nam, jơl tus di tŭ jơh dô rài ală cau neh lơh iơh di đap Kơnràñ neh chơt jơh.

Yal Wơl 1:28

Ntềng đah bol he rgơi lòt taih? Ală oh mi bol he dê neh lơh bol he in gơplơ̆ nùs. Bol khai đơs lah: Ală làng bol tềng hơ̆ la pràn kơldang mơ jơnhoa rlau mơ bol he; ală ƀòn dờng la dờng ngan, ală dơrñang la jòng jơnhoa tus hơđang trồ. Bol hi kung neh gŏ ală cau Anakim ơm tềng hơ̆.’

Yal Wơl 3:11

(Mìng Ôk bơtau Basan gam wơl bơh di kòn sau Rephaim. Cơnòng bic khai dê lơh mơ lòs mơ gơs rlau mơ jơt pe tal jòng mơ prau tal ơnàng. Cơnòng hơ̆ gam tòm Rapbah cau Ammônit dê.)

Jôsue 10:12

Tòm ngai Yàng Jehôwa jào phi làng bol Amôr cau Israel in, gen Jôsue đơs mơ Yàng Jehôwa di đap Israel lah: “Ơ mattơngai, ơm dơh wơl tĕ hơđang Gabaôn; Ơ mat kơnhai, ơm dơh wơl tĕ hơđang thòng Aijalôn.”

Jôsue 3:10

Bơh bơta do bol mê rơp git Yàng Tom Trồ la Bơtau kis gam sùm sùm ơm digùl bol mê, mơ ngan la Kơnràñ rơp ting bơtrơh bơh di đap bol mê làng bol Kanaan, làng bol Hetit, làng bol Hebit, làng bol Pherijit, làng bol Girgasit, làng bol Amôrit mơ làng bol Jebusit: