Amôs 2:4 - Sră Goh 2018

⁴ Yàng Jehôwa đơs be do: “Bơh tồi glài Juda dê, oă rlau mơ pe, poan dơ̆. Añ rơp ò jùt sang bơta lơh glài gơ dê. Tài bơh bol khai neh sang lòi bơta boh lam Yàng Jehôwa dê, mơ ò prap gàr ală bơta sồr lam Kơnràñ dê; tài bơh bol khai gơkòl tề lam tìs nrah bơh ală bơta ma blac, jat ală gùng mơ ală ồng pàng bol khai dê neh lòt.

Amôs 2:4 Mawu Ofanana

II Ală Bơtau 17:19

Cau Juda kung ò lơh jat ală bơta sồr lam Jehôwa Yàng Tom Trồ bol khai dê; mơya lòt jat ală bơta òs mòng mơ Israel neh sơnio lam.

II Yal Yau 25:14

Tòm tŭ Amajiah rê wơl bơh di bơta tơnchơt cau Edôm, khai cèng brê ală rùp ràk cau Seir dê. Khai bơtào lơh gơs ală yàng să tòm khai dê, cùn khoai bol gơ mơ ơn phan duh khoai bol gơ in.

II Yal Yau 30:7

Bañ lơh be ală ồng pàng mơ ală oh mi bol mê dê la ală cau ò dòn song mơ Jehôwa Yàng Tom Trồ ală ồng pàng bol khai dê, tian gơs Kơnràñ neh lơh bol khai in gơlik gơs dô bă tiah tơrlah tơrling be bol mê neh gŏ.

Nehemi 1:7

Bol hi neh lơh bơta tìs mơ Yàng oă ngan, ò lơh jat bơta sồr lam, bơta sơnio lam mơ bơta boh lam Kơnràñ dê, mơ Kơnràñ neh sồr Môise, dĭ gơna Kơnràñ dê.

Nehemi 9:26

Bulah behơ̆, bol khai ò dòn bơr, sòdră di Kơnràñ, sang lòi bơta boh lam Kơnràñ dê, tơnchơt ală cau gơnoar hwơr Kơnràñ dê, la ală cau neh yal tơnggit bol khai in, nàng lam bol khai rê wơl hơ Kơnràñ. Bol khai neh lơh oă bơta tràl sơrbil.

Esai 28:15

Tài bơh bol mê neh đơs lah: “Bol hi neh bơt bơtào dô bơta ho bal mơ bơta chơt, mơ gơs dô nùs bal mơ lơgar làng ƀồc. Tòm tŭ bơta rung rài tơnroh lòt gan mhar, gơ rơp ò tus di bol hi, bơh bol hi ngui bơta đơs blac lơh gơs tiah kìng crŭ, mơ ai bơta ma blac lơh gơs tiah pồn să.”

Esai 44:20

Cau hơ̆ sa bùh, nùs gơkòl pơrlồm neh lam khai lòt tìs; khai ò rgơi dong klàs să tòm khai, hala đơs lah: Ò di phan tòm tê ma añ do la phan ma blac ò ơ?”

Jeremi 16:11

Gen đơs tĕ mơ bol khai lah: Yàng Jehôwa đơs: ‘Hơ̆ la tài bơh ồng pàng bol mê dê neh sang lòi Añ, lòt jat ală yàng ndai, nàng duh broă mơ duh khoai ală yàng hơ̆, mơ neh sang lòi Añ ò prap gàr bơta boh lam Añ jê.

Jeremi 16:12

Ai bol mê lơh bơta iơh rlau mơ ồng pàng bol mê dê; mơ do, bol mê kòp nă lơh jat nùs iơh kră kơldang bol mê dê, ò bài iat Añ.

Jeremi 17:27

Mơya dilah bol mê ò bài iat Añ nàng ơn is ngai Saƀat gơlik gơs ngai sàng goh, mơ tòm ngai Saƀat tui ơnòng mơ mut tòm mpồng ƀòn dờng Jerusalem, gen Añ rơp ơn ồs di mpồng theng, ồs hơ̆ rơp chu pơrguc gơlang bơtau tòm Jerusalem, mơ rơp ò geh đơp chơt ò.’”

Jeremi 6:19

Ơ ù tiah, iat tĕ! Do, Añ rơp cèng bơta rung rài tus hơđang làng bol do, cồng nha bơh ală kai gơrmơ̆i bol khai dê, Tài bơh bol khai ò bài ai tồr iat ală jơnau Añ jê, Mơ bơh bơta bơto sồr Añ jê bol khai neh sang lòi gơ.

Jeremi 8:2

Cau rơp pràng ală ntìng ƀồc hơ̆ hơđơm mattơngai, mat kơnhai, mơ ală sơmañ hơđang trồ, hơ̆ la ală phan mơ bol khai kòñ gơboh, duh broă; la phan bol khai lòt jat, jòi jat mơ duh khoai. Gơ rơp ò geh tơrgòm wơl hala tơp bồr, gơ rơp kung be è hơđang ù.

Jeremi 8:9

Ală cau jak chài rơp gơkòl ƀàssìl, bol khai rơp gơdô nùs, mơ gơkòl kup cèng. Bơh di tŭ bol khai neh sang lòi jơnau Yàng Jehôwa dê; ñchi bơta jak chài gam ơm tòm bol khai taih?

Jeremi 9:14

Mơya bol khai kơldang bồ lòt jat nùs is bol khai dê, jat ală yàng Baal mơ ồng pàng bol khai neh bơto bol khai.”

Ejekiel 13:22

Tài bơh bol ai neh ai bơta đơs blac lơh gơplơ̆ nùs cau song ring tòm tŭ Añ ò lơh bol khai in moat jrùng, mơ tài bơh bol ai chồl nùs cau iơh bơsak nàng bol khai ò rê wơl bơh di ală gùng iơh bol khai dê tồ dong klàs bơta kis bol khai dê,

Ejekiel 20:13

Mơya hìu Israel tòmdră mơ Añ tòm ƀlàng ngềt ngơt; bol khai ò lơh jat jơnau sồr Añ jê, mơya sang lòi ală bơta sồr lam Añ jê, bulah cau lơi lơh jat gen rơp geh kis bơh gơ, mơ bol khai neh sền òsơp oă ngan di ală ngai Saƀat Añ jê. Behơ̆ Añ neh kơlôi Añ rơp tuh bơta gơjrañ dờng Añ jê hơđang bol khai tòm ƀlàng ngềt ngơt, nàng tơnroh bol khai.

Ejekiel 20:16

Tài bơh bol khai neh sang lòi ală bơta boh lam Añ jê, mơ ò lơh jat ală jơnau sồr Añ jê, mơ sền òsơp di ală ngai Saƀat Añ, bơh nùs bol khai wèt hơ ală rùp ràk bol khai dê.

Ejekiel 20:18

Añ neh đơs mơ kòn sau bol khai dê tòm ƀlàng ngềt ngơt lah: ‘Bañ lơh jat ală bơta sồr lam ồng pàng bol mê dê hala prap gàr bơta boh lam bol khai dê, hala lơh ƀơ̆ ƀơl să tòm bol mê dê bơh ală rùp ràk bol khai dê.

Ejekiel 20:24

tài bơh bol khai neh ò lơh jat ală bơta sồr lam Añ jê, mơya neh sang lòi ală jơnau sồr Añ jê, mơ neh sền òsơp ală ngai Saƀat Añ jê, mơ mat bol khai neh wèt hơ ală rùp ràk ồng pàng bol khai dê.

Ejekiel 20:30

“Behơ̆ gen, đơs tĕ mơ hìu Israel lah: ‘Jehôwa Yàng Tom Trồ đơs be do: Bol mê rơp lơh ƀơ̆ ƀơl is să tòm bol mê dê jat gùng ồng pàng bol mê neh lơh, mơ hàm kòñ ală rùp duh khoai cù kìr bol khai dê ơ?

Ejekiel 22:28

Ală cau gơnoar hwơr gơ dê pih bò ală broă lơh hơ̆ bol khai in kơnòm di ală bơta gơtơnggŏ roh lơm mơ bơta sền dà ma blac bol khai in mơ đơs lah: “Do la jơnau đơs Jehôwa Yàng Tom Trồ dê,” tòm tŭ Yàng Jehôwa ò đơs behơ̆.

Ejekiel 22:8

Ai neh sền òsơp di ală phan sàng goh Añ jê, mơ lơh ƀơ̆ ƀơl ală ngai Saƀat Añ jê.

Sră Ôse 12:2

Epraim ê càl, ngai mho ting jat càl đah mattơngai lik, mơ bơtơl oă bơta đơs blac mơ bơta iơh bơsak. Khai bơt bơtào bơta ho bal mơ Asiri, mơ pơyoa mơñà tus hơ Ejiptơ.

Sră Ôse 12:3

Yàng Jehôwa lơh nền glài tòmdră mơ Juda, Kơnràñ rơp lơh glài Jakôp jat ală gùng dà khai dê, mơ tơm wơl khai in jat ală broă lơh khai dê.

Sră Ôse 6:11

Ơ Juda, bơh mê kung behơ̆ sơl, dô kơnhai toès neh lơh nền rau. Tòm tŭ Añ rơp bơtào wơl sre brê làng bol Añ jê.

Amôs 1:3

Yàng Jehôwa đơs be do: “Bơh tồi glài Damas dê, oă rlau mơ pe, poan dơ̆, Añ rơp ò jùt sang bơta lơh glài Añ jê, tài bơh bol khai neh pơrjòt Galaat mơ gai lòs pơrjòt kòi.

Amôs 3:2

“Añ mìng git bol mê lơm bơh di jơh ală hìu nhă hơđang plai ù; behơ̆ tàng Añ rơp lơh glài bol mê bơh jơh ală bơta tồi glài bol mê dê.”

Mice 6:12

Ală cau pas gơs bol mê dê bềng bơta jàñ bơsak; làng bol bol mê dê la ală cau đơs blac, lơmpiat blac pơrlồm tòm ală bơr bol khai dê.

Habakuk 2:18

Dô nơm rùp ràk bơh dô nă cau neh mòn gơs bơta lơi kwơ taih? Dô nơm rùp duh khoai, bơto jơnau ma blac gơs kwơ lơi taih? Bơh cau neh mòn gơ dòn kơnòm di phan khai neh lơh gơs; bulah khai lơh gơs rùp ràk ò rgơi đơs.

Rôma 1:25

bơh bol khai neh tòmgơl jơnau song Yàng Tom Trồ dê mơ dòp bơta blac chừt, duh khoai mơ duh broă ală phan neh geh crơng gơs ala Bơtau Crơng Gơs, la Bơtau pal jòng ro gam sùm sùm! Amen.

I Tesalônika 4:8

Gen tàng cau lơi sang lòi bơta do gen ò di sang lòi cau ò, mơya hơ̆ la sang lòi Yàng Tom Trồ la Bơtau ai Yàng Hwềng Goh Kơnràñ dê oh mi in.

I Pier 1:18

Bơh oh mi git lah ò di bơh phan òs roh rui be priă hala màh mơ oh mi neh geh tơwài lik klàs bơh bơta lơh lòt ò kwơ mơ ồng pàng lòi wơl he in ò,

Ală Kwang Cahrña 10:6

Gen làng bol Israel lơh bơta iơh bơsak tai di đap Yàng Jehôwa. Bol khai duh broă ală yàng Baal mơ yàng Astarôt, ală yàng lơgar Aram, ală yàng lơgar Sidôn, ală yàng lơgar Môap, ală yàng lơgar Ammôn, mơ ală yàng lơgar Philistin dê. Mơ tài bơh làng bol Israel sang lòi Yàng Jehôwa mơ ò duh khoai Kơnràñ.